Bændablaðið - 28.01.2016, Blaðsíða 2

2 Bændablaðið | Fimmtudagur 28. janúar 2016
Prentmiðlakönnun Gallup:
Staða Bændablaðsins er sterk
− er langstærst á landsbyggðinni og hefur styrkt stöðu sína gagnvart stærstu prentmiðlum landsins
Nokkrar konur í Austur-
Húnavatnssýslu, sem allar koma
að búskap með einum eða öðrum
hætti, komu saman á dögun-
um til að ræða möguleika til
heimavinnslu matvæla í héraði,
með það jafnvel fyrir augum að
stofna matarsmiðju.
Ein þessara kvenna er Anna
Margrét Jónsdóttir, fram-
kvæmdastjóri Búnaðarsambands
Húnaþings og Stranda, bóndi á
Sölvabakka og fyrrverandi ráðu-
nautur hjá Ráðgjafarmiðstöð land-
búnaðarins. „Þetta er nú eiginlega
á frumstigi og þessi fundur sem við
ætlum að halda á miðvikudaginn [í
gær] er fyrsta skrefið. Þá ætlar Óli
Þór Hilmarsson, sérfræðingur hjá
Matís, að halda erindi um aðstöðu,
leyfismál og annað sem þarf að huga
að þegar matarsmiðja er stofnuð.
Hann hefur mikla reynslu af því
að styðja við slík verkefni og er
margfróður um vinnslu matvæla og
vöruþróun.“
Stöllur Önnu Margrétar og for-
sprakkar hópsins í þessu verkefni
eru þær Sigrún Hauksdóttir í Brekku
og Selma Svavarsdóttir, sem býr
reyndar núna á Blönduósi en stund-
aði búskap í Syðri-Brekku og á enn
þá nokkrar kindur. „Þær sendu sem
sagt nokkrum völdum konum póst
og upp úr því var haldinn fundur þar
sem hugmyndirnar flæddu, allt frá
stofnun matarsmiðju út í handverk
og markað eða búð, með afurðir í
héraði,“ segir Anna Margrét. Hún
á von á því að slíkur markaður með
afurðir úr sveitinni yrði staðsettur á
Blönduósi, enda enginn slíkur mark-
aður þar rekinn. Hún segir það skjóta
skökku við í ljósi þess hversu margir
ferðamenn eigi leið um bæinn. /smh
Nýjar lestrartölur úr prentmiðla-
könnun Gallup voru kynntar á
dögunum. Um er að ræða mæl-
ingu á lestri blaða á síðasta árs-
fjórðungi 2015. Bændablaðið
kemur vel út úr könnuninni og
er nánast með sama lestur og á
síðasta ári.
Bændablaðið mælist með 30%
lestur yfir landið allt og á lands-
byggðinni ber það höfuð og herðar
yfir önnur blöð með 45% með-
allestur. Til samanburðar mælist
Fréttablaðið með 31% lestur á
landsbyggðinni, Morgunblaðið 26%
og Fréttatíminn 20%.
Á höfuðborgarsvæðinu nýtur
Bændablaðið jafnframt sterkrar
stöðu þar sem lesendur nálgast
blaðið í flestum matvöruverslun-
um, á sundstöðum og víðar. 22%
meðallestur mælist á höfuðborgar-
svæðinu.
Í prentmiðlakönnun Gallup er
lestur dagblaða mældur með sam-
felldum hætti allt árið. Um 30 svör-
um er safnað á hverjum degi, eða
um 2.500 svörum á ársfjórðungi.
Í úrtaki eru Íslendingar á aldrinum
12–80 ára af landinu öllu.
Þegar rýnt er nánar í tölurnar
kemur ýmislegt skemmtilegt í ljós.
Konur hafa til að mynda aukið lestur
sinn á Bændablaðinu frá því í fyrra
en alls lesa 26% kvenna blaðið að
staðaldri. Um 34% íslenskra karl-
manna segjast lesa Bændablaðið.
Tæplega helmingur karlmanna á
landsbyggðinni les Bændablaðið
og 41% kvenna.
Sterkari staða gagnvart stærstu
prentmiðlunum
Þetta er í fjórða sinn sem
Bændablaðið hefur verið með á
spurningavagni Gallup um prent-
miðla. Hefur blaðið allan tímann
haldið sinni sterku stöðu á lands-
byggðinni og hefur hún styrkst
í hlutfalli við flesta prentmiðla
landsins. Þá hefur lestur blaðsins
einnig haldist stöðugur á höfuð-
borgarsvæðinu og þar með á landinu
í heild. Frávik á milli kannana hafa
aðeins verið brot úr prósentustigi
til eða frá.
Ekki er sömu sögu að segja af
Fréttablaðinu sem gefið er út í þrefalt
stærra upplagi en Bændablaðið. Á
landsbyggðinni hefur það fallið úr
tæplega 34% niður í 31% lestur.
Lestur Morgunblaðsins hefur
sömuleiðis minnkað á landsbyggð-
inni, eða úr tæplega 28% í 26%.
Fréttatíminn, sem gefinn er út
í álíka upplagi og Fréttablaðið, er
með 20% lestur á landsbyggðinni
eða svipað og í könnuninni á síðasta
ársfjórðungi 2014.
Lestur á DV hefur lækk-
að úr rúmum 11% í 7%, en
Viðskiptablaðið er með töluvert
aukinn lestur á landsbyggðinni
og hefur hann farið úr tæpum 6%
í 10%.
Hlutur stærstu blaðanna
minnkar á höfuðborgarsvæðinu
Á höfuðborgarsvæðinu er Bænda-
blaðið með 22% eða svipað og
síðast. Athygli vekur hins vegar
að lestur Fréttablaðsins, sem
er með gríðarmikla dreifingu,
minnkar hins vegar töluvert á höf-
uðborgarsvæðinu, eða úr 63% í
60%. Lestur Fréttatímans, annars
stærsta prentmiðilsins, minnkaði
líka, eða úr tæplega 49% í 46%.
Lestur Morgunblaðsins hefur auk-
ist aðeins á höfuðborgarsvæðinu,
eða úr rúmlega 29% í 30%. Sömu
sögu má segja af DV en þar hefur
lesturinn aukist úr rúmlega 9% í
11% og lestur Viðskiptablaðsins á
höfuðborgarsvæðinu hefur aukist úr
tæplega 13% í 15%.
Mikill líftími
Í samanburði á lestri blaða verður
að hafa það í huga hvort lesendur
þurfa að hafa fyrir því að nálgast
blaðið eða hvort það dettur óum-
beðið inn um lúgu. Líftími blaðs á
borðum lesenda skiptir líka máli.
Einnig hvort fólk opni blaðið oftar
en einu sinni yfir ákveðið tímabil
og hversu margir einstaklingar
lesi hvert eintak. Þannig er líftími
prentmiðla sem gefa út nýtt blað á
hverjum degi eðlilega mjög stuttur.
Líftími Bændablaðsins sem kemur
á tveggja vikna fresti getur verið
margfalt meiri. Það getur skipt
miklu máli þegar meta á virkni
auglýsinga.
Bændablaðið reiðir sig alfarið á
auglýsingatekjur sem standa undir
rekstri þess. Allt byggist þetta þó á
endanum á velvilja og því trausti
sem lesendur hafa á blaðinu. Án
lesenda lifir enginn fjölmiðill.
/TB/HKr.
Austur-Húnavatnssýsla:
Áhugi á heima-
vinnslu matvæla
Fréttir
Sýkingar vegna Zíkaveirunnar
hefur greinst í Danmörku og í
Svíþjóð. Einkennin lýsa sér meðal
annars með hita, útbrotum og
liðverkjum.
Zíkaveira telst til flaviveira en
meðal þeirra eru beinbrunaveira
og guluveira. Þær smitast með
moskítóflugum og valda oftast litlum
sem engum einkennum.
Samkvæmt upplýsingum á vef
Landlæknisembættisins segir að
Zíkaveiran hafi fyrst uppgötvast í
Mið-Afríku á fimmta áratug síðustu
aldar. Sýking af völdum veirunnar var
talin sjaldgæf og bundin við Afríku
og Asíu.
Vorið 2015 varð vart mikill-
ar útbreiðslu Zíkaveiru í Brasilíu.
Samtímis því varð vart við aukn-
ingu á fósturskaða hjá þunguðum
konum sem leiddi til vaxtarskerðingar
heilans. Þótt ekki hafi endanlega
verið sýnt fram á að veiran valdi
fósturskaða er það áhyggjuefni ef
móðir sýkist á meðgöngu. Einnig
hefur orðið vart við aukningu á heil-
kenni bráðrar fjöltaugabólgu þar sem
Zíkaveirusýkingin geisar.
Faraldurinn sem nú gengur yfir í
Suður- og Mið-Ameríku er því nýr.
Til þess að faraldurinn berist í menn
þarf móskítóflugur. Sýkingin getur
borist frá móður til fósturs og hugsan-
legt er að hún geti borist með blóðgjöf
og jafnvel sæði. /VH
Embætti landlæknis:
Zíkaveirusýking
Anna Margrét Jónsdóttir, fram-
kvæmdastjóri Búnaðarsambands
Húnaþings og Stranda, að draga fé
í dilka. Mynd / Ingimar Sigurðsson