Bændablaðið - 07.09.2017, Blaðsíða 49

49Bændablaðið | Fimmtudagur 7. september 2017
en ennþá var hey uppi í rjáfrinu.
Þegar Ísfold var tekin að leysa, datt
niður geipimikil heyvisk, og féll
hún milli systranna og dyranna.
Systurnar litu upp á stálið, sáu þar
glóra í tvær gular, kringlóttar týrur.
Svo kvað við langdregið mjálm,
og allt í einu döluðu týrurnar gulu
niður á hlöðugólfið, og svo stóð
þar þá gulbröndóttur köttur, setti
upp kryppu og stýri og neri sér við
fótleggi Moniku.
Það var Monika, sem bar Brand
til bæjar. Hún fór með hann rakleitt
inn í eldhús, þar sem móðir hennar
stóð við matseld. Margrétu húsfreyju
féllust hendur. Hún starði á þau,
Brand og Moniku, og síðan leit hún
á Ísfold og Hólmfríði, sem stóðu
þarna og ljómuðu af gleði. Og nú
sagði Ísfold frá því, sem gerzt hafði
í fjárhúshlöðunni. Margrét sagði ekki
eitt einasta orð. Hún strauk Moniku
um vangann, leit snöggvast á Brand
og tók síðan til við verk sitt.
Um kvöldið lá við, að fögnuður-
inn yfir endurheimt Brands skyggði
á sjálfa jólagleði barnanna á
Ánastöðum.
Harðindavorið 1910 komust
margir íslenzkir bændur í heyþrot,
og sums staðar mun hafa fallið fé.
Í Skagafirði var ástandið ekki gott.
Helgi á Ánastöðum hafði átt mikil
hey, þegar vetur settist að, og þau
entust honum furðu vel. En þar kom,
að honum tók ekki að lítast á blikuna.
Maður er nefndur Sveinn Sigurðsson.
Hann bjó á Giljum, fremsta bæ í
Vesturdal. Það eru landgæði mikil
og landrými, og vetrarbeit er þar
örugg og kjarngóð í svokölluðum
Þorljótsstaðaruna. Þeim Sveini og
Helga á Ánastöðum var vel til vina,
og þá er Helgi þóttist sjá sitt óvænna
gagnvart harðindunum, fór hann til
fundar við Svein og bað hann um
leyfi til að reka fé í runnann. Sveinn
kvað honum það heimilt, og þegar
Helgi kom heim var hann mjög
glaður. Fé hans var vel undan, og
taldi hann víst, að það mundi bjargast
af beitinni.
Nóttina áður en helgi hafði
hugsað sér að halda af stað með
fjárhópinn, dreymdi Moniku, að
hún var stödd í dyrum úti og horfði
á föður sinn fljúgast á við hvítt naut
í hlaðvarpanum. Atgangur þeirra
Helga og nautsins var harður og
alllangur, en loks hafði Helgi nautið
undir, tók upp hníf sinn og skar það
þarna í varpanum. Fossaði úr því
blóðið og rann niður á tún.
Þegar Monika vaknaði, datt henni
þegar í hug, að draumurinn væri fyrir
því, að hláka væri í vændum. Hún
sagði svo við föður sinn:
„Pabbi minn, – ég held þú þurfir
ekki að reka féð. Ég hugsa, að það
komi hláka.“
Faðir hennar leit undrandi á hana
og sagði:
„Af hverju dregurðu það, barnið
mitt?“
Monika sagði honum drauminn
og kvaðst viss um, að hann væri fyrir
hláku. Faðir hennar þagði um hríð,
en svo hló hann og sagði:
„Ekki er mark að draumum,
stendur í einni af Íslendingasögunum,
og ég held að ég eigi ekki undir því,
að draumurinn þinn komi fram. Ég
rek féð í dag, eins og ég hafði ætlað
mér.“
En Monika lét ekki segjast. Hún
bað föður sinn að bíða með að reka,
þó að ekki væri nema einn eða tvo
daga. Helgi sagðist ekki anza henni.
Hann væri þegar orðinn heylaus fyrir
féð, og hann færi ekki að svelta það
eða taka hey handa því frá kúnum í
blindri trú á draum Moniku.
Nokkru fyrir hádegi hélt Helgi af
stað með allt sitt fé, en komst ekki
lengra um kvöldið en að Goðdölum.
Næstu nótt gekk í asahláku, og daginn
eftir varð Helgi að halda kyrru fyrir
í Goðdölum með fjárhópinn. Síðan
hélt hann heim með fé sitt, því að nú
voru hvarvetna komnir upp nógir og
góðir hagar.
Þegar Helgi hitt Moniku, klappaði
hann á kollinn á henni og sagði
brosandi:
„Ég hefði átt að lofa þér að ráða,
greyið mitt! En það er nú svona og
svona að eiga afkomu sína undir
draumspám telpuhnokka á níunda
ári.“
Liprar ódýrar fjárgrindur
Pöntunarsímar
669 1336 og 899 1776
www. aurasel.is
Meira fyrir aurinn
Þessar grindur hafa löngu sannað gildi sitt. Ódýrar, traustar og einfaldar í uppsetningu.
Stærð: Breidd 427 cm, hæð 110 cm. Möskvastærð 10 x15 cm.
Verð á einni grind kr. 24.900 auk vsk.
Ef keyptar eru 2-4 grindur, verð á grind kr. 22.900 auk vsk.
Ef keyptar eru 5 grindur, verð á grind kr. 19.000 auk vsk.
Gerið verðsamanburð.
Lambheldar hliðgrindur
Einstaklega léttar og meðfærilegar fjárgrindur. Stærð 180 x 90 cm.
Hægt að stilla upp á marga vegu.
Engar festingar, auðvelt að krækja saman.
Verð á einni fjárgrind kr. 7.900 auk vsk.
Ef keyptar eru 10 grindur eða fleiri, verð á grind kr. 6.900 auk vsk.
Takmarkað magn.
Bændablaðið Smáauglýsingar 56-30-300
Næsta blað kemur út 21. september