Íslenskt mál og almenn málfræði - 2015, Side 89

3. Niðurstöður úr tveimur könnunum
3.1 Um gagnasöfnunina
Niðurstöðurnar sem hér eru kynntar eru úr tveimur skriflegum spurn-
ingalistum sem lagðir voru fyrir 52 elfdælska málhafa í tengslum við gagna -
söfnun NORMS (Nordic Center of Excellence in Micro comparative
Syntax) í Älvdalen 29. maí til 1. júní 2007 og síðan í ferð höfundar á sömu
slóðir 14.–15. júní 2008. Fyrri spurningalistinn (45 þátttakendur) innihélt
50 setningar með S2/S3-röð í ýmsum tegundum aukasetninga. Prófsetn -
ingunum var ætlað að draga fram mun á möguleikum sagnfærslu í ólíkum
tegundum aukasetninga með fullburða nafnliðarfrumlagi og setningar -
atviksorðum á borð við neitun og tíðaratviksorðin older/aldri ‘aldrei’ og
oltiett ‘alltaf’. Í síðari spurningalistanum (7 þátttakendur, fæddir 1998, 1994,
1963, 1948, 1938, 1938, 1930) voru 35 lágmarkspör og setninga þrenn ur með
dæmum um (i) kjarnafærslu í aukasetningum, (ii) stílfærslu og (iii) lepp-
setningar auk viðbótardæma um S2/S3.
Leiðbeiningarnar voru gefnar á sænsku og fyrir hverja setningu voru
þrír svarmöguleikar:
Ja = Naturlig sats som jag mycket väl kunde använda.
(Góð setning. Svona get ég vel sagt.)
? = Tvivelaktig sats som jag som jag knappast skulle använda.
(Vafasöm setning. Ég gæti varla sagt svona.)
Nej = Onaturlig eller felaktig sats som jag inte skulle kunna använda.
(Ómöguleg setning. Svona gæti ég ekki sagt.)
Í fyrri könnuninni voru yfirleitt prófaðir tveir til fjórir í einu en í seinni
könnuninni voru ýmist einstaklingar eða tveir saman. Aðferðinni má lýsa
sem blöndu af skriflegri könnun og viðtali (sjá umræðu hjá Cornips og
Poletto 2005). Í fyrri könnuninni leystu 27 af 45 þátttakendum sagnbeyg-
ingarverkefnið sem sýnt er í (8). Sagnmyndirnar sem búast mátti við sam -
kvæmt Åkerberg (2012) eru sýndar í svigum.
(8) baita ‘bíta’
ig bait ‘ég bít’ wįð ‘við’ ______ (baitum)
du bait ‘þú bítur’ ið ‘þið’ ______ (baitið)
an ‘hann’ ______ (bait) dier ‘þeir/þær/þau’ ______ (baita)
Í ljós kom að þessi sögn var kannski ekki sú heppilegasta til þess að nota
í eyðufyllingarverkefni af þessu tagi vegna þess að sögnin baitas er einnig
til í merkingunni ‘bítast, berjast’. Fyrir vikið varð verkefnið líklegra snún -
Um sagnbeygingu og sagnfærslu í elfdælsku 89