Íslenskt mál og almenn málfræði - 2015, Side 55

(82)a. Sokkarnir liggja undir rúminu.
b. Glasið þitt stendur nærri borðbrúninni.
c. Langi kassinn stendur upp á endann.
Sama má segja um staðarsagnir (e. locational verbs) sem geta staðið í fram-
vinduhorfi í ensku en öllu jöfnu ekki í íslensku:
(83)a. John is living with his parents now.
b. Paul is staying with his friend now.
(84)a. %Jón er að búa hjá foreldrum sínum núna.
b. %Páll er að dvelja hjá vini sínum núna.
Aðeins ein setning með staðarsögn og ein með stellingarsögn komu fyrir
í Tilbrigðaverkefninu og dómar um þær eru sýndir í töflu 5 (Höskuldur
Þráinsson o.fl. 2013, Höskuldur Þráinsson og Theódóra Torfadóttir 2015:
134):
Dæmi Hlutfall jákvæðra svara
(85) a. Biggi fær ekki íbúðina fyrr en eftir þrjá mánuði.
Hann er að búa hjá mömmu sinni og pabba þangað til. 6,8%
b. Gunna er komin.
Hún er að standa þarna við hliðina á Jóni. 6,5%
Tafla 5: Jákvæðir dómar í Tilbrigðakönnuninni um vera að með staðarsögn og stell-
ingarsögn.
Ég hef áður haldið því fram (Kristín M. Jóhannsdóttir 2011) að stellingar -
sagnir séu atburðarsagnir í ensku en ástandssagnir í íslensku. Það myndi
skýra það að þær standa auðveldlega í framvinduhorfi í ensku, en sam-
kvæmt því sem áður er rakið ættu þær aðeins að geta staðið í framvindu -
horfi í íslensku ef þær fengju atburðareiginleika. Þetta mætti skoða nánar.
Hins vegar ættu staðarsagnir að vera ástandssagnir í báðum málunum svo
munurinn á hegðun þeirra kallar á annars konar skýringar.
Lítum næst á veðursagnir.
4.1.2 Veðursagnir
Í ensku geta veðursagnir staðið í framvinduhorfi, rétt eins og atburðar-
sagnir, og einföld nútíð er gjarna notuð í vanamerkingu eða almennri
merkingu:
„Nafnháttarsýki“ 55