Íslenskt mál og almenn málfræði - 2015, Side 105

já ? nei
(54) Ittað-jär ir påitjin so ig råkeð i Stokkol sienest gaundjin
(Þetta er strákurinn sem ég hitti í Stokkhólmi síðast.) 7 0 0
(55) Ittað-jär ir påitjin so i Stokkol råkeð ig sienest gaundjin
(Þetta er strákurinn sem í Stokkhólmi hitti ég síðast.) 0 0 7
Tafla 19: Kjarnafærsla í tilvísunarsetningum.
Það kemur ekki á óvart að þessi dæmi fá afar dræmar undirtektir. Svipuðu
máli gegnir í skyldum málum eins og íslensku, færeysku og dönsku (sjá
Ásgrím Angantýsson 2011).
Niðurstöður um kjarnafærslu í elfdælsku ríma nokkuð vel við það sem
kom í ljós um S2-röð í aukasetningum með frumlagi í fyrsta sæti: Í fylli-
liðum staðhæfingarumsagnanna miena ‘halda fram’ og wårå iwari ‘upp-
götva’ fær rótarfyrirbærið (kjarnafærsla í þessu tilviki) jákvæðar viðtökur
en nánast enginn samþykkir það fyllilega í öðrum tegundum aukasetn-
inga. Hins vegar eru mun fleiri sem samþykkja S2 en kjarnafærslu í
spurnaraukasetningum og nokkrir samþykkja S2 í atvikssetningum og til-
vísunarsetningum þar sem kjarnafærsla má heita útilokuð. Það bendir til
þess að S2-röð sé ekki að öllu leyti rótarfyrirbæri í elfdælsku eins og hún
er í skandinavísku meginlandsmálunum.
4. Aftur að rannsóknartilgátum
Í kafla 2.2 voru eftirfarandi tilgátur settar fram um bein tengsl sagnbeyg-
ingar og orðaraðar:
(6)a. Málhafar sem aðgreina tíðar- og samræmisendingar eru líklegri en
aðrir til þess að leyfa sagnfærslu í aukasetningum.
b. Málhafar sem aðgreina tíðar- og samræmisendingar eru líklegri en
aðrir til þess að leyfa leppsetningar með áhrifssögn.
Eins og fram kom í kafla 3.2 fær tilgáta (6a) ekki stuðning af gögnum
mínum. Í töflu 20 má sjá dóma elfdælsku þátttakendanna í seinni könn-
uninni á leppsetningum með áhrifssögn. Slíkar setningar hafa verið taldar
einkenni á málum sem hafa á að skipa „aukaplássum“ fyrir frumlög (sbr.
Chomsky 1995:341–394) og sumar útfærslur á kenningunni um samsett-
an beygingarlið spá því að þær ættu að vera til í málum sem hafa aðgrein-
anleg tíðar- og samræmisviðskeyti (sbr. Bobaljik og Höskuld Þráinsson
1998).
Um sagnbeygingu og sagnfærslu í elfdælsku 105