Tímarit hjúkrunarfræðinga - 2016, Blaðsíða 13

Fólkið11/15
Tilvísunarreglugerðinni, sem ætlað var að koma á aftur, var
slegið á frest þegar stjórnarskipti urðu 1995. Sú reglugerð er enn í
frestun. Heilsugæslulæknar, sem unnið höfðu ötullega að hugmynda-
fræðinni um heilsugæsluna sem fyrsta viðkomustað sjúklinga innan
heilbrigðiskerfisins og virkar þannig sem þjónustustýring innan
kerfisins, upplifðu sig svikna. Eftir tilvísunardeiluna svokölluðu og
samhliða sameiningarferli sjúkrahúsanna opnuðu sérgreinalæknar
í auknum mæli eigin stofur og starfsemi þeirra utan sjúkrahúsa
jókst hröðum skrefum. Hugmyndin um háskólasjúkrahús kom síðast
inn í sameiningarferlið. Þeir sem töluðu fyrir þeirri hugmynd voru
sjúkrahúslæknarnir sem voru búnir að helga sig störfum innan
sjúkrahúsanna og höfðu lagt áherslu á að þróa hágæðalæknisþjónustu
með þróun læknavísinda á Íslandi í
samstarfi við Háskóla Íslands. Með öðrum
orðum, læknastéttin var ekki lengur
tiltölulega einsleitur hópur með sameigin-
lega hagsmuni heldur mátti í stórum
dráttum greina hér þrjá hópa sem höfðu
mismunandi hagsmuna að gæta, þ.e.
heilsugæslulækna, sérgreinalækna sem
störfuðu á stofum sínum út í bæ, og svo
sjúkrahúslæknana sem helgað höfðu sig
læknavísindunum innan sjúkrahúsanna.
Lögmál háskólasjúkrahúss er að
sameina sérgreinar læknisfræðinnar og
fá með því lágmarksfjölda sjúkdóms- og
slysatilfella á einn stað til að skapa
skilyrði fyrir læknanema sem þurfa að sjá
tiltekinn fjölda tilfella til að byggja upp
þekkingu og þjálfun, og sérfræðilækna til að viðhalda hæfni sinni.
Þetta er algjör forsenda þess að tryggja öryggi og gæði lækninga. Hér
má segja að sjúkrahúslæknarnir og stjórnvöld á þessum tíma hafi
sameinast um sameiningu sjúkrahúsanna til að ná ákveðnum mark-
miðum. Aftur á móti voru markmið sjúkrahúslæknanna og stjórnvalda
ólík.
Að sögn Sigurbjargar var aðalmarkmið stjórnvalda hagræðing og
sparnaður. Leiðin að því marki var að sameina sjúkrahúsin. Þannig
Hér má segja að
sjúkrahúslæknarnir
og stjórnvöld á þess-
um tíma hafi samein-
ast um sameiningu
sjúkrahúsanna til
að ná ákveðnum
markmiðum. Aftur á
móti voru markmið
sjúkrahúslæknanna
og stjórnvalda ólík.