Bændablaðið - 07.09.2017, Page 10

10 Bændablaðið | Fimmtudagur 7. september 2017
Á sameiginlegum fundi Búnaðar-
sambands Húnaþings og Stranda
og Félags sauðfjárbænda í
Skagafirði sem haldinn var á
Blönduósi í liðinni viku var
samþykkt ályktun þar sem skorað
er á sláturleyfishafa, stjórnvöld
og forystumenn bænda að taka
á þeirri grafalvarlegu stöðu sem
nú er uppi.
„Á Norðurlandi vestra og
Ströndum eru um 420 sauðfjárbú
og á þeim fer fram um 30% af
sauðfjárframleiðslu í landinu. Það
liggur því fyrir að sauðfjárrækt
er þessu svæði gríðarlega
mikilvæg atvinnugrein. Ef
verðlækkanir sem boðaðar hafa
verið á sauðfjárafurðum, verða
að veruleika eru allar forsendur í
rekstri sauðfjárbúa brostnar. Hætt
er við að afleiðingarnar verði hrun
í búgreininni og í framhaldinu
stórfelld byggðaröskun,“ segir í
ályktun fundarins.
Ná ekki endum saman
Tekjuskerðing sem sauðfjár bændur á
þessu svæði standa nú frammi fyrir,
að viðbættri tekjuskerðingu síðasta
árs, nemur skv. upplýsingum frá
Ráðgjafarmiðstöð landbúnaðarins
að meðaltali um 1,5 milljónum kr. á
bú. Það liggur því fyrir að stór hluti
sauðfjárbænda mun ekki ná endum
saman að óbreyttu,“ segir enn fremur.
/MÞÞ
Samtök bænda í Húnaþingi og á Ströndum:
Tekið verði á grafalvarlegri stöðu
FRÉTTIR
Expert tekur við þjónustu
mjólkurtanka frá Mjalta
Expert kæling ehf. hefur tekið
við þjónustu við mjólkurtanka
frá Milli mjalta ehf. sem hefur
sinnt þjónustu við bændur um
allt land um árabil.
Sigurður Frímann Emilsson
hjá Expert segir að fyrirtækið
hafi einnig hafið innflutning
á mjólkurtönkum frá Röka í
Danmörku, en Milli mjalta flutti
þá inn áður.
„Eins og bændur vita hafa
þessir mjólkurtankar reynst vel hér
á landi og ganga einstaklega vel
með mjaltaþjónum eins og öðrum
mjaltabúnaði.
Allir varahlutir og kælivélar
verða til á lager fyrir flestar allar
gerðir mjólkurtanka.
Expert kæling ehf. er með
starfsstöðvar í Reykjavík, Akureyri
og Selfossi og verða allir varahlutir
og kælivélar til á lager fyrir flestar
allar gerðir mjólkurtanka. /VH
Matvælastofnun lætur innkalla matvæli:
Leifar af skordýraeitrinu fipronil finnst
í matvælum íslensks framleiðanda
Matvælastofnun hefur fengið
upplýsingar um að Ora hafi
innkallað vörur vegna þess að í þær
var notað hráefni, eggjarauðuduft,
sem reyndist innihalda fipronil yfir
hámarksgildi.
Í frétt á vef Matvælastofnunar
segir að magn fipronil í vörunum
frá ORA sé lítið og vörurnar ekki
heilsuspillandi fyrir neytendur. Hins
vegar er óleyfilegt að nota hráefnið í
samsett matvæli og þess vegna inn-
kallar fyrirtækið vörurnar.
Milljónir eggja fjarlægð úr hillum
verslana í Evrópu
Undanfarna tvo mánuði hafa yfirvöld
í Þýskalandi, Hollandi og Belgíu
látið kalla inn milljónir eggja úr
verslunum.
Áætlað er að rúmlega þrjú milljón
egg smituð af fiprolin hafi verið flutt
til Þýskalands áður en innflutningur
á eggjum til landsins frá Hollandi
var stöðvaður.
Samkvæmt frétt The Guardian
er búið að loka tímabundið um
180 hollenskum kjúklingabúum
og hefja á lögreglurannsókn á
umfangi málsins. Litið er á notkun
eitursins í matvælaiðnaði sem
glæpsamlegt athæfi og krafist er
lögreglurannsókna eftir að mælingar
sýndu hátt hlutfall skordýraeitursins
fipronil í eggjum.
Sníklalyf og skordýraeitur
Fipronil er notað sem sníklalyf á
gæludýr, skordýraeitur í og við
byggingar og sem skordýraeitur
við ræktun sumra káltegunda.
Ekki er leyfilegt að nota lyfið til
að meðhöndla dýr sem alin eru til
manneldis.
Fannst í eggjarauðudufti
Í frétt Matvælastofnunar segir að
stofnunin hafi fengið upplýsingar
um ólöglega notkun fipronil í
gegnum evrópska viðvörunarkerfið,
RASFF, og að efnið hafi fundist
yfir hámarksgildum í eggjum og
eggjadufti.
Í kjölfarið hóf stofnunin skoðun
á eggjavörum sem fluttar eru til
landsins frá Evrópu og jafnframt
voru tekin sýni til greiningar.
Stofnunin hefur einnig haft samráð
og samstarf við heilbrigðiseftirlit á
höfuðborgarsvæðinu, sem fer með
markaðseftirlit með matvælum.
Matvælastofnun tók tvö
sýni, hvort úr sinni lotunni, af
eggjarauðudufti sem kom til
landsins frá Hollandi, en varan
reyndist framleidd á Ítalíu. Í
öðru sýninu mældist fipronil
rétt yfir hámarksgildi. Í hinu
sýninu greindist fipronil einnig,
en vel undir hámarksgildi. Varan
sem flytja átti inn er í vörslu
Matvælastofnunar og hefur
innflytjandinn, Íslensk Ameríska,
staðfest að hann muni endursenda
báðar loturnar. Sama lota og sú sem
nú greindist yfir mörkum kom til
landsins fyrr í sumar og var þá
notuð í þær vörur sem nú er verið
að innkalla.
Áframhaldandi eftirlit
Matvælastofnun og Heilbrigðis-
eftirlit sveitarfélaga munu
áfram leggja áherslu á að skoða
eggjaafurðir sem fluttar eru til
landsins, meðal annars með frekari
sýnatökum. Beinir stofnunin því
einnig til fyrirtækja sem flytja
eggjavörur frá Evrópu að fá
rannsóknarvottorð sem sýnir fram
á að magn fipronils sé innan marka
í viðkomandi vöru áður en hún er
flutt til landsins. /VH
Fipronil í eggjaduft sem notað var í íslenskar matvörur.
-
Sala á fjórum tegundum
illgresiseyðis stöðvuð
Sala á fjórum vörum skordýra-,
sveppa- eða illgresiseyða var
stöðvuð eftir að upp komst að þau
höfðu ekki tilskilin markaðsleyfi.
Eftirlit Umhverfisstofnunar
á jurtaeitri eða illgresiseyði,
sem stofnunin nefnir „plöntu-
verndarvörur“ fór fram í lok maí hjá
fjórum fyrirtækjum sem setja slíkar
vörur á markað. Allar svokallaðar
„plöntuverndarvörur“ sem fundust í
sölu hjá fyrirtækjunum voru kann-
aðar með tilliti til markaðsleyfa
og réttra merkinga. Alls var 61
eining af þessum vörum skoðuð
í eftirlitinu og reyndust merkingar
ófullnægjandi í fimm tilfellum og
kröfur gerðar um úrbætur þar af
lútandi sem fyrirtækin urðu við.
Markaðssetning á þeim fjórum
vörum sem ekki reyndust vera með
markaðsleyfi þegar eftirlitið átti
sér stað var stöðvuð tímabundið
og fyrirtækjum veittur frestur til
þess að sækja um markaðsleyfi
fyrir þeim. Um er að ræða vörurnar
Dicopur, Lentagran, Teldor WP 50
og Eradicoat. Sæki fyrirtæki ekki
um markaðsleyfi fyrir vörurnar
innan tiltekins frests verður
markaðssetning þeirra stöðvuð
varanlega.
/ghp
Dýravakt Matvælastofnunar
komin á Facebook
Matvælastofnun (MAST) hefur
tekið í gagnið nýja Facebook-síðu
sem er ætlað að vera gagnvirkur
vettvangur á milli stofnunarinnar
og almennings um málefni sem
varða heilbrigði og velferð dýra.
Síðan heitir Dýravakt
Matvælastofnunar (á vefslóðinni
h t tps : / /www.facebook.com/
dyravakt/) og í gegnum hana
gefst almenningi kostur á að veita
upplýsingar um tiltekin mál á þessu
sviði, auk þess sem MAST mun nota
vettvanginn til að koma á framfæri
upplýsingum þegar grunur leikur á
illri meðferð á dýrum.
Upplýsingagjöf um reglurnar
Í tilkynningu frá MAST kemur
fram að á síðunni verði upplýsingar
aðgengilegar um það hvaða reglur
gilda um dýrahald, hvernig auka
megi velferð dýra og hvernig
brugðist er við í þeim tilvikum þegar
reglum er ekki fylgt.
„Opið er fyrir athugasemdir undir
hverri færslu. Fésbókarsíðan er hins
vegar hvorki ætluð til þess að veita
ráðgjöf um sjúkdóma, greiningu
eða meðhöndlun, né til að komast í
samband við dýralækni á vakt.
Árið 2013 fluttist eftirlit með
dýravelferð frá Umhverfisstofnun
til Matvælastofnunar. Áður var
eingöngu eftirlit með heilsu og
velferð búfénaðar og afurðagef-
andi dýrum hjá Matvælastofnun,
en með sameiningunni færðist eft-
irlit með velferð allra dýra undir
einn hatt. Gildistaka nýrra laga um
velferð dýra árið 2014 hafði í för
með sér auknar kröfur um dýra-
velferð, uppfærslu á regluverki og
skilvirkari þvingunar- og refsiúr-
ræði. Ábendingar um grun um van-
rækslu eða illa meðferð á dýrum til
Matvælastofnunar er mikilvægur
liður í að uppgötva og uppræta illa
meðferð á dýrum. Betur sjá augu en
auga og hefur fjöldi ábendinga frá
almenningi aukist til muna á undan-
förnum árum,“ segir í tilkynningu
frá stofnuninni.