Skírnir - 01.04.2005, Blaðsíða 85
SKÍRNIR AUSTURVEGSÞJÓÐIR OG ÍSLENSK HEIMSMYND 83
Sú sýn sem Ari hafði á kristniboðskonunginn hafði áhrif á aðra
sagnaritara sem héldu sig í meginatriðum við þá mynd sem hann
hafði dregið upp af kristnitökunni. Sú söguskoðun var almenn á
íslandi að Ólafur Tryggvason hefði átt mikinn hlut í kristnun
Islands.4 Erlendar heimildir, t.d. Gesta Hammaburgensis ecclesiae
Pontificum eftir Adam frá Brimum, renna hins vegar engum sér-
stökum stoðum undir frásögn Ara að þessu leyti.5
Ólafur Tryggvason skipaði veigamikið hlutverk í þeirri mynd
sem Islendingar höfðu af eigin fortíð og sögu Norðurlanda. Hann
var eins konar samnefnari þeirra vegna sögufrægðar. I einu hand-
riti sögu Ólafs Tryggvasonar eftir Odd Snorrason, munk á Þing-
eyrum, er sagt að Ólafur hafi verið frægstur maður „á danska
tungu“ en í öðru að hann hafi verið „frægstur maður á Norður-
löndum."6 I Fagurskinnu segir að Svöldarorrusta hafi „frægast
verið á Norðurlöndum" og þá „mest fyrir sakar þess er þvílíkur
höfðingi féll er þá var frægastur á danska tungu.“7 Ekki var þó at-
hafnasvæði Ólafs Tryggvasonar bundið við Norðurlönd. I Nor-
egskonungasögum segir að Ólafur konungur Tryggvason hafi
unnið „margs kyns frægð í Garðaríki og víða um Austurvegu, í
Suðurlöndum og í Vesturlöndum".8
Að mati íslenskra sagnaritara markaði Ólafur Tryggvason
þáttaskil í sögu Norðurlanda og kemur það skýrt fram í Norna-
4 Lars Lönnroth telur að þar hafí verið um að ræða viðbrögð Islendinga og
Þrænda við sagnahefð um Ólaf helga, sbr. „Studier i Olaf Tryggvasons saga“,
Samlaren, 84 (1963), 54-94 (bls. 61-67). Halldór Laxness hefur bent á að
„[ajfskifti Ólafs Tryggvasonar af kristniboði voru [...] heiminum ókunn bæði
um hans daga og síðar“, sjá Vínlandspúnktar, Reykjavík 1969, bls. 27.
5 Sbr. Quellen des 9. und 11. Jahrhunderts zur Geschichte der hamburgischen
Kirche und des Reiches (Ausgewáhlte Quellen zur deutschen Geschichte des
Mittelalters, 11), útg. Werner Trillmich og Rudolf Buchner, Berlín 1961, bls. 486.
6 Saga Óláfs Tryggvasonar af Oddr Snorrason munk, útg. Finnur Jónsson, Kaup-
mannahöfn 1932, bls. 231.
7 Fagrskinna. Nóregs kononga tal (Samfund til udgivelse af gammel nordisk litt-
eratur, 30), útg. Finnur Jónsson, Kaupmannahöfn 1902-1903, bls. 131.
8 Þar var helsta heimildin kvæði eftir Hallfreð vandræðaskáld sem segir frá hern-
aði Ólafs gegn Jömtum og Vindum, í Gotlandi og á Skáneyju, gegn Söxum, Frís-
um og Flæmingjum, austur í Görðum, gegn Englum, Norðimbrum og kumbsk-
um þjóðum í Bretlandi og í Mön og að lokum gegn Skotum, Eyverjum og Irum.
Fagrskinna - Nóregs kononga tal, bls. 108-11.