Bændablaðið - 28.01.2016, Blaðsíða 8

8 Bændablaðið | Fimmtudagur 28. janúar 2016
Fréttir
Fjallamennskunámskeið verður
haldið á Óbyggðasetri Íslands á
Egilsstöðum í Fljótsdal helgina
12.–14. febrúar. Leiðbeinandi er
fjallaleiðsögumaðurinn Jón Gauti
Jónsson og námskeiðið hentar
vel fyrir fjallgöngu-, útivistar- og
björgunarsveitarfólk.
Fjallgöngur að vetrarlagi opna
nýjan og spennandi heim sem mik-
ilvægt er að nálgast af virðingu. Á
námskeiðinu eru kennd grunnatriði
í fjallgöngum og ferðamennsku að
vetrarlagi. Markmiðið er að þátt-
takendur öðlist skilning á helstu
hættum fjallgangna, læri um mikil-
vægi öruggs leiðavals með tilliti til
snjóflóðahættu, fái þjálfun í notkun
sérhæfðs útbúnaðar og upplifi sig
öruggari á fjöllum að vetrarlagi.
Leiðbeinandinn Jón Gauti er
reyndur fjallaleiðsögumaður og
hefur haldið fjölda námskeiða
í ferðamennsku, svæðafræðslu
og náttúrutúlkun. Hann er jafn-
framt leiðbeinandi Björgunarskóla
Slysavarnafélagsins Landsbjargar í
vetrarfjallamennsku, fjallabjörgun,
ís- og klettaklifri.
Innifalið í námskeiðinu, auk
kennslunnar, er fullt fæði, gisting á
Óbyggðasetri í tvær nætur, kvöldvaka
og kvikmyndasýning.
Tekið er við skráningum til og
með 5. febrúar og ástæða er til að
taka fram að flest stéttarfélög greiða
námskeiðið niður. Nánari upplýsingar
og skráning í síma 440 8822 og á
info@wilderness.is.
Fræðsluefni um öryggismál og
vinnuvernd verður dreift á öll lög-
býli á næstu dögum. Markmiðið
er meðal annars að efla öryggi og
heilsu þeirra sem starfa í landbún-
aði og fækka slysum.
Bæklingurinn „Öryggi og vinnu-
vernd í landbúnaði“ er þýddur og
staðfærður úr norsku leiðbeininga-
efni. Í honum eru meðal annars
kaflar um brunavarnir, dráttarvélar,
slysavarnir, heilsufar, búfjársjúk-
dóma og varnir gegn þeim. Þá er
stuttur kafli í ritinu sem fjallar um
mikilvægi ásýndar búsins og góðrar
umgengni.
Búum vel
Á síðustu þremur árum hafa
Bændasamtökin í samvinnu við bún-
aðarsambönd rekið vinnuverndar-
verkefnið „Búum vel“. Guðmundur
Hallgrímsson á Hvanneyri hefur
heimsótt á annað hundrað bændur og
farið yfir öryggis- og vinnuverndar-
málin með þeim. Tillögur til úrbóta
voru ræddar við bóndann og sett
markmið um viðbrögð. Eftir heim-
sóknirnar er unnið úr upplýsingunum
hjá BÍ og útbúin skýrsla sem send er
til bóndans.
Áfram verður boðið upp á
úttektir á búum á þessu ári en fyrir
þær greiða bændurnir kr. 7.500.
Vátryggingafélag Íslands hefur stutt
dyggilega við bakið á vinnuverndar-
verkefninu og Framleiðnisjóður
komið að þróun þess. Þeir sem hafa
áhuga á að fá heimsókn og fara yfir
þennan mikilvæga málaflokk er bent
á að hafa samband við sitt búnaðar-
samband.
Nýi vinnuverndarbæklingur-
inn verður sem fyrr segir sendur
til bænda á næstu dögum en hann
er jafnframt aðgengilegur á vef
Bændasamtakanna, bondi.is /TB
Markmiðið er að bæta
öryggismenningu til sveita
Fjallamennskunámskeið
á Óbyggðasetri Íslands
Jón Gauti Jónsson
Smalahundafélag Íslands hefur
verið ört vaxandi enda skilningur
á notagildi góðra smalahunda stöð-
ugt að aukast. Hefur félagið m.a.
staðið fyrir mótshaldi og hæfn-
isprófunum á hundum.
Mikill fjöldi hunda er á skrá Snata
sem er vefsíða félagsins en haldið er
utan um skráningu smalahunda hjá
tölvudeild Bændasamtaka Íslands.
Austurlandsdeildin
Austurlandsdeildin er ein af
sjö landshlutadeildum Smala-
hundafélags Íslands (SFÍ). Starfsemi
hennar er Norðausturland og
Austurland. Alls eru 235 meðlimir í
Smalahundafélaginu og þar af eru í
kringum 35 í Austurlandsdeildinni.
Ásamt hinum deildunum sex nær
starfsemin yfir stærstan hluta lands-
ins. Ekki eru allir félagar SFÍ með-
limir í deildum félagsins og deildirn-
ar eru misvirkar, að sögn Aðalsteins
Jóhannesar Halldórssonar, félaga og
erindreka í Austurlandsdeild SFÍ.
Ræktun og þjálfun
Félagar í Austurdeildinni eru nokk-
uð virkir í ræktun og þjálfun Border
Collie-hunda á Íslandi og eiga flestir
nokkra hunda. Í gegnum árin hafa
hundar frá þeim eignast heimili á
fjölmörgum heimilum á starfs-
svæði Austurdeildarinnar og víðar.
Það eru margir hundar skráðir hjá
Smalahundafélaginu á svæðinu og
sífellt fleiri bændur sem sjá hag í
því að eiga góðan smalahund. Það er
aftur á móti von deildarinnar og SFÍ
að fleiri gerist virkir þátttakendur í
smalahundasamfélaginu, bæði hvað
varðar tamningu hunda og keppni.
Með auknum metnaði í greininni
aukast gæði hundanna og starfsskil-
yrði bænda batna.
Skráðir í gagnagrunninn
Snata hjá BÍ
Ræktun og notkun Border Collie-
fjárhunda við fé er tiltölulega nýleg
grein á Íslandi. SFÍ var stofnað 15.
desember 1992 og fyrsta mót á
vegum félagsins fór fram tveimur
árum seinna. Síðan þá hafa verið
haldin eitt til þrjú mót á ári. Félagið
hefur auk þess stuðlað að framgangi
greinarinnar með fræðslu og skrán-
ingu hundanna í ættbók félagsins.
Nýr gagnagrunnur félagsins, Snati,
var tekinn í notkun fyrir um þrem-
ur árum og auðveldaði hann utan-
umhald ræktunarinnar verulega.
Snati er rekinn í samstarfi við
Bændasamtök Íslands og hafa með-
limir Smalahundafélagsins aðgang
að honum.
Þátttaka meðlima félagsins í
mótum og öðru starfi hefur verið
nokkuð stöðugt síðustu árin, en held-
ur er að fjölga þeim sem taka þátt
reglulega. Aftur á móti má greina
aukna notkun smalahunda á landinu
síðustu ár, þó sú notkun skili sér ekki
endilega í þátttöku á mótum. Slíkt
má sjá til dæmis á samskiptamiðlum.
Þar má sjá að æ fleiri eru að þjálfa
hunda sína og leita eftir ábendingum
um það sem betur má fara. Jafnframt
virðist vera vaxandi markaður fyrir
þjálfaða hunda á landinu. Framboð
af þeim mætti vera meira. Algengast
er í þeim efnum að keyptir séu frum-
tamdir hundar sem nýir eigendur
halda síðan áfram spreyta sig með.
Það eru ekki margir hundar seldir
fulltamdir á hverju ári og eru fyrir
því ýmsar ástæður. Ræktendur og
tamningafólk eru til dæmis yfirleitt
að þjálfa í frístundum sínum með
annarri vinnu og hafa því ekki tíma
til að fulltemja hunda í miklum mæli.
Þróunin er engu að síður jákvæð og
ýmis merki þess að greinin sé á réttri
leið.
Fjárhundakeppni á Eyrarlandi
Þann 21. nóvember síðastliðinn hélt
Austurlandsdeild Smalahundafélags
Íslands mót á Eyrarlandi í Fljótsdal.
Þetta var annað mót ársins, en
Landsmót Smalahundafélags Íslands
var haldið á Tjörn á Mýrum helgina
29.–30. ágúst. Austurlandsdeildin
hafði jafnframt umsjón með þeirri
keppni.
Alls tóku 15 hundar þátt í keppn-
inni á Eyrarlandi en smalarnir voru
níu, þar sem sumir þeirra skráðu
til leiks fleiri en einn hund. Þar af
voru 11 hundar skráðir í A-flokk,
1 í B-flokk og 3 í unghundaflokk.
Hver hundur fékk eitt rennsli. Dómari
mótsins var Lárus Sigurðsson og
úrslit voru eftirfarandi:
A-flokkur
Panda frá Daðastöðum og Elísabet
Gunnarsdóttir, 81/100 stig.
Skotta frá Daðastöðum og Elísabet
Gunnarsdóttir, 81/100 stig.
Mjú frá Ási og Agnar Ólafsson,
80/100 stig.
B-flokkur
Gláma frá Sauðanesi, Edze Jen
De Haan.
Unghundaflokkur
Doppa frá Húsatóftum og
Aðalsteinn Aðalsteinsson, 66/90
stig.
Skutla frá Skálholti og Marzibil
Erlendsdóttir, 58/90 stig.
Snati frá Móskógum og Sverrir
Möller, 32/90 stig.
Landsmót að Tjörn í ágúst 2015
Alls voru 17 hundar skráðir. Þar af
8 í A-flokk, 3 í B-flokk og 6 í ung-
hundaflokk. Allir hundar fengu tvö
rennsli og keppt var að 100 stigum
hvorn dag. Dómari var Ross Games
og úrslit voru eftirfarandi:
B flokkur - Úrslit
1. Kátur frá Eyrarlandi og Agnar
Ólafsson, Stig 77 + 74 =151
2. Astra Polar og Kristinn
Hákonarson. Stig 63 +33 = 96
3. Gutti frá Hafnarfirði og Sverrir
Möller, hætti keppni.
A fl. Opinn flokkur - Úrslit
1. Kría frá Daðastöðum og
Aðalsteinn Aðalsteinsson, stig
72 +85 =157
2. Korka frá Miðhrauni og Svanur
Guðmundsson, Stig 75 +61 =
136.
3. Smali frá Miðhrauni og Svanur
Guðmundsson. Stig 70 + 63.
Unghundar - úrslit
1. Frigg frá Kýrholti og Aðalsteinn
Aðalsteinsson, Stig 73 + 67 =
140
2. Skutla frá Skálholti og Marzibil
Erlandsdóttir. Stig 60 + 47 =
107.
3. Doppa frá Húsatóftum og
Aðalsteinn Aðalsteinsson. Stig
74 + 30 = 104
Stigagjöf er þannig að í upphafi hefur
hvert smalateymi 90 til 100 stig eftir
því hvernig er dæmt. Refsistigin sem
hundurinn fær í brautinni dragast svo
frá og þannig fæst lokastigatalan. Í
þeim tilfellum þar sem tveir eða
fleiri hundar eru með sama stigaskor
endar sá hundur ofar sem gerir betur
í fyrstu þremur þáttum smalabrautar-
innar. Í unghundaflokki keppa hundar
yngri en 3 ára. Í B-flokki er brautin
styttri og heldur auðveldari viðfangs
og fyrst og fremst hugsuð fyrir þá
reynsluminni. /AJA/HKr.
Austurlandsdeild Smalahundafélags Íslands – Yfirlit yfir mót ársins 2015:
Border Collie-hundar þykja afburða-
góðir til smalamennsku
-
-