Fréttablaðið - 23.01.2020, Side 10

Það er til slangur af tindum á Íslandi sem kenndir eru við kálfa, enda virðast kálfar hafa verið landnámsmönnum hug-leiknir þegar þeir gáfu fegurstu fjöllum okkar nöfn. Má þar nefna Kálfatinda á Hornströndum og við Norðurfjörð á
Ströndum en einnig Kálfstinda norðan við Lyngdals-
heiði milli Þingvalla og Laugarvatns, tilkomumikla
röð móbergstinda sem bera nafn með rentu. Þá er
tilvalið að toppa að vetri til, en þá með jöklabúnaði
eins og mannbroddum og ísöxi. Hægt er að ganga á
Kálfstinda frá Laugarvatnsvöllum eða úr svokölluðu
Barmaskarði en þangað má komast af gömlu leiðinni
yfir Gjábakkahraun sem liggur inn að Laugarvatns-
hellum. Úr Barmaskarði er gengið í norður á slétt-
lendi með fjallgarðinn Reyðarbarm á hægri hönd.
Gönguleiðin liggur yfir fallegt hraun og er stefnt að
þröngu gili sem smám saman leiðir að rótum hæstu
Kálfstindanna. Haldið er áfram upp gilið en þá blasir
við á hægri hönd svokallað Flosaskarð sem kemur
fyrir í Njálu. Þarna á Flosi á Svínafelli að hafa sloppið
frá Kára Sölmundarsyni og mönnum hans þegar þeir
sátu fyrir honum sunnan skarðsins á Laugarvatns-
völlum. Oftast er stefnt á næsthæsta Kálfstindinn
(824 m) en sá hæsti er aðeins norðar og 877 m hár.
Haldið er upp brattar hlíðarnar til vinstri við Flosa-
skarð en með því að sneiða brekkuna til vesturs er
hægt að komast alla leið að sérstökum móbergs-
myndunum efst sem heita Flosatindur. Þær minna á
tappa eða öllu heldur kaf bát sem marar hálfur í kafi.
Af Kálfstindum er frábært útsýni yfir stóran hluta af
Suðurlandsundirlendi með Heklu, Tindfjöll og Eyja-
fjallajökul í fararbroddi, en í vestur sést yfir nálæg
Hrútafjöll en líka Þingvelli og jafnvel til Reykjavíkur.
Í norður sést í Þórisjökul, Skjaldbreið og Geitlands-
jökul en líka Jarlhettur, Högnhöfða og Bláfell suður af
Kili. Á leiðinni heim er hægt að þræða vestari leið eftir
Hrútafjöllum og niður í Barmaskarð, eða halda niður
Flosaskarð og lifa sig inn í atburðarás Njálu. Ekki
langt frá eru Laugarvatnshellar sem gaman er
að heimsækja, en þeir hafa verið nýttir sem
fjár- og sæluhús en líka mannabústaður
og var getið á miðri 18. öld í Ferðabók
Eggerts og Bjarna. Nú er þar endur-
gerður mannabústaður til sýnis fyrir
ferðamenn.
Kafbáturinn
á Kálfstindum
Útsýni af
Kálfs tindum er
frábært. Hér er
horft til suðurs
yfir Suðurlands-
undirlendið.
MYNDIR/TG
Flosatindur er ríflega 800 metra hár og líkist kafbáti sem er á leið upp úr kafi.
Gengið inn Hrútadal með Kálfstinda á hægri hönd. Efst glittir í „kafbátinn“.
Tómas
Guðbjartsson
hjartaskurð-
læknir og
náttúruunnandi
og Ólafur Már
Björnsson
augnlæknir og
ljósmyndari
2 3 . J A N Ú A R 2 0 2 0 F I M M T U D A G U R10 F R É T T I R ∙ F R É T T A B L A Ð I Ð