Ársrit um starfsendurhæfingu - 2015, Page 22

22 www.virk.is
V
IR
K
verið kallaðir til í þessari vinnu í formi
rannsóknarverkefna og þróunar m.a. á
alþjóðlegum vettvangi. Þessi þróun hefur
vakið mikla athygli erlendis, matsferillinn
og þverfaglega teymisvinnan sem hann
byggir á er meðal þeirra þátta í starfsemi
VIRK sem erlendir fagaðilar líta til sem
fyrirmyndar.
Markmið matsferilsins er að tryggja
einstaklingsmiðaða nálgun, þverfaglega
sýn og að árangursríkar leiðir séu nýttar í
starfsendurhæfingu einstaklingsins. Auk
þess er markvisst haldið utan um feril
einstaklings með þessum hætti og þær
upplýsingar sem safnast saman aðstoði
við að svara eftirfarandi spurningum í lok
þjónustu:
1. Er starfsendurhæfing fullreynd?
2. Ef já, hvað veldur?
3. Ef nei, hvað veldur?
4. Hver er starfsgetan?
Samstarf við lífeyrissjóði
Samstarf VIRK og lífeyrissjóða hefur
verið í mikilli uppbyggingu undanfarið ár.
Tilraunaverkefni hófst með Gildi lífeyris-
sjóði í ársbyrjun 2014 þar sem allar beiðnir
um örorku sem bárust Gildi voru skoðaðar
m.t.t. raunhæfi starfsendurhæfingar. Þver-
faglegur hópur sérfræðinga frá VIRK þ.e.
læknir, sjúkraþjálfari og sálfræðingur
sátu þessa fundi ásamt trúnaðarlækni og
öðrum starfsmönnum Gildis. Niðurstöður
um afgreiðslu þessara mála má sjá í mynd
2 en tilraunaverkefnið náði yfir eitt ár.

Er það niðurstaða VIRK og Gildis að
þetta verklag sé árangursríkt og tryggir
að réttum einstaklingum er/sé vísað í
starfsendurhæfingu. Með þessu verklagi
næst betur að samræma starfsendur-
hæfingarferil einstaklingins að mati á orku-
tapi hjá lífeyrissjóðum.
Í dag eru eftirtaldir lífeyrissjóðir auk Gild-
is farnir að vinna eftir þessu verklagi í
samvinnu við VIRK: Lífeyrissjóðurinn Festa,
Lífeyrissjóður Verslunarmanna, Lífeyris-
sjóður Vestmannaeyja, Lífeyrissjóðurinn
Stapi, Frjálsi lífeyrissjóðurinn, Lífeyrissjóður
flugmanna, Lífeyrissjóður Rangæinga
og Lífeyrissjóður starfsmanna Búnaðar-
bankans.
Aðlögun starfsgetumats að þörfum
lífeyrissjóða
Gerður hefur verið tímabundinn tilrauna-
samningur við lífeyrissjóði, sem eru með
rekstrarsamning við Arion banka, um aukið
samstarf er varðar starfsendurhæfingu og
mat á stöðu einstaklinga. Markmið sam-
starfsins er að afgreiðsla örorkuumsókna
verði nátengt ferli starfsendurhæfingar.
Sé starfsendurhæfing metin raunhæf, að
mati trúnaðarlæknis og fagaðila sem starfa
á vegum VIRK, er það hlutverk VIRK að
setja upp einstaklingsmiðaða nálgun í
starfsendurhæfingu. Samkomulag er
einnig um að í þeim tilvikum sem starfs-
endurhæfing er möguleg verði tryggt að
starfsendurhæfingarferlinu sé lokið áður
en ákvörðun um orkutap eða starfsgetu til
lengri tíma er tekin.
Hér gefst einstakt tækifæri til að samtvinna
enn betur matsferli starfsendurhæfingar
að þörfum lífeyrissjóða og á sama tíma að
tryggja að öllum þeim sem þurfa standi til
boða starfsendurhæfing. Í þessu samstarfi
verður m.a. til skoðunar hvaða þættir nýtast
best úr matsferli VIRK og öfugt. Einnig er
markmiðið með þessu þróunarverkefni
að staðla enn betur skýrsluform sem
án efa munu nýtast fleiri lífeyrissjóðum í
framtíðinni. Þessi þróun verður m.a. unnin
í samvinnu við ýmsa sérfræðinga og hafa
samtök tryggingalækna í Evrópu samþykkt
að koma að þessari þróunarvinnu
(EUMASS).
„Markmið samstarfsins
er að afgreiðsla örorku-
umsókna verði nátengt
ferli starfsendurhæfingar.“
Endurkoma til vinnu
Tilraunaverkefninu Virkur vinnustaður er
nú að ljúka en deild forvarna og rannsókna
hefur haldið utan um það verkefni. Í
framhaldi mun sú deild sérhæfa sig í að
byggja upp meiri þekkingu og markvissari
úrræði fyrir einstaklinga sem eru með skerta
starfsgetu í lok starfsendurhæfingarferils
en þurfa sérstaka aðlögun inn á
vinnumarkað. Áhersla verður lögð á að
efla til muna eftirfylgni með einstaklingum
með langvinna sjúkdóma sem hafa haft
áhrif á starfsgetu og möguleika þeirra á
vinnumarkaði til framtíðar. Nýta á m.a.
þekkinguna sem skapast hefur í IPS-
verkefninu og í þróunarverkefninu Virkur
Mynd 2
Niðurstöður samstarfsverkefnis
VIRK og Gildis
Starfsendurhæfing ekki
raunhæf
Er hjá VIRK
Vísað í raunhæfimat
23%
35%
42%