Fréttabréf Öryrkjabandalags Íslands - 01.06.1998, Síða 7

fréttum hefur á nýjan leik vaknað
áhugi á þessari leið til að létta park-
insonsjúklingum lífið. Ræður þar
mestu aukinn skilningur á starfstrufl-
unum og taugaboðum í heila vegna
dópamínsskorts, auk þess sem mögu-
leikar til nákvæmrar staðsetningar em
nú mun meiri en áður var, einkum
vegna tilkomu segulómunar.
Talsverðu rúmi er varið í um-
fjöllun um raförvun í heilastúku
og vefjaflutning til heilans. Varðandi
hið síðarnefnda er um það að ræða að
lifandi vefur er græddur í heilann í
þeim tilgangi að draga úr líkum þess
að sjúkdómurinn versni og milda
einkenni hans. I umfjölluninni um
vefjaflutning kemur fram að mikill
áhugi sé nú á því hvort hægt sé að
rækta mennskar frumur í vísinda-
legum tilraunastofum og fá erfða-
breyttar frumur til að framleiða levó-
dópa og dópamín. Þrátt fyrir siðferði-
leg álitamál tengd notkun heilavefja
úr fóstrum, sem eytt hefur verið, er
tilraunum haldið áfram og hefur bati
í mörgum tilfellum verið verulegur,
þótt enn hafi enginn sjúklingur losnað
algerlega við öll einkenni veikinnar.
Aðeins einn sjúklingur (skorinn upp
í Lundi fyrir 5 árum) hefur getað hætt
að nota öll parkinsonlyf. Hjá 6
sjúklingum af 160, sem gengið hafa
undir slíka aðgerð, er vísindalega
sannað að ígræddu vefirnir hafa lifað
flutninginn af samkvæmt öruggri
staðfestingu sneiðmyndar.
✓
Aeftir umfjöllun um raflost,
sjúkraþjálfun, iðjuþjálfun og
talkennslu er kafli sem ber heitið:
Venjulegur dagur parkinsonsjúklings.
I þessum kafla er að finna fjölmargar
hagnýtar upplýsingar fyrir sjúklinga
og aðstandendur þeirra. Fjallað er um
samband sjúklings og maka, innrétt-
ingu íbúðar, næringu og drykkjar-
vörur, mataræði, næringarefni,
hægðatregðu, æfingar, klæðnað,
gönguæfingar, rúmið, meðhöndlun
svefnleysis, atvinnu, eftirlaun, örorku-
skírteini, félagsleg vandamál, vist á
sjúkrahúsi eða dvalarheimili og þátt-
töku í tilraunameðferð.
I formála að þessari gagnmerku
bók segir Sigurlaug Sveinbjömsdóttir
læknir að ef til vill sé mikilvægast við
þessa bók að hún drepi á fjölmörg
smáatriði í daglegu lífi sjúklinga, sem
oft séu ekki rædd við lækninn, en engu
að síður þurfi að skýra og bæta, sé
þess nokkur kostur. “Það er tilfinn-
anlega þörf á bók sem þessari,” segir
Sigurlaug, “ekki einvörðungu til að
fræða sjúklinga og ættingja þeirra,
heldur einnig til upplýsingar starfs-
fólki á stofnunum þar sem parkin-
sonsjúklingar vistast tímabundið eða
varanlega.”
Þjónustumiðstöð Parkinsonsam-
takanna er að Laugavegi 26 (gengið
inn frá Grettisgötu) og er hún opin
miðvikudaga frá klukkan 5 til 7 síð-
degis. Sími samtakanna er 552-4440.
Garðar Sverrisson
FORSTÖÐUMAÐUR PRJÓNA-
OG SAUMASTOFU
✓
Arla í janúar sl. kom hér til
starfa nýr forstöðumaður fyrir
þann hluta Vinnustaða Öryrkja-
bandalagsins sem nefnist Prjóna-
og saumastofan
Peysan og hef-
ur áður fengið
nokkra um-
fjöllun hér í
blaðinu.
Einn mildan
maídag ræddi
ritstjóri stutt-
Guðrún lega við for-
Asta stöðumann-
inn, Guðrúnu
Astu Kristjánsdóttur. Og að
gömlum góðum íslenskum sið spyr
ég hana fyrst og fremst um hvar og
hvenær hún sé fædd.
Ég er fædd árið 1956 í Reykja-
vík, til fermingaraldurs ólst ég upp
í Keflavík, en flyst svo í Kópa-
voginn og hefi átt þar heima æ
síðan. Ég er gift kona og á 4 börn á
aldrinum 6 til 22ja ára.
Og þá um störfin þar til nú?
Ég lærði til að verða smur-
brauðsdama eða smurbrauðsjómfrú
eins og það heitir víst nú og við það
vann ég í nokkur ár. 1977 hóf ég
svo störf við alls konar saumaskap
allt til ársins 1986 - meira og minna
við verkstjórn á þessum tíma.
Þá gerðist ég dagmamma og var
það í 10 ár. A þeim tíma fór ég svo
í Rafiðnaðarskólann og lauk þaðan
prófi í tölvu- og rekstrartækni. Og
svo kom ég hingað til starfa upp úr
áramótum.
Hvað starfa margir undir þinni
stjórn í dag? Það eru 4
ófatlaðir, þar af tveir hópstjórar:
Ingibjörg Arndís Garðarsdóttir fyrir
saumastofuna og Gyða Siggeirs-
dóttir fyrir prjónastofuna. Fatlaðir
eru nú alls 14 í hálfu starfi.
Og hver eru svo helstu verk-
efnin?
Það er nú óneitanlega af ýmsu
að taka. Rúmfatnaður, saumað fyrir
hótel og verslanir, fermingarkyrtl-
arnir, enda munum við vera eini
aðilinn sem þá saumar.
Nú svo eru það golfpeysurnar nú
á fullu í framleiðslu svo og annar
prjónafatnaður s.s. jakkapeysur
fyrir stofnanir ýmsar, má nefna t.d.
banka og sýsluskrifstofur. Svo eru
auðvitað alltaf í gangi hin hefð-
bundnu verkefni s.s. vinnufatnaður
fyrir mötuneyti, hreingerningar,
sjúkrahús, tannlækna o.fl.
Guðrún Ásta segir að auðvitað
sé reksturinn erfiður, en áfram
haldið svo sem best verður gert.
Hún segir í lokin að þessa starfsemi
mætti auglýsa betur m.a. hér á
sjálfri lóðinni. í haustblaðinu er
ætlunin að baksíða Fréttabréfsins
verði lögð undir góða auglýsingu.
Guðrúnu Ástu er alls góðs ámað
sem og öllum þeim sem með henni
starfa. Dýrmæti vinnustaðarins
fyrir svo marga fer ekki rnilli mála.
H.S.
FRÉTTABRÉF ÖRYRKJAB ANDALAGSINS
7