Íþróttablaðið - 01.12.1967, Blaðsíða 43

2 varamenn. Var æft sem fyrr daglega í íþróttasal
Miðbæjarskóla, og urðu æfingar með úrvalinu 18 og
mæting 95% (6 mættu alltaf, hina 6 vantaði vegna
lasleika, þátttöku í knattspyrnukeppni eða vinnu í 11
skipti). Þorsteinn Kristjánsson, landsþjálfari, kom á
28 æfingar af 29 og Þorsteinn Einarsson á 25 æfingar
af 29.
Flestar æfingar stóðu yfir i iy2 klst., en nokkrar i
2 klst.
Þorsteinn Kristjánsson og Þorsteinn Einarsson
skiptust á að þjálfa glímumennina og æfa brögð, varnir
og viðureignir.
Kolfinna Sigurvinsdóttir, íþróttakennari, kom á 6
æfingar og æfði hringdansinn ,,Dýravísur“ eftir Sigríði
Valgeirsdóttur undir lagi Jóns Leifs við „Hani,
krummi. ..“. Einnig veitti Elías Árnason aðstoð við þá
kennslu.
Nefndin hafði hug á því að komast í samband við
Vestur-lslendinga. Var leitað til séra Braga Friðriks-
sonar um að ná sambandi við þá.
Hann skrifaði hr. prófessor Haraldi Bessasyni. Svar-
bréf kom frá formanni íþróttanefndar Islendingadags-
ins, hr. Baldri H. Sigurðssyni. Nefndin skrifaði honum.
1 svarbréfi skýrði hann frá því, að 17. júni væri eigi
haldinn hátíðlegur meðal Vestur-Islendinga, en aftur
á móti 31. júlí, en þá héldu þeir í Winnipeg íslendinga-
dag, og ef unnt væri að fresta sýningu okkar á Expo
1967 þar til um það leyti, þá myndu þeir með gleði
veita flokknum móttöku. Eigi var unnt að breyta
fyrirætlunum, og varð þv£ eigi úr frekari bréfaskipt-
um.
Samband var haft við félag Vestur-lslendinga í
Toronto. Með milligöngu Ölafs Gíslasonar, flugvéla-
virkja, tókust bréfaviðskipti við félagið, og var ákveðið,
að flokkurinn heimsækti Toronto á heimleið frá
Montreal dagana 10. og 11. júní.
Beiðni barst frá forstjóra skemmtigarðs (Woodland
Park Zoo) í Brockville, Ontorio, um að sýna £ garðin-
um sunnudagseftirmiðdaginn 11. júm. Var honum svar-
að, að eigi væri unnt að verða við beiðninni vegna
heimsóknar þann dag til Toronto.
Nefndin færði snemma £ tal við Gunnar Friðriksson,
hvort unnt væri að fá aðstoð einhvers starfsmanns
Islandsdeildarinnar til þess að vera þulur á væntan-
legri sýningu. Benti hann nefndinni á að leita til Péturs
Karlssonar, sem starfaði þar vestra og talaði bæði
ensku og frönsku. Var Pétri skrifað, og svaraði hann
fljótt og kvaðst reiðubúinn að aðstoða flokkinn. Pétri
voru þá sendar myndir af gl£mu, tveir bæklingar um
glimu, greinargerð um tilhögun sýningarinnar og skýr-
ingar á ýmsum atriðum, sem fræða þyrfti um.
Flokkurinn var skipaður þessum mönnum:
Ágúst Bjarnason, 22 ára, Umf. V£kverja,
Guðmundur Freyr Halldórsson, 25 ára, Gl£muf. Á.,
Gunnar R. Ingvarsson, 23 ára, Umf. V£kverja,
Garðar Erlendsson, 25 ára, KR,
Vilhjálmur Ingi Árnason, 21 árs, Akureyri,
Magnús Ólafsson, 17 ára, Umf. Vikverja,
Óskar Baldursson, 20 ára, KR,
Rögnvaldur Ólafsson, 18 ára, KR,
Sigtryggur Sigurðsson, 20 ára, KR,
Sveinn Hannesson, 20 ára, KR,
Valgeir Halldórson, 21 árs, Glfmuf. Ármanni,
Þorvaldur Þorsteinsson, 25 ára, Glimuf. Ármanni,
Þorsteinn Kristjánsson, 65 ára, landsþjálfari GLl,
Þorsteinn Einarsson, 55 ára, iþróttafulltrúi.
Mánudaginn 5. júni var flokkurinn mættur til brott-
íarar kl. 23,00 frá Loftleiðahótelinu, en frá Keflavik-
urflugvelli var farið á loft kl. 1,15. Til New York var
komið eftir rúmlega 7 klst. flug, og var þá klukkan þar
4. Lentum við þar i erfiðleikum með vegabréf eins
piltanna, og þó að hann fengi að halda áfram, þá myndi
hann eigi komast sömu leið til baka, nema hann fengi
nýtt ferðamannsvísa.
Tafir urðu i 4 klst. í New York vegna bilunar á raf-
kerfi vélar þeirrar, sem við skyldum með til Montreal,
svo að eigi var komið til Montreal fyrr en kl. 9,00.
Eftir að flokkurinn hafði komið sér fyrir á gististaðn-
um, hraðaði hann sér til heimssýningarinnar, og var
þangað komið um hádegi.
Var vel tekið á móti flokknum í skála Norðurlanda
af Gunnari Friðrikssyni, Elínu Pálmadóttur, ritara Is-
landsdeildarinnar, og Pétri Karlssyni.
Fyrsta verk flokksins var að skoða sýningarstaðinn,
svonefnt „Shell-Band“. Var um skellaga svæði að ræða,
sem plastdúki var tjaldað yfir, en hliðar opnar, nema
yfir sviðinu var steypt hálfkúla og náði sviðið að hálfu
fram undan henni og var að stærð 9x10 m. Búnings-
klefar voru undir sviðinu og gengt £ þá báðum megin
sviðsins. Var gengið frá þvi við starfsmenn, að flokk-
urinn gæti haft þar æfingu næsta dag — miðvikudag —
kl. 8—9,30.
Að þessu loknu var fundur með Gunnari Friðrikssyni,
Pétri Karlssyni og Elínu Pálmadóttur. Var gengið frá
þessari starfsskrá:
Miðvikudag kl. 8—9,30. Æfing á sviði „Shell Band”.
KI. 10—11 Fundur með fulltrúum hinna Norðurland-
anna um Norðurlandadaginn. Kl. 11—16,30 Sjónvarps-
upptaka fyrir sjónvarp heimssýningarinnar.
Fimmtudag kl. 9—12. Hátíðleg athöfn dags Norður-
landa á „Place de Nation". Kl. 10—13 Sjónvarpsupp-
taka fyrir Sjónvarp Kanada (CBC). Kl. 13,30—15 Sýn-
ingin. Kl. 16—19 Móttaka vegna Norðurlandadagsins
£ skála Norðurlanda. Kl. 20 Kvöldverður fyrir flokkinn.
Föstudaginn skyldi flokkurinn eiga til frjálsra af-
nota, nema forystumenn skyldu mæta til hádegisverð-
ar hjá framkvæmdastjóra Islandsdeildarinnar í skála
Norðurlanda.
Laugardaginn. Brottför kl. 16,00 með lest til Toronto.
1 lok fundarins kom að máli við flokkinn frú Erla
McColey frá Toronto til þess að undirbúa ferð flokks-
ins þangað og dvöl hans þar. Á æfingunni miðviku-
dagsmorgun var farið yfir öll sýningaratriði og Pétur
Karlsson æfður i að flytja skýringar.
Við undirbúning sjónvarpsupptöku kom í ljós, að
sézt hafði yfir að æfa og taka saman sýningaratriði og
frásagnir. Liggur í þessu mikil vinna og hún tímafrek.
Einnig skyldi gera ráð fyrir við slikan undirbúning, að
sjónvarpsstöðvar búa yfir þröngu rými og að gólf eru
venjulega úr steini. Til fyrri sjónvarpsupptökunnar fóru
359