Ársrit um starfsendurhæfingu - 2014, Qupperneq 23

23www.virk.is
VIRK
hvar sem er á landinu óháð búsetu, en
það hefur reyndar verið stefna VIRK frá
upphafi. Þannig á einstaklingur sem leitar
til ráðgjafa hjá Einingu-Iðju á Akureyri von
á sambærilegri þjónustu og einstaklingur
sem hittir ráðgjafa hjá VR í Reykjavík, svo
dæmi sé tekið. Eðli málsins samkvæmt
getur þó verið töluverður munur á þeim
fjölda úrræða sem í boði er á hverjum
stað.
Starf ráðgjafa er í takt við
stefnumótun hjá VIRK
Það er ekki síst hinu góða starfi ráðgjafa
VIRK að þakka að þau markmið sem sett
voru fram í viðamikilli stefnumótunar-
vinnu VIRK náðust að mestu ef ekki öllu
leyti fyrir árið 2013. Þannig má segja
að VIRK sé til fyrirmyndar hvað varðar
gæði, öryggi og árangursríka nálgun í
málum einstaklinga og að formlegt og
árangursríkt samstarf ríki almennt við
stéttarfélög, atvinnurekendur, lífeyrissjóði,
heilbrigðisstofnanir og þjónustuaðila í
starfsendurhæfingu. Sérfræðingar VIRK
hafa einnig unnið hörðum höndum að
því að ná öðrum markmiðum sem sett
voru fyrir árið 2013 og meðal annars
komið því til leiðar að áhersla er nú lögð á
þverfaglega aðkomu á öllum stigum starfs-
endurhæfingar, sem skilar sér í breyttu
verklagi og bættri þjónustu. Einstaklingar
sem koma í þjónustu VIRK í dag geta
því átt von á því að mál þeirra sé skoðað
af hópi sérfræðinga í byrjun ferils og að
hitta fyrir lækni og fleiri sérfræðinga
á borð við sálfræðing og/eða sjúkraþjálfara
síðar í ferlinu. Stefnumótunarvinnan sem
unnin var á árinu 2013 skilaði því að
þróun vinnulags er í samræmi við bestu
mögulegu þekkingu og reynslu, enda var
lagst í viðamikla skoðun á því hvernig
árangursríkri starfsendurhæfingu er hag-
að annars staðar í heiminum. Annað
markmið sem VIRK setti sér fyrir árið
2013 var að þjónusta við einstaklinga
væri góð, fagleg og tímanleg. Við teljum
okkur tvímælalaust veita góða og faglega
þjónustu, sem endurspeglast í fjölda
jákvæðra ummæla einstaklinga sem nær
undantekningalaust lofa starf ráðgjafa og
þjónustu VIRK. Við gerum okkar ítrasta til
að þjónustan geti einnig talist tímanleg,
en aðsókn að þjónustu VIRK hefur vaxið
svo ört að okkar helsti vandi í dag er að
geta boðið tímanlega þjónustu hjá öllum
stéttarfélögum. Eitt stærsta verkefni ársins
2014 verður að vinna áfram að farsælum
lausnum til að svo megi verða.
Efsta röð frá vinstri:
Salóme Anna Þórisdóttir, Erla Jónsdóttir, Helga Bryndís Kristjánsdóttir, Ragnheiður Kristiansen, Nicole Kristjánsson,
Brynhildur Barðadóttir, Hildur Gestsdóttir, Georg Ögmundsson, Sif Þórsdóttir, Guðrún Guðmundsdóttir, Hanna Dóra
Björnsdóttir, Ingibjörg Ólafsdóttir, Kristbjörg Leifsdóttir, Ágúst Sigurður Óskarsson, Ásdís Sigurjónsdóttir
Miðröð:
Þórarinn Þórsson, Arna Björk Árnadóttir, Heiða Björg Tómasdóttir, Karen Björnsdóttir, Heiða Kristín Harðardóttir, Íris Judith
Svavarsdóttir, Steinhildur Sigurðardóttir, Sigrún Sigurðardóttir, Hrafnhildur Guðjónsdóttir, Guðleif Birna Leifsdóttir, Hulda
Gunnarsdóttir, Harpa Þórðardóttir, Elfa Hrund Guttormsdóttir
Neðsta röð:
Dalrós Jóhanna Halldórsdóttir, Elsa Sigmundsdóttir, Guðni Erlendsson, Hildur Guðjónsdóttir, Alda Ásgeirsdóttir, Inga
Margrét Skúladóttir, Hildur Petra Friðriksdóttir, Ágústa Guðmarsdóttir, Þóra Þorgeirsdóttir, Hlín Guðjónsdóttir, Fanney
Pálsdóttir, Guðrún Sigurbjörnsdóttir, Anna Guðný Guðmundsdóttir.
Ráðgjafar í starfi hjá VIRK í lok árs 2013