Bændablaðið - 28.01.2016, Blaðsíða 50

50 Bændablaðið | Fimmtudagur 28. janúar 2016
Í júní 2010 prófaði ég og skrifaði
um Chevrolet Spark LT og lét vel
af honum. Nú sex árum seinna tók
ég smáhring á eins bíl (Spark LT).
Við fyrstu sýn virtist allt vera
svipað nema eitt hestafl í viðbót
og verð hefur lækkað um 500.000.
82 hestafla vélin skilar bílnum
vel áfram
Fyrir sex árum var Spark í boði
með tveim vélarstærðum (100cc og
1200cc), en nú er það bara stærri
vélin sem er 1200 rúmsentímetra
vél og á að skila 82 hestum (bæst
við eitt hestafl á 6 árum).
Svona stór vél í litlum, léttum
bíl skilar honum vel áfram, jafn-
vel fullhlaðinn keyrandi brattar
brekkur í íslensku roki bætir Spark
sáralítilli bensíneyðslu við sig, en
margir smábílar með minni vélar
sem ég hef prófað eru jafn-
vel að bæta við eyðsluna allt
að þrem lítrum á hundraðið
í miklum mótvindi þar sem
vélarnar eru einfaldlega
ekki nógu kraftmiklar fyrir
íslenska vegi og veðurfar.
Skráður 5 manna
með 5 stjörnu öryggi
Spark er einn af fáum smá-
bílum sem fær fimm stjörnur
í árekstursprófunum enda er
hönnunin á honum þannig
að inni í öllum hurðum,
þaki, hvalbak og undir bíl
eru styrktarbitar sem eru
hannaðir eins og veltibúr í
kappakstursbílum (stundum
kallaðir krossbitar).
Chevrolet Spark er skráð-
ur fimm manna, en fyrir mér
er Spark bara bíll fyrir fjóra
og sem dæmi þá settust synir
mínir báðir aftur í bílinn
og þar sem þeir sátu sagði
annar: „Myndi ekki einu sinni
bjóða hundinum á milli okkar
þótt mjór sé.“ Farangursrými er
ekki nema 170 lítrar þegar sæti
eru uppi.
Engin ástæða til að breyta
því sem gott er
Útlitið á Spark hefur verið nánast
það sama frá upphafi og það góða
við bílinn er að hann bilar lítið í
samanburði við jafninga sína. Svo
sem engin ástæða að breyta því
sem virkar vel. Í prufuakstrinum
gafst mér tækifæri á að prófa bíl-
inn í vel svellaðri brekkunni upp
að skíðasvæðinu í Skálafelli. ABS
bremsukerfið virkaði vel ásamt
stöðugleikakerfinu, en þess ber
að geta að bíllinn var á glænýjum
Toyo vetrarhjólbörðum sem gáfu
mjög gott grip.
Spurning hvað lengi verður
hægt að fá Chevrolet Spark
Eins og margir vita þá er Chevrolet
og Opel í raun sama fyrirtækið,
Opel er ætlaður til sölu í Evrópu, en
Chevrolet í Ameríku. Enn er hægt
að fá Chevrolet Spark í Bílabúð
Benna á mjög góðu verði (oft
hefur Bílabúð Benna verið fyrst
til að lækka verð á sínum bílum
þegar innkaupsverð og gengi er
hagstætt). Spark hefur verið mjög
vinsæll smábíll sem margir munu
sakna ef hann hverfur af markaði.
Chevrolet Spark LT er á verði frá
1.990.000 (500.000 ódýrari en
hann var fyrir 6 árum).
Vélabásinn
Þyngd 864 kg
Hæð 1.522 mm
Breidd 1.597mm
Lengd 3.595 mm
Helstu mál og upplýsingar
Umhirða á bremsum og nauðsyn að skipta um bremsuvökva
Það eru mjög fáir sem gera
vel við bílinn sinn eftir að
ábyrgðarskoðunum lýkur. Þegar
við eigum nýlega bíla þarf að færa
þá í ársskoðun sem innflytjandi
bílsins fer fram á til að viðhalda
ábyrgð.
Það sem gert er í flestum
viðhaldsskoðunum er m.a. þrif
á bremsum og bremsuklossasæti
eru oft sandblásin og sprautuð með
sinkmálningu. Í lýsingu á nótu
frá B.L. þar sem ársgamall bíll
var yfirfarinn segir m.a. orðrétt:
„Bremsur verkaðar upp. Haldarar
sandblásnir og sinkhúðaðir“.
Bremsuvökvi verður lélegur á
um fimm árum eða fyrr
Þegar bílar fara í hefðbundna
smurþjónustu er það vinnuregla á
mörgum smurstöðvum að stinga
þar til gerðu mælitæki sem segir
til um hvort þarf að skipta um
bremsuvökva. Ef vökvinn mælist
ónýtur í hæðarglasinu er hann fyrir
löngu orðinn ónýtur við bremsu-
dælurnar.
Bremsuvökvinn eyðileggst
fyrst í lagnakerfinu
við bremsudælurn-
ar. Sem dæmi, er
ekki óalgengt að
viðgerðar menn á
rallý bílum þurfi að
tappa af bremsu-
vökva oft í hverri
keppni. Það er vegna
þess að bremsuvökv-
inn hitnar of mikið
á sumum sérleiðum
þrátt fyrir að flestir
rallökumenn noti
bremsuvökva sem
þolir mun meiri hita
en sá sem notaður er
í venjulega bíla.
Gott ráð til að nýta betur
bremsuvökvann
Á veturna er mjög víða sullað
miklu salti á götur til að eyða
ís og hálku. Salt er mesti óvinur
bremsukerfa í bílum og í einstaka
bílum eru bremsur sem einfald-
lega þola ekki salt. Af þessum
sökum er mjög gott að reyna sem
oftast að koma því við að skola
með volgu vatni í gegnum felg-
urnar saltið af bremsunum á bíl-
unum. Einnig ættu menn að tappa
bremsuvökvanum af við hverja
bremsudælu einu sinni eða tvisvar
á ári. Þetta er tveggja manna
verk, annar er inni í bíl og stígur
á bremsupedalann og hinn er við
bremsudælurnar útbúinn flösku
með litla slöngu sem sett er upp á
lofttappann á hverri bremsudælu,
losa um lofttappann, lætur stíga
pedalann niður, lokar fyrir tapp-
ann og fer á næstu dælu.
Maður finnur muninn strax
eftir svona aðgerð
Hvenær veit maður þegar bremsu-
vökvi er með smá raka í eða er
skítugur?
Svar: Það getur til dæmis verið
þegar maður verður var við að
einn bremsudiskur er heitari en
annar. Heyrir ískurshljóð í brems-
um smá tíma eftir að bremsur eru
notaðar. Eins ef manni finnst að
það þurfi að stíga óþægilega fast
á bremsupedalann til að bíllinn
bremsi.
Raki og óhreinindi geta verið
til þess að stimpill í bremsu-
dælu fer of hægt til baka eftir að
bremsum er sleppt og liggja þá
bremsuklossarnir í smá stund á
disknum sem gerir óþarfa slit á
bremsum og stuttan endingartíma
á bremsudiskum og klossum.
Eftir að tappað er af hverri dælu
smá bremsuvökva eða skipt alveg
um vökva finnur maður ótrúlegan
mun hvað bremsurnar eru miklu
betri. /HLJ
Hjörtur Leonard Jónsson
liklegur@internet.isChevrolet Spark hefur lítið
breyst en lækkar í verði
Chevrolet Spark LT. Myndir / HLJ
Toyo-vetrardekkin gáfu mjög gott grip á svelluðum vegi.Fær plús hjá mér fyrir dagljósabúnað sem stenst íslensk lög, en ekki þessi led-týruljós
sem eru á mörgum bílum í dag.
Glettilega hátt undir Spark miðað við marga aðra sambærilega smábíla.
Á sumum bílum er gott að komast að lofttappanum
og þarf ekki að taka dekk af.