Tímarit hjúkrunarfræðinga - 2019, Side 15

félag íslenskra hjúkrunarfræðinga hefur að undanförnu lagt ríka áherslu á ímyndar-
mál og á afmælisárinu hafa til dæmis vikuleg viðtöl við hjúkrunarfræðinga verið birt
á samfélagsmiðlum, þeir teknir tali í útvarpi og greinar þeirra birtar í dagblöðum. Í
vor var útbúið myndband sem dreift var á samfélagsmiðlum til að vekja athygli á brott-
falli hjúkrunarfræðinga úr starfi. Þar var rætt við fjóra hjúkrunarfræðinga sem starfa
við annað en hjúkrun.
„Við stöndum frammi fyrir þeirri staðreynd að fimmti hver hjúkrunarfræðingur
hættir að starfa við hjúkrun fimm árum eftir útskrift. Þar fyrir utan hefur verið viðvar-
andi skortur á hjúkrunarfræðingum sem hefur mikil áhrif á allt heilbrigðiskerfið —
og í raun allt þjóðfélagið,“ segir Edda Dröfn Daníelsdóttir, sviðstjóri fagsviðs félags
íslenskra hjúkrunarfræðinga.
Þegar mest á reynir!
Á alþjóðadegi hjúkrunarfræðinga, 12. maí, var hrundið af stað kynningarherferðinni
Þegar mest á reynir og voru myndir af 25 hjúkrunarfræðingum við fjölbreytileg störf
birtar á 100 strætóskýlum borgarinnar vikuna 7.–14. maí. Markmið herferðarinnar
var meðal annars að vekja athygli á fjölbreyttum störfum hjúkrunarfræðinga og mikil-
vægi þeirra í heilbrigðiskerfinu. „Það er mikilvægt að halda áfram að vinna að ímynd-
armálum hjúkrunarfræðinga og vekja athygli á fjölbreyttum störfum þeirra,“ segir
Edda.
tímarit hjúkrunarfræðinga • 2. tbl. 95. árg. 2019 15
Hjúkrunarfræðingar í máli og myndum
Edda Dröfn Daníelsdóttir.