Íslenskt mál og almenn málfræði - 2015, Qupperneq 154

engin stór áramótabomba. En það má kannski segja, svo að ég haldi áfram með
þessa áramótalíkingu, að bókin sé frekar eins og pakki af stjörnuljósum.
Ég er ekki alhæfingaglöð manneskja. Og ég tel óhætt að segja að það sé ekkert
hægt að alhæfa um allar breytingarnar sem ég hef haft til skoðunar. Það er til
dæmis ekki hægt að segja að breytingarnar séu alltaf hægar, þær séu alltaf í
samræmi við grunnmynstur eða að tíðni skipti öllu máli um beygingarþróun. En
vissulega er það oftar en ekki svo að breytingar eru hægar og í samræmi við
grunnmynstur — og tíðni skiptir máli þótt hún skýri kannski ekki alveg allt.
Boðskapurinn til annarra í faginu er eiginlega þessi: Sumt er líklegra en annað —
en ekki taka neinu sem gefnu.
7. Þakkir
Ritgerðin er ekki skrifuð undir handleiðslu kennara því að hún er lögð fram án
undangengins skipulagðs náms. Ég get því ekki þakkað neinum leiðbeinanda eða
doktorsnefnd. Það er þó ekki svo að ég hafi unnið í einhverju tómarúmi.
Ritstjórar Íslensks máls eiga miklar þakkir skildar fyrir ótal ábendingar um það
sem betur mætti fara. Það á einnig við um hina ónefndu ritrýnendur tímaritsins.
Fjölmargir vinir og vandamenn, bæði málfræðingar og aðrir, rökræddu við
mig, hjálpuðu mér á ýmsa lund og hvöttu með ráðum og dáð. Og margir þeirra
lásu ritsmíðina yfir á ýmsum stigum. Öll þessi hjálp og hvatning verður seint
fullþökkuð.
Og svo er það fornafnið hvorugur. Það er auðvitað ekki hægt að þakka orði.
En ég er afar þakklát fyrir að hafa fengið að kynnast þróun þessa skringilega orðs
— orðs sem má kannski segja að hafi á sinn hátt — og alveg óvart — komið í stað
leiðbeinanda.
heimildir
Sjá heildarheimildalista á bls. 191.
*  *  *
Katrín Axelsdóttir
Íslensku- og menningardeild
Hugvísindasviði
Háskóla Íslands
IS 101 Reykjavík, ÍSLAND
katax@hi.is
Katrín Axelsdóttir154