Íþróttablaðið - 01.12.1967, Blaðsíða 4

FH-liðið, sem varð Hafnarfjarðar-
meistari í knattspyrnu sl. sumar
og sigurvegari í III. deild Knatt-
spyrnumóts íslands.
þar að auki markheppinn. Hann spyrnir jafnt með
báðum fótum og skorar með þeim báðum, og hann
var markahæsti leikmaður Fram, skoraði 5 mörk í
mótinu. Þá hafði liðið á að skipa fyrst framan af
ágætum miðherja, Hreini Blliðasyni. Hann er ekki að
sama skapi leikinn, en var aftur á móti nokkuð mark-
heppinn, meðan hans naut við. Þá má nefna Elmar
Geirsson, einhvern fljótasta útherja hér á landi. Hann
var geysilega sprettharður og stórhættulegur, þegar
hann komst á skriðið. Af öðrum leikmönnum má nefna
Jóhannes Atlason, hægri bakvörð. Hann var sá eigin-
legi burðarás í vörninni, en eins og áður segir, byggði
liðið mikið á varnarleik. Fram lék, eins og Vals-liðið,
að einhverju leyti eftir kerfinu 4-2-4, aðaldriffjöður
liðsins á miðjunni var Baldur Scheving. Hann mátti
eiginlega telja þindarlausan, hann gat bæði verið í
fremstu röð framlínumanna og þar að auki aftastur
í vörninni.
Iþróttabandalag Akureyrar var í þriðja sæti. Lið
þess byrjaði illa framan af, tapaði þremur fyrstu leikj-
unum, en vann síðan alla leiki sina, sem eftir voru,
að undanteknum síðasta leiknum, gegn KR, sem varð
jafntefli. Það hefur sennilega kostað liðið sigurinn í
mótinu, því ella hefði það verið jafnt Fram og Val
að stigum, og eins og Akureyringar léku síðari hluta
sumars, má hæpið telja, að nokkurt lið íslenzkt hefði
staðizt þeim snúning. iBA-liðið virðist oft ekki kom-
ast í æfingu fyrr en um mitt sumar, en þegar það
skeði í sumar, þá var það svo um munaði, því liðið
bar eiginlega höfuð og herðar yfir íslenzk knattspyrnu-
lið, bæði hvað leik og markheppni snertir, seinni hluta
sumars.
Af liðsmönnum IBA má helzt nefna Skúla Ágústs-
son. Hann er gamalreyndur landsliðsmaður, hefur að
vísu ekki verið framúrskarandi undanfarin ár, en var
geysilega efnilegur hér áður fyrr og í landsliðinu oft-
ar en einu sinni. Nú kom í Ijós, að Skúli var í betri
æfingu en oft undanfarið, og hann skoraði 10 mörk
fyrir Akureyri í mótinu. Af öðrum leikmönnum má
nefna Kára Árnason. Hann er geysi fljótur, leikur að
vísu ekki miðherja, heldur vinstri innherja, en hann
liggur sem annar miðherji í liðinu. Hann er hættuleg-
ur upp við mark, sprettharður, og það er erfitt fyrir
varnarleikmenn að ná honum, ef þeir missa af honum
á annað borð, enda varð Kári þriðji markhæsti maður
mótsins, skoraði 7 mörk. Þá má nefna framvarða-
línuna. Þar var Guðni Jónsson miðjumaður og sótti
bæði fram og aftur, en Jón Stefánsson var miðfram-
vörður, gamalreyndur landsliðsmaður og harður í horn
að taka, og hann myndaði þann nauðsynlega burðar-
ás í vörnina, sem nú í ár var sterk, en hefur venju-
lega verið hin veika hlið Akureyrarliðsins. Af öðrum
leikmönnum má nefna Valstein, vinstri útherja. Hann
er gott efni og á efalaust eftir að láta að sér kveða
síðar.
Fjórða í röðinni varð Keflavíkur-liðið. Þvx var fyrst
framan af spáð góðu gengi, það fór ágætlega af stað,
en svo fór fyrir liðinu, að botninn datt úr leik þess,
þegar líða tók á sumarið, enda lágu til þess rekjan-
legar orsakir. Af leikmönnum IBK má sérstaklega telja
Magnús Torfason, hægri framvörð. Hann varð fyrir
því óhappi í sumar að meiðast illa á fæti í landsleik
í júlíbyrjun, og var lengi frá keppni, og það kom eðli-
lega niður á leik liðsins, meðan hann var í burtu um
mánaðar tíma. Er ekki ósennilegt, að það hafi kostað
liðið mörg stig í seinni hluta mótsins, því að Magnús
er góður uppbyggjari. Eftir missi hans byggði liðið
eingöngu á þéttri vörn. Þar voru stórir og þungir
menn, Sigurður Albertsson og Högni Gunnlaugsson,
sem báðir leika miðframverði. Þá átti IBK ágætan
vinstri bakvörð, Guðna Kjartansson, sem er ungur og
upprennandi, enda komst hann í landslið á sl. sumri.
Meginstyrkur liðsins var þannig vörnin, en síðan var
leikaðferð þeirra langspil fram miðjuna, eftir að vörn-
in var búin að bægja frá hættu sin megin, en á það
treyst, að hinir fljótu framlinumenn, Jón Jóhannsson
og Einar Magnússon, hlypu af sér vörn andstæðing-
anna og skoruðu. Þetta reyndist að vonum ekki heppi-
leg leikaðferð, enda kemur það í ljós, að Keflvíkingar
skoruðu aðeins 9 mörk, fæst mörk allra liðanna í I.
deild.
Þá er röðin komin að KR. Liðið byrjaði mjög vel
framan af, var með efstu liðum eftir fjóra leiki, en
síðan hreinlega hrundi liðið til grunna. Fékk ekki eitt
einasta stig, fyrr en í síðasta leik mótsins gegn IBA
á Akureyri, að þeir kræktu sér í eitt stig til þess að
320