Fréttabréf Öryrkjabandalags Íslands - 01.06.1998, Side 41
Jóhanna S. Einarsdóttir
Kveðja frá
• • s
Oryrkj abandalagi Islands
Á vorbjörtum degi vaknandi lífs í allri gróandans grænku kvaddi þessi
vondjarfa vinkona okkar svo alltof skjótt og skyndilega.
Vel vissum við að Jóhanna gekk ekki heil til skógar, en á stjórnarfundi
Öryrkjabandalagsins nú fyrir skemmstu var hún mætt, hugumglöð og hress í
máli og við héldum og vonuðum að allt væri til betri vegar
að færast. En í þess stað hefur lífsklukkan glumið og komið
að hinstu kveðjustund. Við áttum hið ágætasta og
ánægjulegasta samstarf við Jóhönnu og minnisstæð er
heimsókn okkar í Heyrnarhjálp þar sem hún réði ríkjum af
rausn og reisn, athafnasöm og áræðin en einnig raunsæ og
rökföst. Henni var kappsmál kært að efla sem allra best
starf Heyrnarhjálpar og hefja merki heyrnarskertra hátt á
loft, virkja þá til vökullar baráttu fyrir rétti sínum og
hagsmunamálum.
Málþing það er haldið var í haust er leið í Ráðhúsinu á
vegum Heyrnarhjálpar hvíldi á hennar herðum umfram alla aðra og þar var
sannarlega vel að verki staðið. Þar flutti Jóhanna heita hvatningu með hollráðum
góðum.
Jóhanna var skoðanaföst og af einurð flutti hún mál sitt hvarvetna. Hún
lagði fram gott liðsinni í stefnumótunarnefnd Öryrkjabandalagsins,
hugmyndarík og heldur betur fylgin sér. Nú átti hún sæti í skipulagsnefnd
bandalagsins og við hugðum einmitt gott til endurkomu hennar eftir örðugan
sjúkdómsferil. Nú hefur gesturinn með ljáinn gengið hjá garði og autt sæti
þessarar dugmiklu, rösku konu svo ágætrar gerðar og það vissulega vandfyllt.
I einlægri þökk og tærum trega kveðjum við Jóhönnu S.Einarsdóttur. Þar
fór svo alltof fljótt ljúfur liðsmaður, leitandi leiða til betri lífsskilyrða fyrir
heyrnarskerta. Hennar verður sannarlega saknað á vettvangi okkar.
Eiginmanni hennar, dætrum og öðrum aðstandendum sendir
Öryrkjabandalag íslands innilegar samúðarkveðjur.
Blessuð sé björt minning.
Jóhanna S.
Einarsdóttir
Til upplýsingar
listunnendum
Við fáum oft hér á borð okkar ágætar upplýsingar af ýmsu tagi sem okkur
þykir ástæða til að koma frekar á framfæri. Listasafn Reykjavíkur,
forstöðumaður þess, Eiríkur Þorláksson sendi okkur samþykkt borgarráðs um
breytingar á opnunartíma og aðgangseyri að Listasafni Reykjavíkur á
Kjarvalsstöðum, í Safni Ásmundar Sveinssonar og í Hafnarhúsinu við
Tryggvagötu (sýning á verkum Errós). I sumar verða allir þessir staðir opnir
frá kl. 10 á morgnana til kl. 18 á daginn utan Safn Ásmundar Sveinssonar en
það er opið til kl. 16.
Almennur aðgangseyrir er 300 kr. Öryrkjar og ellilífeyrisþegar greiða 200
kr. Börn innan 12 ára fá ókeypis aðgang.
En nýbreytnin felst í því að á mánudögum er ókeypis fyrir alla gesti og
tilvalið fyrir fólk að notfæra sér það sem allra best.
Öll svona kynning hingað er ágæt og henni reynt að koma hér á framfæri.
Svo er bara að drífa sig á mánudögum sumarsins. H.S.
ÓlöfS.
Eysteinsdóttir
form. MG-félags
/
Islands:
Viðhorf
Regnhlífasamtök eins og ÖBI
eru mjög mikilvæg fyrir lítil
félög hjá fámennri þjóð þar sem
einangrun sjúklinga með sjald-
gæfa sjúkdóma er mikil. Það var
því mikils virði fyrir MG-félagið
þegar það fékk inngöngu í ÖBÍ.
Það er að verða sú gleðilega þró-
un hjá ÖBI að stofnaðir hafa verið
málefnahópar þar sem bandalagið
getur virkjað félögin og aukið á
slagkraft sinn til góðra verka fyrir
öryrkja. Öryrkjabandalagið er að
taka fyrstu skrefin til stofnunar
félagaþjónustu bandalagsins.
Þannig félagaþjónusta er mikils
virði fyrir lítið félag eins og MG-
félagið.
Félagið hefur nú fengið að-
gang að heimasíðu ÖBI og við
þökkum það og ætlum að notfæra
okkur. Hlín Gylfadóttir listakona
gerði fyrir okkur heimasíðu með
textanum sem er í bæklingnum og
bjó til logo eða mynd eins og það
heitir.
Eftir að ég fór að sitja stjórn-
arfundi hjá ÖBÍ hef ég kynnst
dálítið högum annarra öryrkja, ég
taldi mig ekki fáfróða, en þó var
það, að staða heyrnarlausra varð
mér ljósari en áður. Eg sá hve
mikil vinna það er fyrir heyrn-
arlausa að ná sambandi við fólk
og tjá sig og segja sína skoðun.
Nú til dags þegar allir eru að flýta
sérerstaðaþeirramjögerfið. Það
væri mikil bót fyrir þennan hóp
ef sjónvarpið textaði efni sitt.
Ólöf S. Eysteinsdóttir
Staka
Verma Ijúfir vindar
vaknar allt um ból.
Fagna fjallatindar
fyrstu morgunsól.
FRÉTTABRÉF ÖRYRKJAB ANDALAGSINS
41