Tímarit hjúkrunarfræðinga - 2016, Blaðsíða 33

Fólkið11/16
ÞÓRA JENNÝ GUNNARSDÓTTIR
Byggir upp þekkingu á heildrænum með-
ferðarúrræðum í hjúkrun
„Ég ætlaði upphaflega að læra sjúkraþjálfun en á þeim tíma var
erfitt að komast inn í námið og var mér því bent á að taka einhverja
áfanga í Hjúkrunarfræðideild Háskóla Íslands. En það var svo gaman
í hjúkrun og frábær hópur samnemenda að
ég ákvað bara að halda áfram og hef ekki séð
eftir því,“ segir Þóra Jenný Gunnarsdóttir. Eftir
útskrift starfaði hún á Fjórðungssjúkrahúsinu á
Akureyri í eitt ár ásamt stórum hópi af útskrift-
arárganginum. Að sögn Þóru Jennýjar var það
ómetanleg reynsla enda hafi hópurinn haldið
góðu sambandi alla tíð. Þegar Þóra Jenný
fluttist aftur suður vann hún á gjörgæsludeild
Landspítala við Hringbraut. „Það var mjög
lærdómsríkt að hjúkra sjúklingum í þessu
hátækniumhverfi og þar vaknaði áhugi minn á
heildrænni meðferð,“ segir hún. Í framhaldi af
því fór hún í Nuddskóla Íslands og lauk þaðan
tveggja ára námi 1996. „Mér fannst vanta frekari þekkingu á þessum
aðferðum og hvernig mætti nýta þær í hjúkrun og ákvað því að drífa
mig í meistaranám við Minnesota-háskóla þar sem boðið var upp á
akademískt nám með áherslu á heildræna meðferð. Það var svo lær-
dómsríkt að ég ákvað að taka doktorsnám þar líka og lauk því 2007.
Nú starfa ég sem dósent í Hjúkrunarfræðideild Háskóla Íslands og
ásamt kennslu hef ég tækifæri til að vinna að uppbyggingu þekkingar
á heildrænni meðferð í hjúkrun.“