Íþróttablaðið - 01.12.1967, Blaðsíða 10

í lyftingum, og væru þessar reglur nú tilbún-
ar til prentunar, en þær væru þýddar úr
sænsku.
Forseti fSf þakkaði Stefáni hans starf að
málinu, en enginn kvaddi sér hljóðs um þetta
mál.
Iþróttamót ISl 1970.
Forseti skýrði frá því, að framkvæmdastjórn-
in hefði skipað nefnd til að vinna að fram-
kvæmd tillögu um þetta mál, sem samþykkt
var á íþróttaþingi 1966, og væri formaður
þeirrar nefndar Sveinn Björnsson, ritari ÍSÍ.
Taldi forseti, að því aðeins gæti tekizt að
halda svona mót, að öll sérsamböndin og öll
héraðssamböndin legðust á eitt, og slíkt mót
gerði brýnni þörfina á stofnun fimleikasam-
bands, sem fengi þarna veglegt verkefni, t.d.
að hafa 500 manna hópsýningu.
Skýrði Gísli frá þeirri skoðun sinni, að mót
þetta ætti að fara fram í Reykjavík, og færði
hann rök að þeirri skoðun. M.a. benti hann á þau
mannvirki, sem í Laugardal eru nú, og auk
þess kvað hann nokkru mundi verða við þau
bætt fyrir 1970.
Taldi forseti, að að því yrði mikill vinning-
ur, ef fólk fengi að sjá þann mikla fjölda, sem
íþróttir stundar, og þann fjölda margvíslegra
íþróttagreina, sem stundaðar er, á einu og
sama móti.
Enn fremur tóku til máls um þennan dag-
skrárlið Jens Guðbjörnsson, Ármann Dalmanns-
son og Jón Fr. Hjartar, og tóku þeir allir í
sama streng, að mót þetta væri æskilegt og
tilhlökkunar efni, og skýrðu frá slíkum mót-
um erlendis, sem þeir hefðu sótt.
Lög Badmintonsambands Islands.
Lögum Badmintonsambands íslands hafði
verið vísað til sambandsráðs til staðfestingar,
en þau voru samþykkt á stofnþingi BSÍ 5.
nóvember sl., eftir að dagskrá sambandsráðs-
fundar hafði verið ákveðin. Samþykkti fund-
urinn að taka málið fyrir.
Björgvin Schram spurði, hvort ekki væri til
íslenzkt orð um badminton.
Kristján Benjamínsson sagði frá því, að á
stofnþinginu hefði verið rætt um íslenzka orðið
hnit, sem fram hefði komið tillaga um, en þar
hefði orðið badminton sigrað.
Þórður Sigurðsson mælti á móti orðinu
badminton og skýrði frá því, að orðið hnit
væri í nýjustu íslenzkri orðabók í merkingunni
badminton.
Björgvin Schram ræddi nokkuð um þýðingu
knattspyrnulaganna, sem hann taldi til fyrir-
myndar og hafa gefizt vel. Var hann þeirrar
skoðunar, að taka bæri upp þetta góða íslenzka
orð hnit um badmintoníþróttina.
Urðu nokkrar umræður frekari um nafn hins
nýja sambands, og tóku þátt í þeim þeir Her-
mann Guðmundsson, Jón Fr. Hjartar, Garðar
Sigurðsson, Ármann Dalmannsson, Kjartan
Bergmann Guðjónsson, Þorvarður Árnason og
Kristján Benjamínsson.
Kom m. a. fram sú skoðun, að hægt væri að
staðfesta lög BSÍ, en vísa því jafnframt til
stjórnar sambandsins, hvort hún sæi sér ekki
fært að taka nafngiftina til endurskoðunar. For-
seti bar síðan upp lagafrumvarpið, með þeirri
ósk, sem fram væri komin, að stjórnin tæki
nafnið til athugunar og endurskoðunar, og var
það samþykkt samhljóða.
Fleiri mál voru ekki tekin fyrir, en fundar-
gerð lesin og samþykkt, og fundi síðan slitið.
Á þessum fundi sambandsráðs mættu:
tJr framkvæmdastjórn lSl:
Gísli Halldórsson, forseti ISl, Gunnlaugur J. Briem,
Sveinn Björnsson og Þorvarður Árnason.
Fulltrúar kjördœmanna:
Jens Guðbjörnsson, Reykjavík, Jón Fr. Hjartar,
Borgarnesi, Sigurður Jóhannsson, Isafirði, Ingvar
Jónsson, Skagaströnd, Ármann Dalmannsson, Akureyri,
Þórarinn Sveinsson, Eiðum, og Þórir Þorgeirsson,
Laugarvatni.
Fulltrúar sérsambandanna:
örn Eiðsson, varaformaður Frjálsíþróttasambands
Islands, Björgvin Schram, fomaður Knattspyrnusam-
bands íslands, Axel Einarsson, formaður Handknatt-
leikssambands Islands, Bogi Þorsteinsson, formaður
Körfuknattleikssambands Islands, Stefán Kristjánsson,
formaður Skíðasambands Islands, Garðar Sigurðsson,
formaður Sundsambands Islands, Guðlaugur Guðjóns-
son, varaformaður Golfsambands Islands, Kjartan B.
Guðjónsson, formaður Glímusambands Islands, og
Kristján Benjamínsson, formaður Badmintonsambands
Islands.
Auk þess:
Þórður Sigurðsson, ritstjóri Iþróttablaðsins, og Her-
mann Guðmundsson, framkvæmdastjóri ISÍ.
326