Ársrit um starfsendurhæfingu - 2015, Page 17

17www.virk.is
VIRK
stað í starfsendurhæfingunni. Það er hins
vegar ekki hlutverk VIRK að taka ákvörðun
um rétt einstaklinga til framfærslubóta af
neinu tagi.
Þróunarvinna VIRK við uppbyggingu á
starfsgetumati hefur vakið mikla athygli
erlendis og hefur VIRK fengið fjölmargar
óskir um kynningar og formlegt samstarf
við áframhaldandi þróun á því.
Ávinningur
starfsendurhæfingar
Árangursrík starfsendurhæfing skilar
miklum ávinningi bæði fyrir einstaklinga og
samfélagið í heild sinni. Það skiptir miklu
máli fyrir einstaklinga að hafa hlutverk,
geta séð sér farborða og verið fjárhagslega
sjálfstæðir. Það er einnig mikilvægt að við
byggjum upp þannig menningu og viðhorf í
samfélagi okkar að sjálfsagt sé að nýta getu
allra til atvinnuþátttöku. Ef það er ekki gert
er hætta á að minnkandi atvinnuþátttaka
á vinnumarkaði ógni uppbyggingu góðs
velferðarkerfis til framtíðar.
Starfsendurhæfing er því fjárfesting í fólki
og stuðlar auk þess að öflugu samfélagi
og aukinni þátttöku og velferð allra. Það
er hins vegar mikilvægt að meta sífellt
árangur af starfsendurhæfingarþjónustu
og setja í samhengi við þá fjármuni sem
veittir eru til hennar.
„Niðurstaða þessara
útreikninga gefur um
9,7 milljarða króna í
ávinning á árinu 2013
og 11,2 milljarða króna á
árinu 2014. Ábatinn af
starfseminni skilar sér
bæði til Tryggingastofnunar,
lífeyrissjóða og ríkisins í
formi aukinna skatttekna
og til einstaklinganna
sem um ræðir.“
Mynd 17
Starfsgeta
Möguleikar á
vinnumarkaði
Störf
og verkefni
Geta
einstaklings