Bændablaðið - 28.01.2016, Page 12

12 Bændablaðið | Fimmtudagur 28. janúar 2016
Alþingi sem eyðir dögum og
vikum í umræðu um brenni-
vínsfrumvarp bindindismanns-
ins unga Vilhjálms Árnasonar
er ekki að hugsa um þjóðarhag.
Verstur er þó málflutningur
þeirra þingmanna sem skrökva eða
fara með rangt mál í umræðunni
að ríkið tapi á ÁTVR. Mogginn
skýrir frá því í vikunni að hagnaður
ÁTVR hafi á síðustu 6 árum numið
7,7 milljörðum og að 7,1 milljarð-
ur hafi runnið í ríkissjóð og bara
á síðasta ári hafi 1,5 milljarður af
hagnaði Áfengis- og tóbaksversl-
unarinnar runnið til ríkisins. Það
er skiljanlegt að gróðalindin Hagar
vilji selja bjór og brennivín.
Þótt Hagar sverji af sér samn-
ingu frumvarpsins, þá vaka þeir
við gufugatið og hafa örugglega
skilað nefndinni jákvæðri umsögn
að best sé að selja bjórinn og
rauðvínið við hliðina á mjólkinni.
Með því myndi hagnaður Haga
margfaldast en í dag greiða þeir
eigendum sínum arð sem nemur
helmingnum af beingreiðslum
búvörusamninganna, svo vilja þeir
tollana af og frjálst flæði landbún-
aðarvara hingað.
Það er full ástæða að hlusta á
rök Kára Stefánssonar og SÁÁ-
manna að fyrirkomulagið með
áfengi í sérbúðum utan matvöru-
verslana er lofað og viðurkennt
sem það besta í heimi af Alþjóða
heilbrigðisstofnuninni ekki síst
til að hlífa þeim föllnu og sjúku.
Alþingi á að vísa brennivínsfrum-
varpinu frá og taka að ræða brýnni
mál.
Er Icesave grýlan ekki dauð?
„Ertu orðinn kommúnisti,
Þorsteinn minn?“ Þannig spurði
Ólafur Jóhannesson, forsætis-
ráðherra og prófessor, eitt sinn
Þorstein Pálsson, nemanda sinn,
þegar hann mætti honum með
alskegg sem þá var aðalsmerki
vinstrimanna. Það er óskiljan-
legt að Þorsteinn Pálsson skuli
stinga sér í drullupollinn á eftir
Steingrími J. Sigfússyni og reyna
að telja okkur trú um að betra
hefði verið að borga Icesave eins
og sakamenn með vöxtum og
vaxtavöxtum og kostnaði allt til
ársins 2047 þegar hann fagnar
hundrað ára afmæli sínu. Hitt er
skiljanlegt að Steingrímur J. reyni
að verja gerðir sínar og Jóhönnu
sem reyndu í þrígang að kröfu
Breta og Hollendinga að koma
því yfir á íslenska erfiðisvinnu-
menn að greiða skuldir gjaldþrota
banka og óreiðumanna. Þetta mál
lék Jóhönnu og Steingrím J grátt,
þau fórnuðu heilu kjörtímabili í
þessa vitlausu.
Þess verður minnst meðan sól
rennur að forseti Íslands vísaði
málinu tvisvar í þjóðaratkvæða-
greiðslu, og íslenska þjóðin
hafnaði málinu tvisvar. Svo vann
Ísland sinn stærsta sigur fyrir
EFTA-dómstólnum að lokum þar
sem það var staðfest lögfræði-
lega og siðferðilega að Bretar og
Hollendingar áttu enga kröfu á
íslenska launamenn. Hins vegar
áttu þeir rétt í gjaldþrota dánarbú
Landsbankans.
Svo var annað jafn vont mál eða
verra sem þau og ríkisstjórn Geirs
og Ingibjargar Sólrúnar létu ganga
yfir íslenska þjóð, það var hryðju-
verkalögin eða árásin sem Bretar
settu á Ísland og hékk uppi í öllum
peningastofnunum í níu mánuði án
alvöru viðbragða, nema forsetinn
tók fast á fantinum Gordon Brown.
Auðvitað mátti hvergi snerta ESB,
þangað var förinni heitið og því
miður mundu Vinstri grænir ekki
kosningaloforðið sitt þá.
Þetta er versta aðför að þjóð
í Evrópu eftir stríð. Það stóð til
af hálfu Breta með samþykki
ESB og Bandaríkjanna að gera
Ísland gjaldþrota. Þá var nú full
ástæða fyrir jafn vaskan mann og
Steingrímur J. Sigfússon er að
syngja æsku sinnar söngva, ég
hefði sungið með hástöfum þótt
laglaus sé: „Ísland úr NATÓ og
herinn burt.“ Breska sendiherrann
hefði átt að reka úr landi.
Guðni Ágústsson
rithöfundur og fyrrverandi landbúnaðarráðherra:
Ekki hugsað um þjóðarhag
Fréttir
Fyrir nokkru bauð Landgræðslan
stjórn Landssamtaka sauðfjár-
bænda að koma í kynnisferð
til höfuðstöðva stofnunarinn-
ar í Gunnarsholti og halda þar
stjórnarfund. Stjórn LS þáði
boðið og kom í Gunnarsholt
þriðjudaginn 19. janúar.
Er þetta reyndar ekki í fyrsta sinn
sem sauðfjárbændur halda stjórnar-
fund í Gunnarsholti. Fundurinn nú
þykir samt marka nokkur tímamót
í ljósi harðra skoðanaskipta sem átt
hafa sér stað í fjölmiðlum á milli
Landgræðslumanna og sauðfjár-
bænda á liðnum misserum, m.a. á
síðum Bændablaðsins.
Hefur þar oft verið hátt reitt til
höggs. Þar hefur Landgræðslan
m.a. gagnrýnt harðlega afréttabeit
á viðkvæmum svæðum, eins og í
Almenningum. Að sama skapi hefur
bændum þótt Landgræðslumenn oft
á tíðum gera lítið úr þeirra hlut við
uppgræðslu lands og rétti til land-
nýtingar í samræmi við beitarþol.
Hafa þessi átök og óvægin umræða
leitt til mikillar kergju á báða bóga
sem menn virðast nú sammála um
að hafi ekki verið neinum til gagns.
Stríðsaxir undir græna torfu
Vel fór á með sauðfjárbændum og
Landgræðslumönnum á fundin-
um í Gunnarsholti og virðist sem
öllum stríðsöxum hafi þar verið
sópað saman undir græna torfu.
Var ákveðið að stofna samráðshóp
til að vinna að framgangi sam-
starfsverkefna sauðfjárbænda og
Landgræðslunnar.
Farið yfir málin
Í upphafi heimsóknarinnar kynnti
landgræðslustjóri starfsemi stofn-
unarinnar og sögu staðarins. Að lok-
inni kynningu var haldinn samráðs-
fundur þar sem farið var yfir ýmis
málefni, s.s. síðustu breytingar á
reglugerð um gæðastýringu í sauð-
fjárframleiðslu, beitarrannsóknir og
vöktun á gróðurframvindu á beit-
arsvæðum. Þá var einnig rætt um
viðmið sjálfbærrar landnýtingar og
fleiri mál. /HKr.
Sauðfjárbændur funduðu með Landgræðslufólki í Gunnarsholti:
Stríðsöxum sópað
undir græna torfu
− ákveðið að stofna samráðshóp um samstarfsverkefni bænda og Landgræðslu
Vel fór á með stjórn Landssamtaka sauðfjárbænda og fulltrúum Landgræðslunnar á sameiginlegum fundi í Gunnars-
holti 19. janúar síðastliðinn. Mynd / Áskell Þórisson
Mótssvæðið á Hólum.
Landsmót hestamanna á Hólum:
Sala á tjaldstæðum með rafmagnstengingum hafin
Sala á tjaldstæðum með raf-
magnstengingum á Landsmóti
hestamanna á Hólum 2016 er
hafin.
Um er að ræða afmarkaða reiti,
7x10 metra að stærð, og hverjum
reit fylgir ein rafmagnsinnstunga.
Allir gestir mótsins hafa aðgang að
almennum tjaldstæðum mótsins, en
þar verður ekki hægt að bjóða upp á
rafmagnstengi.
Tjaldstæðin með rafmagns-
tengingum eru seld í gegnum sama
sölukerfi og aðgöngumiðar á mótið,
hjá tix.is og á heimasíðu Landsmóts,
landsmot.is. Þar geta áhugasamir
gestir keypt sér aðgang að reit sem
bíður þeirra þegar á mótið verður
komið. Verð fyrir þessa þjónustu
verður óbreytt frá síðasta Landsmóti,
kr. 17.000 fyrir afnot af tjaldstæða-
reit með rafmagnstengingu á mótinu.
Þetta kemur fram á heimasíðu
landsmótsins. /MÞÞ
Blönduósbær:
Lögreglan vill auka
umferðaröryggi
Lögreglustjórinn á Norðurlandi
vestra hvetur Blönduósbæ til
að setja bann við lausagöngu
búfjár í sveitarfélaginu og að
leita samninga við Vegagerðina
um friðun þjóðvegar nr. 1 með
girðingum og viðhaldi þeirra
til að auka umferðaröryggi.
Byggðaráð Blönduósbæjar tekur
vel í erindið.
Lögreglan á Norðurlandi vestra
sendi byggðaráði bréf á dögunum
þar sem þetta kemur fram. Bréfið
var lagt fram og rætt á fundi
byggðaráðs. Sveitarstjóra var falið
að hafa samband við Vegagerðina
vegna málsins og senda bréf lög-
reglustjórans til kynningar í land-
búnaðarnefnd Blönduósbæjar.