Íþróttablaðið - 01.12.1967, Page 15

Forseti ISl svaraði Kristjáni, taldi fjárfest-
inguna 1 millj. kr. á ári ekki of mikla, og kvaðst
sannfærður um, að íþróttamiðstöðin væri það
mikilvægt mál, að ekki mætti slaka þar á.
Hann kvað íþróttahreyfinguna hafa í 20 ár
verið að reyna að fá fjárveitingavaldið til að
auka framlög til bygginga ÍKÍ, en ekkert hefði
gengið, fyrr en nú, þegar samvinna væri haf-
in um byggingu heimavistarhúss iKl.
Hermann Guðmundsson ræddi enn mn ræðu
Kristjáns. Kvað Hermann vandamál, hve
íþróttamannvirki skortir um allt land, hve sam-
böndin eru fjárvana og margt annað, en meg-
invandamál væri skortur leiðbeinenda, sem hægt
yrði að bæta úr, þegar íþróttamiðstöðin væri
komin upp.
Þá var útbýtt skrá um nefndir, en fundi síðan
frestað til morguns.
Þingnefndirnar komu síðan saman til hring-
borðsfunda klukkan 9 að morgni sunnudagsins
12. nóvember.
Sátu nefndirnar á fundum til hádegis, en að
loknum hádegisverði í Hótel Loftleiðum hófst
formannafundurinn að nýju í Leifsbúð, og voru
þá tekin til umræðu álit nefnda, þannig að full-
trúar hverrar nefndar fyrir sig gerðu grein
fyrir hver sínum hluta nefndarálitsins, og voru
málin tekin fyrir í sömu röð og daginn áður.
Nokkuð voru nefndarálitin misjöfn að vöxt-
um, en þeim styttri fylgdu þá þeim mun lengri
munnlegar greinargerðir.
Nefndarálitin munu verða birt í heild í næsta
tölublaði Iþróttablaðsins, og verður efni þeirra
því ekki rakið að sinni.
Að umræðum um nefndarálitin loknum var
fundi frestað, en fundarmanna beið farkostur
góður, sem flutti þá til Bessastaða, þar sem
verndari íþróttahreyfingarinnar, forseti Islands,
herra Ásgeir Ásgeirsson, beið komu þeirra. Tók
forseti á móti fundarmönnum af þeirri hjarta-
hlýju og gestrisni, sem honum er lagin, og átti
íþróttaforystan ánægjulega stund að Bessastöð-
um hjá þessum aldna íþróttamanni.
Ávarpaði forseti gesti sína og kvaðst ávallt
hafa kunnað vel við sig í hópi íþróttamanna,
en sérstaklega minntist hann þeirra sundfélaga
sinna, Benedikts G. Waage og Erlings Pálsson-
ar, sem nýlátnir væru.
Gísli Halldórsson, forseti ÍSÍ, færði forseta
þakkir fundarmanna fyrir veittan beina og hlý
orð hans og ekki síður þakkir íþróttahreyfing-
arinnar fyrir stuðning við hana bæði fyrr og
síðar og ást hans á íþróttum.
Enn var gengið til fundar klukkan 18,45, og
voru þá ýms mál á dagskrá.
Jón Fr. Hjartar bar m.a. fram ábendingu um,
að ástæða væri til að fella niður haustfundi
sambandsráðs.
Kristján Ingólfsson gerði fyrirspurn um, hvað
liði tillögu, sem samþykkt var á Isafirði, um að
reyna að fá felldan niður toll af íþróttaáhöld-
um.
Einnig ræddi hann um það vandamál, sem
væri í sambandi við skemmtanahald og þörf á
heimild til að loka þjóðvegum, þegar áfengis-
lausar skemmtanir væru haldnar. Þá ræddi hann
einnig um kostnað við löggæzlu, sem hann kvað
geysi mikinn.
Gísli Halldórsson lofaði því, að síðarnefnda
vandamálið yrði tekið til athugunar af fram-
kvæmdastjórninni, en hvað tollalækkun snerti,
kvað hann róðurinn erfiðan, þar til tollskráin
yrði endurskoðuð í heild.
Óskar Ágústsson kvaðst vilja þakka stjórn
ÍSI fyrir þennan fund og aðra slíka, því
að þeir væru fundarmönnum mjög mikils-
verðir, ekki aðeins vegna fundarefnis, þótt
merkilegt væri, heldur einnig vegna þess, hve
nauðsynlegt væri að koma saman og kynnast
fyrir þá menn, sem starfa að sömu áhugamál-
um.
Enn tóku nokkrir menn til máls, en að lokum
flutti Gísli Halldórsson, forseti ÍSl, nokkur
kveðjuorð til fundarmanna, rakti þau mál, sem
fundurinn fjallaði um og þau mörgu sjónarmið
og athuganir, sem á þessum málum komu fram
á fundinum, en þau kvað hann verða mundu
forskrift framkvæmdastjórninni til handa um,
hvernig hún mundi á hinum ýmsu málum taka.
Þá þakkaði forseti fundarmönnum komuna
og óskaði þeim góðrar heimkomu.
Kristján Benjamínsson kvaddi sér hljóðs og
flutti framkvæmdastjórninni þakkir fundar-
manna fyrir vel unnin störf fyrr og síðar og
kvað það fundarmönnum stuðning í starfi að
vita, að þeir ættu framkvæmdastjórnina að bak-
hjarli.
331