Íþróttablaðið - 01.12.1967, Blaðsíða 11

3. formannafundur 1.8.1.
Haldinn í Reykjavík 11.—12. nóv. 1967
3. formannafundur ÍSÍ var haldinn í Leifs-
búð í Hótel Loftleiðmn í Reykjavík dagana
11.—12. nóvember 1967.
Fundurinn hófst kl. 14,00 þ. 11. nóv. að
loknu hádegisverðarboði borgarstjórans í
Reykjavík.
Forseti ISl, Gísli Halldórsson, setti fundinn
og bauð fundarmenn velkomna. Ræddi hann
lauslega um íþróttastarfið, og kvaðst hann
vænta góðs af störfum þessa fundar, svo sem
áður hefur reynzt af þessum fundum.
Síðan kynnti Gísli fundarmenn og fyrir-
komulag fundarins, eins og það var fyrirhugað.
Síðan var gengið til dagskrár.
1. Iþróttamiðstöðvar.
Gísli Halldórsson rakti nokkuð sögu máls
þessa, og kvað hann upphaf þess hafa verið á
formannafundi fyrir 4 árum, er samstaða hefði
verið um þá skoðun, að íþróttamiðstöð þyrfti
að rísa a. m. k. í hverju kjördæmi landsins.
Þá ræddi hann nokkuð námskeiðshald og
þann stuðning, sem ISl hefur veitt til þess.
Taldi hann íþróttamiðstöðvar héraða mjög
nauðsynlegar og hvatti héraðsstjórnir til að
vera vel á verði um að láta ekki góða staði falla
undir aðra starfsemi, t. d. hótelrekstur.
Síðan drap forseti nokkuð á sögu undirbún-
ings íþróttamiðstöðvarinnar á Laugarvatni, og
skýrði hann frá þeim árangri, sem náðst hef-
ur með samningi framkvæmdastjórnar ISl við
Menntamálaráðuneytið.
Flutti hann þakkir til ráðherra þeirra, sem
um málið hafa fjallað af skilningi, svo og til
íþróttafulltrúa ríkisins og skólastjóra Í.K.I.
Enn ræddi Gísli stuðning ISl við vetrar-
íþróttamiðstöðvar á Akureyri og Isafirði, en
skíðalyftu kvað hann verða tekna í notkun á
Akureyri innan fárra daga.
Gunnlaugur J. Briem ræddi mn íþróttamið-
stöðina á Laugarvatni, rakti samning þann,
sem framkvæmdastjóri ÍSl hefur gert við
Menntamálaráðuneytið v/ÍKÍ, en sá samning-
ur er birtur í skýrslu framkvæmdastjórnar
annars staðar í þessu blaði.
Þá rakti Gunnlaugur nokkuð byggingarsögu
heimavistarhússins við iKl og hversu þeirri
byggingu hefur miðað, síðan ISl gerðist aðili
að málinu. Lýsti hann húsakynnum og þeirri
aðstöðu, sem þarna rntrn fást, þegar heima-
vistarhúsið kemur í gagnið.
Enn ræddi Gunnlaugur um væntanleg störf
þeirrar nefndar, sem skipuð hefur verið til að
sjá um rekstur íþróttamiðstöðvarinnar, en
Gunnlaugur er formaður þeirrar nefndar.
Árni Guðmundsson, skólastjóri, þakkaði fyr-
ir boðið til fundarins, en ræddi síðan um
íþróttamiðstöðvar almennt, bæði erlendis og
hérlendis (í formi sumarbúða), og bráðnauðsyn
íþróttamiðstöðvar sem þeirrar, sem rísa á á
Laugarvatni og á að verða eitt af meðölum til
virkjunar orku æskunnar, dýrmætustu auðlegð-
ar þjóðarinnar, til að beina henni að hollum
og viturlegum verkefmnn.
Rakti Árni nokkuð kosti Laugarvatns sem
staðar fyrir íþróttamiðstöð, en síðan áhuga
stjórnar iKl á möguleikum til halds námskeiða
fyrir leiðbeinendur að Laugarvatni. Hann lýsti
ánægju sinni yfir þeirri framvindu mála, sem
orðin er, kvað hann það skoðun sína, að mjög
merkilegum áfanga væri þegar náð á leið að
sameiginlegu markmiði iKl og ISÍ.
Þá ræddi hann um þá ótal möguleika, sem
skapast við tilkomu íþróttamiðstöðvarinnar að
Laugarvatni, og enn nokkuð um ýmsa þá hluti,
sem gera þyrfti að Laugarvatni, til þess að 20
ha landsvæði iKl mætti teljast fullunnið.
Að lokum kvað hann orð forseta ÍSl þess
327