Fréttabréf Öryrkjabandalags Íslands - 01.06.1998, Blaðsíða 46

RITTULKUN
fyrir heyrnarlausa og heyrnarskerta
Lagði til við ÖBÍ að það héldi slíka
námstefnu hér um þennan sáttmála og
var því vel tekið. Hún gerði einnig
að umtalsefni myndband um aðgengi
sem Myndbær er að láta gera með
fulltingi Sambands íslenskra sveitar-
félaga þar sem hlutur heyrnarlausra
væri fyrir borð borinn.
Guðríður Ólafsdóttir vakti athygli
á því að samningur Sambands
íslenskra sveitarfélaga við félags-
málaráðuneytið um aðgengismál
rynni út um næstu áramót.
Þessi samningur hefði hvergi nærri
reynst nógu vel. Best væri að
Öryrkjabandalag íslands hefði forræði
þessa máls með því fjármagni er fylgt
hefði fyrri samningi.
Formaður ræddi um aðalfundar-
tíma í haust. Vísað til framkvæmda-
stjórnar.
6. Asgerður kvödd af stjórn.
Formaður minnti fundarmenn á
það að þetta væri síðasti stjórnar-
fundur bandalagsins er Ásgerður
Ingimarsdóttir, framkvæmdastjóri
sæti. Hér hefði hún unnið með sér-
stökum ágætum í 28 ár samfellt. Hún
væri alveg einstök persóna í viðmóti,
glaðlynd og ljúflynd en fylgin sér hið
besta.
Hún hefði unnið bandalaginu
afburða vel. Sem lítinn þakklætisvott
bað hann Elísabetu Á. Möller að færa
henni mjög fallegan blómvönd frá
bandalaginu. Ásgerður þakkaði fyrir
sér sýndan sóma og sagði að vissulega
væru það blendnar tilfinningar að
hætta störfum. En það breytir engu
um það að þetta er og verður alltaf
minn málaflokkur, sagði Ásgerður.
Vissulega hafa skipst á skin og skúrir,
skinið þó miklu meira og bjartara í
minningunni. Heppin hefi ég verið
með frábært samstarfsfólk hvarvetna,
á skrifstofu og frá félögunum, sagði
Ásgerður m.a. Árnaði bandalaginu
allra heilla.
Henni var þakkað með dynjandi
lófaklappi. Sannarlega er erfitt til
þess að hugsa að hún Ásgerður verði
ekki hér áfram sívakandi yfir allra
velferð, vekjandi og hvetjandi í góðri
aðgát sinni. Við væntum þess þó að
fá hennar góðu krafta í ýmsu notið
áfram m.a. við lestur þessa Fréttabréfs
inn á snældur fyrir blinda og sjón-
skerta.
Fundi var slitið laust fyrir kl. 19.
H.S.
Samskiptamiðstöð heyrnarlausra
og heyrnarskertra hefur gefið út
góðan og gagnlegan bækling um
rittúlkun fyrir heyrnar-
lausa og heyrnarskerta.
Bæklingurinn skiptist
í sex áherzluatriði og svo
eru almennar upplýs-
ingar.
Fyrst er um rittúlkun
almennt fjallað þ.e. að
koma raddmáli yfir á
ritað mál, hlusta, taka
við upplýsingum og
muna það sem sagt er.
Mikið andlegt og
líkamlegtálag. Þeirfara
með allt sem túlkað er
sem trúnaðarmál.
Vinnureglur túlka eru næst og þar
m.a. að allt sem sagt er skuli túlka,
túlkur sé hlutlaus og má engu bæta
við frá eigin brjósti. Staðsetning túlks
er mikilvæg, rittúlkur þarf að vera við
hlið þess sem túlkað erfyrir. Góð ráð:
Tala beint til hins heyrnarlausa, tala
skýrt með eðlilegum samtalshraða og
raddstyrk o.s. frv. í skóla skal nem-
andi rétta upp hönd áður en hann talar.
Þegar þörf er á túlkun er þar næst.
Pantið túlk a.m.k. viku áður en túlkun
fer fram. Undirbúa túlk
sem allra bezt.
Túlkaþjónusta er svo
í lokin. Þar er sagt að í
hópi sérhæfðra starfs-
manna Samskipta-
miðstöðvar er að finna
rittúlka, táknmálstúlka,
túlka með snertitúlkun
fyrir daufblinda og
millitúlkun fyrir þá sem
ekki tala hefðbundið
táknmál.
I blálokin eru svo
almennar upplýsingar
um hina ýmsu aðila er að koma. Að-
eins hér minnt á síma Samskipta-
miðstöðvar við Háteigsveg: 562
7702.
Þessi bæklingur er fróðlegur vel og
til þess líklegur að fólk fái betri
upplýsingar um hið mikilvæga hlut-
verk Samskiptamiðstöðvar og þá
rittúlkanna sérstaklega.
H.S.
Nýr starfsmaður
Öryrkj abandalagsins
Frá og með 1. apríl sl. var Garðar Sverrisson varaformaður Öryrkja-
bandalagsins ráðinn í hálft starf hjá bandalaginu, alveg sérstaklega
til starfa að kjara- og kynningarmálum.
Garðar er fæddur 1959 í Reykjavík. Hann varð stúdent 1982. BA í
stjórnmála- og viðskiptafræði frá Háskóla Islands 1991. Masterspróf 1
bókmenntum frá University of Arizona 1995.
Blaðamaður í Reykjavík frá 19 ára aldri og á sínum tíma starfsmaður
þingflokks Bandalagsjafnaðarmanna. Hefur unnið við ritstörf frá árinu
1988.
Ritverk hans eru: BýrIslendingurhér - minningar Leifs Muller 1988;
Ævisaga Kristjáns Jóhannssonar óperusöngvara 1990; Veizlustjórinn,
skáldsaga 1997.
Garðar er félagi í MS félagi Islands og er þar nú í stjóm. Hann er
fulltrúi MS félagsins í stjórn Öryrkjabandalagsins og eins og áður segir
varaformaður þess frá 1997.
Garðar er velkominn boðinn og honum fylgja beztu óskir um árangur
góðan og farsæld í fjöld þeirra verka sem vinna þarf.
H.S.
Forsíða
bæklingsins.
46