Morgunblaðið - 05.10.2019, Side 11

FRÉTTIR 11Innlent
MORGUNBLAÐIÐ LAUGARDAGUR 5. OKTÓBER 2019
Dr. Halldór Ingimar
Elíasson, stærðfræð-
ingur og prófessor em-
eritus við Háskóla Ís-
lands (HÍ), lést á
Landspítalanum 1.
október, 80 ára gamall.
Halldór fæddist 16.
júlí 1939 á Ísafirði og
ólst upp í Hnífsdal, á
Skagaströnd og Ak-
ureyri. Foreldrar hans
voru hjónin Guðný
Rósa Jónasdóttir
hjúkrunarfræðingur og
húsfreyja og Elías
Ingimarsson bóndi, út-
gerðarmaður, kaupfélagsstjóri og
frystihússtjóri. Systkini hans eru
Jónas prófessor emeritus (f. 1938),
Þorvarður fyrrverandi skólastjóri (f.
1940), Elías Bjarni fyrrverandi yf-
irverkfræðingur (f. 1942) og Mar-
grét listmálari í Svíþjóð (f. 1946).
Halldór lauk stúdentsprófi frá
MA árið 1959 og hóf um haustið nám
í eðlisfræði og stærðfræði við há-
skólann í Göttingen í Þýskalandi.
Hann lauk þaðan diplomprófi í
stærðfræði árið 1963. Doktorspróf í
stærðfræði tók Halldór við háskól-
ann í Mainz í Þýskalandi árið 1964.
Að loknu námi kenndi Halldór við
MR veturinn 1964-1965. Hann vann
að stærðfræðilegum
rannsóknum við Insti-
tute of Advanced Stud-
ies í Princeton í
Bandaríkjunum 1965-
1966 og var aðstoðar-
prófessor við Brown-
háskóla á Rhode Is-
land í Bandaríkjunum
1966-67.
Halldór var sérfræð-
ingur við Raunvís-
indastofnun HÍ 1967-
1970 og gestaprófessor
við háskólann í Bonn í
Þýskalandi 1970-1971
og við Warwick-
háskóla í Englandi 1971-1972. Hann
varð dósent í stærðfræði við verk-
fræði- og raunvísindadeild HÍ 1972-
1973 og prófessor frá 1973.
Halldór birti margar greinar um
stærðfræði í viðurkenndum erlend-
um stærðfræðitímaritum. Hann var
ritstjóri Mathematica Scandinavica
fyrir hönd Íslands 1973-1997.
Eftirlifandi eiginkona Halldórs er
Björg Cortes Stefánsdóttir, BA,
kennari og læknaritari (f. 1947). Þau
gengu í hjónaband 1970. Börn þeirra
eru Stefán Valdimar (f. 1968), Anna
Margrét (f. 1973) og Steinar Ingi-
mar (f. 1975). Barnabörn Halldórs
og Bjargar eru fimm talsins.
Andlát
Halldór I. Elíasson,
prófessor emeritus
Helgi Bjarnason
helgi@mbl.is
„Ef við viljum greiða okkar starfs-
mönnum eitthvað umfram samninga
þá er það okkar mál. Launanefnd
Sambands íslenskra sveitarfélaga
semur um lágmarkskjör en hún telur
sig hafa löggjafarvald og dómsvald í
öllu saman,“ segir Tryggvi Harðar-
son, sveitarstjóri Reykhólahrepps,
um brottvísun sveitarfélagsins úr
samráði sveitarfélanna í kjaravið-
ræðum vegna greiðslu þess á launa-
uppbót í trássi við vilja launanefndar
sveitarfélaga.
Auk Reykhólahrepps var Súðavík-
urhreppi og Tjörneshreppi vikið úr
kjarasamráðinu vegna brots á
ákvæðum umboðs sem þeir veittu
Sambandi íslenskra sveitarfélaga,
eins og fram kom í blaðinu í gær.
Röng nálgun hjá launanefnd
Að sögn Braga Þórs Thoroddsen,
sveitarstjóra Súðavíkurhrepps,
ákvað hann í samráði við kjörna full-
trúa að greiða ófaglærðum starfs-
mönnum hreppsins eingreiðslu í
sumar, vegna þess dráttar sem orðið
hafði á kjaraviðræðum. Það hafi ver-
ið gert í trássi við ábendingu frá
launanefnd sveitarfélaga sem hann
segir að hafi viljað halda uppi þrýst-
ingi í kjaraviðræðunum. Verkalýðs-
félögin höfðu þá vísað kjaradeildunni
til ríkissáttasemjara.
„Mér fannst þetta röng nálgun hjá
launanefndinni. Áður var búið að
ákveða að greiða öllum þessa ein-
greiðslu. Mér fannst rangt að halda
eftir greiðslu til lægstlaunaða fólks-
ins,“ segir Bragi.
Fjórir starfsmenn Súðavíkur-
hrepps fengu eingreiðsluna sem var
um 105 þúsund krónur. Reykjavík-
urborg sem ekki er aðili að kjara-
samráðinu greiddi þessa eingreiðslu.
Það gerði Akranesbær einnig í sam-
ráði við launanefndina eftir að verka-
lýðsfélagið þar dró til baka vísun til
ríkissáttasemjara.
Eftir að viðræður hófust að nýju
ákvað launanefndin að leggja til að
eingreiðslan yrði greidd út nú í októ-
ber.
Hafa fjarlægst viðsemjendur
Nú þurfa sveitarfélögin þrjú að
annast sjálf samninga við sína starfs-
menn. Þetta eru flóknir samningar
við margar starfsstéttir, svo sem í
grunnskólum, leikskólum, íþrótta-
miðstöðvum, í áhaldahúsum og á
skrifstofum sveitarfélaganna.
Tryggva Harðarsyni líst ekki illa á
það. „Ég mun semja við þau félög
sem við þurfum að semja við. Ég
reikna með að þeir verði að mestu
samhljóða samningum sambandsins.
Síðan verður það mat þessara sveit-
arfélaga hvort þau vilji gera eitthvað
öðruvísi. Ég reikna ekki með að það
verði lakari samningar en sam-
bandið gerir, fyrir starfsfólkið,“ seg-
ir Tryggvi.
Hann segir að þróunin hafi orðið
sú að sveitarfélögin hafi verið að
fjarlægjast sína viðsemjendur með
samningum í gegnum miðstýrt
apparat sem öllu vilji ráða. „Ég tel
gott fyrir fulltrúa í sveitarstjórnum
að þurfa að hugsa aðeins um þetta
sjálfir,“ segir Tryggvi.
Morgunblaðið/Sigurður Bogi
Súðavík Aðeins rúmlega 500 íbúar eru alls í sveitarfélögunum þremur sem vísað var úr samráði um kjaraviðræður.
Líst vel á að gera
eigin kjarasamninga
 Vísað úr kjarasamráði vegna eingreiðslu til starfsfólks
YFIRHÖFNIN
FÆST Í LAXDAL
TRAUST Í 80 ÁR
VERÐ
29.900,-
Skoðið laxdal.is
Skipholti 29b • S. 551 4422
20% afsláttur af bleiku frá:
Engjateigi 5 // 581 2141 // hjahrafnhildi.is
gisting.dk
499 20 40 (Íslenskur sími) 32 55 20 44 (Danskur sími)
Herbergi frá Dkk 300 Íbúðir frá Dkk 900
Kaupmannahöfn
Bílar