Íþróttablaðið - 01.12.1967, Page 23

hæfilegum fyrirvara skal BSl tilkynna fram-
kvæmdastjórn ISÍ áætlanir sínar og ákvarðanir um
samskipti við útlönd.
4. gr.
Málefnum BSl stjórna:
a) Badmintonþingið.
b) Stjórn BSl.
5. gr.
Badmintonþingið fer með æðsta vald I málefnum
BSl. Þingið sitja fulltrúar frá þeim aðilum, sem mynda
BSl. Fulltrúafjöldi hvers aðila fer eftir tölu virkra
iðkenda badmintons 16 ára og eldri, þannig að fyrir
allt að 25 menn koma 2 fulltrúar og síðan 1 fyrir
hverja 25 eða brot úr 25 upp í allt að 100 iðkendum,
og þá 1 fulltrúi að auki fyrir hverja 50 iðkendur þar
íram yfir.
Þingið skal árlega háð í október. Skai boða það
bréflega með minnst 2ja mánaða fyrirvara. Málefni,
sem sambandsaðilar óska, að tekin verði fyrir á þing-
inu, skulu tilkynnt stjórn BSl minnst 21 degi fyrir
þingið.
Þá skal stjórn BSl tilkynna sambandsaðilum dag-
skrá þingsins ásamt tillögum og lagabreytingum, sem
borizt hafa, í síðasta lagi 10 dögum fyrir þing. Badmint-
onþingið er lögmætt, ef löglega hefur verið til þess
boðað.
6. gr.
Á badmintonþinginu hafa fulltrúar einir atkvæðis-
rétt, en auk þeirra eiga rétt á þingsetu og hafa þar
málfrelsi og tillögurétt:
a) Stjórn BSl, varastjórn og endurskoðendur.
b) Sambandsráð ISl.
c) Fastráðnir starfsmenn BSl og iSl.
d) Fulltrúar badmintondómarafélaga.
e) Allir nefndarmenn BSl.
f) Badmintondómstóll.
g) Formaður Ólympíunefndar Islands.
h) Iþróttafulltrúi og Iþróttanefnd ríkisins.
Auk þess getur stjórn BSl boðið öðrum aðilum þing-
setu, ef hún telur ástæðu til.
Aðeins sá, sem er í félagi, sem iðkar badminton inn-
an sérráðs eða héraðssambands, er kjörgengur fulltrúi
þess á badmintonþingið, og eigi hann heima innan hér-
aðs. Hver fulltrúi hefur aðeins 1 atkvæði.
Þegar langt og dýrt er að sækja þingið eða annar
fulltrúi veikist eða forfallast á síðustu stundu frá að
sækja þingið, þá má heimila. að fulltrúi fari með
fleiri en 1 atkvæði, en aðeins með atkvæði þess aðila
— sérráðs eða héraðssambands —, sem hann er full-
trúi fyrir. Þó gildir þessi undanþága ekki um fulltrúa
þeirra aðila, sem heima eiga þar, sem þingið er háð.
Umboð, sem jafnframt er beiðni til þingsins um, að
fulltrúi megi fara með fleiri en eitt atkvæði, verður
að vera skriflegt og vera frá stjórn hlutaðeigandi
sambandsaðila.
7. gr.
Aukaþing má halda, ef nauðsyn krefur eða helm-
ingur sambandsaðila óskar þess. Alla boðunar- og til-
kynningarfresti til aukaþings má hafa helmingi styttri
en til reglulegs þings. Fulltrúar á aukaþingi eru þeir
sömu og voru á næsta reglulega þingi á undan, og
gilda sömu kjörbréf. Þó má kjósa að nýju í stað full-
trúa, sem er látinn, veikur eða fluttur úr héraðinu
eða forfallaður á annan hátt. Á aukaþingi má ekki
gera laga- og leikreglnabreytingar og ekki kjósa
stjórn, nema bráðabirgðastjórn, ef meirihluti kjörinnar
aðalstjórnar hefur sagt af sér eða hætt störfum af
öðrum orsökum. Að öðru leyti gilda um það sömu regl-
ur og um reglulegt badmintonþing.
8. gr.
Störf badmintonþings eru:
1. Þingsetning.
2. Kosnir fastir starfsmenn þingsins.
3. Kosnar fastar nefndir:
a) Kjörbréfanefnd.
b) Fjárhagsnefnd.
c) Laga- og leikreglnanefnd.
d) Allsherjarnefnd.
e) Kjörnefnd.
Nefndir þessar eru skipaðar 3 mönnum hver.
4. Fráfarandi stjórn gefur skýrslu sína.
5. Gjaldkeri leggur fram endurskoðaða reikninga
sambandsins til samþykktar.
6. Stjórnin leggur fram fjárhagsáætlun fyrir næsta
ár.
7. Lagðar fram laga- og leikreglnabreytingar þær,
sem fram hafa komið.
8. Teknar til umræðu aðrar tillögur og önnur mál,
sem borizt hafa til stjórnarinnar.
— Þinghlé —
9. Nefndarálit og tillögur og atkvæðagreiðsla um þær.
10. Ákveðið gjald ævifélaga.
11. Önnur mál.
12. Kosnir 3 menn í Badmintondómstól og 3 til vara.
13. Kosning stjórnar, varastjórnar, endurskoðenda og
fulltrúa á íþróttaþing.
14. Þingfundargerðir lesnar og staðfestar.
15. Þingslit.
Fái fleiri en þeir, sem kjósa á, jafnmörg atkvæði,
skal kjósa um þá á ný bundinni kosningu. Verði þeir
enn jafnir, ræður hlutkesti. Einfaldur meirihluti ræð-
ur úrslitum, nema um lagabreytingar sé að ræða, þá
þarf % hluta atkvæða viðstaddra fulltrúa. Þingið
getur með % atkvæða viðstaddra fulltrúa leyft að
taka fyrir mál, sem komið er fram, eftir að dagskrá
þingsins var send sambandsaðilum (skv. 5. gr., 3. máls-
grein). Ársskýrslu BSl, sem stjórnin skal leggja fjöl-
ritaða fyrir þingið, svo og ágrip af fundargerðum
þingsins, skal senda framkvæmdastjórn ISl og sam-
bandsaðilum BSl innan tveggja mánaða frá þingslitum.
9. gr.
Stjórn BSl skipa 5 menn; formaður, varaformaður,
bréfritari, gjaldkeri og fundaritari. Skal kjósa bund-
339