Tímarit hjúkrunarfræðinga - 2016, Blaðsíða 34

Fólkið12/16
HALLA ARNARDÓTTIR
Hjúkrunarstarfið er ígildi vegabréfs
Halla Arnardóttir hóf að vinna á brjóskholsskurðdeild á Landspítala
eftir útskrift. „Þetta var spennandi tími en þá var nýbyrjað að fram-
kvæma opnar hjartaaðgerðir hérlendis. Ég flutti síðan til Þýskalands
árið 1992 og vann sem „Krankenschwester“ (hjúkrunarkona) í eitt
ár á hjartaskurðdeild í Heidelberg. Sá tími var
afar lærdómsríkur og áhugaverður,“ að sögn
Höllu. Þegar heim kom fór hún aftur til starfa
á brjóskholsskurðdeild Landspítalans og síðar
á göngudeild krabbameinslækninga. Á árunum
2004 til 2010 vann hún í einkafyrirtæki við
klínískar rannsóknir (Encode) og var deildar-
stjóri þar. „Vegna þeirrar reynslu, sem ég hlaut
þar, var ég ráðin í það starf sem ég gegni núna
en ég er verkefnastjóri á klínísku rannsóknar-
setri Landspítala og Háskóla Íslands.“ Líkt og
margir aðrir hjúkrunarfræðingar vann Halla
um tíma á landsbyggðinni og um tíma með
minnisskertum einstaklingum í Hlíðabæ. Hún
tók síðar kennsluréttindin og kenndi sjúkraliðanemum í Fjölbraut í
Breiðholti og tók síðar diplómanám í lýðheilsu. „Hjúkrunarmenntunin
hefur því skilað mér áhugaverðum störfum bæði innanlands jafnt sem
erlendis. Í raun má líkja hjúkrunarnáminu við það að fá vegabréf sem
opnar fyrir manni margar leiðir,“ segir Halla.