Bændablaðið - 07.09.2017, Blaðsíða 35

35Bændablaðið | Fimmtudagur 7. september 2017
Kynbótasýningum ársins
2017 lauk með þremur
síðsumarssýningum, á Selfossi,
í Borgarnesi og á Dalvík í lok
ágúst.
Á Selfossi hlutu þrír hestar
kenndir við Ketilsstaði hæstu
dómana. Frami, sem er farsæll
keppnishestur, hlaut hæsta dóm
sýningarinnar, 8,68. Hann fékk 8,46
fyrir sköpulag og 8,82 fyrir kosti.
Þar af hlaut Frami 9,5 fyrir tölt,
vilja og geðslag, fegurð í reið og
hægt tölt. Frami er undan Sveini-
Hervari frá Þúfu í Landeyjum
og heiðursverðlaunahryssunni
Framkvæmd frá Ketilsstöðum
en annar sonur hennar, Fákur að
nafni, hlaut þriðja hæsta dóm
sýningarinnar 8,46. Hann er undan
Álfinni frá Syðri-Gegnishólum sem
er einnig faðir Stúdents, sem var
næsthæstur með 8,59, þar af 9 fyrir
tölt og fet.
Í Borgarnesi hlutu þrjár hryssur
hæstu dómana. Róska frá Hákoti
var efst með 8,50 í aðaleinkunn.
Hún hlaut 8,55 fyrir sköpulag og
8,47 fyrir kosti. Róska er undan
Kjerúlf frá Kollaleiru og Frá frá
Hákoti, sem er m.a. móðir Kolku
frá Hákoti. Viktoría frá Reykjavík
hlaut 8,27 og Kleópatra frá
Laugavöllum var þriðja með 8,22
í aðaleinkunn.
Á Dalvík hlutu tveir 4 vetra
stóðhestar frá Torfunesi hæstu
dómana. Hæstur var Þór undan
Kolskeggi frá Kjarnholtum I og
heiðursverðlaunahryssunni Bylgju
frá Torfunesi. Hann hlaut 8,39 í
aðaleinkunn, 8,43 fyrir sköpulag
og 8,36 fyrir kosti. Þá hlaut Vivaldi,
undan Trymbli frá Stóra-Ási og
heiðursverðlaunahryssunni Röst
frá Torfunesi 8,30 í aðaleinkunn.
Hann hlaut 8,59 fyrir sköpulag og
8,11 fyrir kosti.
Uppgjör ársins
Alls voru kynbótasýningar 18
talsins árið 2017 þar sem kveðnir
voru upp 1.268 kynbótadómar.
Fullnaðardómar reyndust 1.127
talsins, 347 stóðhestar voru dæmdir,
777 hryssur og þrír geldingar. Þá
komu 139 hross í sköpulagsdóm.
Þórálfur frá Prestsbæ hlaut
hæsta dóm ársins þegar hann
fékk 8,94 á Melgerðismelum.
Kolskeggur frá Kjarnholtum I hlaut
8,86 á Sörlastöðum, sem reyndist
næsthæsti dómur ársins og dómur
Árblakks frá Laugasteini upp á 8,83
var þriðji hæsti dómur ársins.
Nokkur hross hlutu fullt hús stiga
fyrir einstaka þætti kynbótadóms.
Katla frá Ketilsstöðum hlaut
10 fyrir tölt, hægt tölt, brokk og
vilja og geðslag. Árblakkur frá
Laugasteini hlaut 10 fyrir vilja og
geðslag. Þrjú hross fengu 10 fyrir
skeið; Glóra frá Skógskoti, Goði
frá Bjarnarhöfn og Fröken frá
Bessastöðum.
Skórnir sem hafa slegið í gegn!
og fengið frábæra dóma.
Baldvin og Þorvaldur, Selfossi
Fjalli.is, netverslun
Fóðurblandan, Egilsstöðum,
Hvolsvelli, Hellu & Selfossi
Kaupfélag Vestur Húnvetninga
K.M. Þjónustan Búðardal
KS verslunin Eyri, Sauðárkróki
Hvolsvelli, Blönduósi & Borgarnesi
Varahlutaverslun Björns, Hellu
Verslunin Tákn, Húsavík

Grubs Cityline reiðskórnir eru vatnsheldir, hlýjir og með
harðri tá. Opið er víðara en á öðrum gerðum
og er því auðvelt að smeygja sér í og úr.
Grubs eru framleiddir úr mjúku náttúru-
gúmmíi og klæddir með neopreni.
VATNSHELDIR
MJÚKIR OG ÞÆGILEGIR
Cityline
12.900
Woodline
8.900
Midline
14.900
Kynbótasýningar hrossa:
Alls voru 1.268 dómar kveðnir upp á árinu
HROSS&HESTAMENNSKA
Guðrún Hulda Pálsdóttir
ghp@bondi.is
Frami frá Ketilsstöðum hlutu 8,68 í aðaleinkunn á síðsumarssýningu. Knapi hans og eigandi er Elin Holst.
Folald sumarsins 2017
– Óskað eftir tilnefningum en skilafrestur er til 22. september
Eins og tvö undanfarin ár hvetur
Bændablaðið hestaáhugafólk til að
skila inn ábendingum um folald
sumarsins 2017. Óskað er eftir
myndum og að rökstuðningur fylgi
fyrir hvað það eigi að útnefnast
hið eina sanna folald sumarsins.
Myndir og texta skal senda til
Bændablaðsins á netfangið hk@
bondi.is.
Íslensk hross státa af miklum
fjölbreytileika í lit og skapgerð
ekki síður en íslenska kúakynið og
sauðfé landsmanna. Til að skerpa
á vitund landsmanna um þessa
eiginleika íslenska hestsins kom Páll
Imsland með þá hugmynd að gera
úr þessu leik með lesendum. Snýst
hann um að blaðið birti myndir sem
áhugaverðar þykja undir þemanu
„Folald sumarsins“.
Leikurinn felst í því að lesendur
sendi blaðinu fyrir 22 september
myndir með upplýsingum og
rökstuðningi fyrir að það eigi að
útnefnast hið eina sanna folald
sumarsins. Nauðsynlegt er að
saga fylgi mynd sem rökstyðji
eiginleikana. Bent skal á að góð
mynd og góð saga getur haft töluverð
áhrif á úrslitin. Sagan gæti verið af
óvenjulegum vitsmunum folaldsins,
vináttutengslum eða óvenjulegum
samskiptum manna og dýra. Texti
má þó helst ekki vera lengri en 500
orð.
Í rökstuðningi þarf líka að
tilgreina nafn folalds, fæðingarstað
og helst númer í WorldFeng. Einnig
foreldra folaldsins og hugsanlega
eitthvað frekar um ættarsöguna ef
þörf þykir. Þá er nauðsynlegt að nafn
höfund mynda fylgi líka. Mikilvægt
er að mynd sé í bærilegum gæðum
til birtingar og í jpeg formi. Myndir
teknar á farsíma geta líka verið
brúklegar.
Folaldið má hafa til að bera hvaða
eiginleika sem vill svo fremi að þeir
þyki að einhverju leyti einstakir eða
sérstakir, þannig að það skeri sig úr
fjöldanum.
Dómnefnd undir stjórn Páls
Imslands mun síðan meta hvaða
folald sé þess verðugt að hljóta
þessa útnefningu og fá skjal því til
staðfestingar. Ráðgert er að birta
myndir af þeim folöldum sem þykja
skara fram úr síðar í haust. /HKr.
Folald sumarsins 2016 var
Von frá Ártúnum ásamt
fóstru sinni og eiganda, Höllu
Bjarnadóttur, og tveimur
austurrískum vinnukonum.
VÍNYLPARKET
– frábær lausn fyrir heimili, sumarhús, skóla ofl.
Flugumýri 34 • 270 Mosfellsbæ
Sími 896 9604 • vinylparket.is
vinyl golfefni
• Viðhaldsfrítt
• Níðsterkt
• Þolir vatn og þunga trafík
• Margir litir
Vínylparket fæst smellt, niðurlímt eða
lauslagt og í mörgum tilfellum er hægt
að leggja það yfir önnur gólfefni.