Tímarit hjúkrunarfræðinga - 2019, Qupperneq 74

Framtíðin
umtalsverður árangur hefur náðst í meðferð og lifun fyrirbura
og veikra nýbura síðan Vökudeildin opnaði. Til að mynda hafa
lífslíkur barns sem vegur minna en eitt kíló gramm við fæðingu
aukist úr því að vera innan við 5% yfir í að vera yfir 95%. Á
upphafsárum Vökudeildarinnar voru foreldrar gestir sem komu
í heimsókn í nokkra klukkutíma á viku. Í dag eru foreldrar og
aðrir fjölskyldumeðlimir mikilvægur og nauðsynlegur hluti af
starfsemi deildarinnar og þátttaka þeirra í umönnun barnanna
mikilvægur þáttur í eflingu heilsu og þroska barnanna. Þrátt
fyrir það er skortur á plássi fyrir fjölskyldur akkilesarhæll deildar -
innar og eingöngu er aðstaða fyrir foreldra fjögurra til fimm
barna til að gista hjá barninu hverju sinni.
Ljóst er að allt varðandi umönnun fyrirbura og veikra ný -
bura hefur breyst frá því sem var: meðferðin, hjúkrunin, lyfin,
fjöldi legudaga, hverju foreldrarnir sinna og hverju starfsfólkið
sinnir. Meðgöngulengd minnstu fyrirburanna og örburanna
sem lifa af og komast til heilsu er umtalsvert styttri en áður.
Einnig er samsetning þjóðarinnar að breytast frá einsleitu sam-
félagi yfir í fjölmenningarsamfélag en það kallar á viðhorfs-
breytingar og breytta aðstöðu þannig að komið sé til móts við
þarfir sem flestra hópa. Þegar einu lærdómsferlinu lýkur hefst
sem betur fer nýtt og það krefst þess að endurhugsa þarf hlutina
að nýju og gera breytingar samkvæmt nýjustu rannsóknum og
bestu þekkingu börnunum og fjölskyldum þeirra til hagsbóta.
hvað framtíðin ber í skauti sér fyrir Vökudeildina, gjör-
gæsluhjúkrun nýbura og nýburahjúkrun er óljóst. hvort það
verða jafn miklar breytingar og þær sem orðið hafa á þeim 43
sem hafa liðið frá því deildin var opnuð er óljóst, en víst er að
innan heilbrigðisþjónustunnar mun bæði eiga sér stað áfram-
haldandi þróun og stöðugar breytingar.
framtíðarsýnin varðandi starfsemi Vökudeildarinnar er að
innan fárra ára muni hvert barn og fjölskylda þess hafa fjöl-
skylduherbergi á deildinni til umráða frá fæðingu og að útskrift.
Einnig er það draumurinn að umönnun mæðra í sængurlegu
og hluta barna af Vökudeild verði á einum stað og að fjölskyldan
útskrifist sem best undirbúin til að takast á við hlutverk sitt.
Heimildir
Carin, M., og Downes, f. (2016). Trends in family-centered care in neonatal
intensive care. Journal of Perinatal and Neonatal Nursing, 30(3), 265–269.
gunnar Biering og ragnheiður Sigurðardóttir (1999). Kvennadeild Landspítal -
ans 50 ára, Vökudeild. afmælisrit gefið úr af kvennadeild Landspítala.
jorgensen, a.M. (2010). Born in the uSa — The history of neonatology in
the unated States: a Century of Caring. NICU Currents.
Loftur guttormsson, Ólöf garðarsdóttir og guðmundur hálfdanarson (2001).
ungbarna- og barnadauði á Íslandi 1750–1950. nokkrar rannsóknar -
niðurstöður. Saga 39, 51–107.
Margrét guðmundsdóttir (2010). Saga hjúkrunar á Íslandi. félag íslenskra
hjúkrunarfræðinga. iSBn: 9979979844, 9789979979845.
ragnheiður Sigurðardóttir (2012). Horft fram á við, horft til baka. Vökudeild,
nýburagjörgæsla 1976–2010. Óbirt skýrsla.
ragnheiður Sigurðardóttir og gunnar Biering (1976). Vökudeild Barnaspítala
Hringsins, starfsreglur 1975–76.
ragnhildur hauksdóttir (2013). Burðarmáls-, nýbura- og ungbarnadauði á
Íslandi 1982–2011. Lokaverkefni til BS-gráðu í læknisfræði, háskóli Íslands;
http://hdl.handle.net/1946/15396.
ragnheiður sigurðardóttir, rakel b. jónsdóttir og margrét ó. thorlacius
74 tímarit hjúkrunarfræðinga • 2. tbl. 95. árg. 2019