Íþróttablaðið - 01.07.1979, Qupperneq 21

Golfið í samkeppni við
knattspyrnuna
Golfklúbbur Vestmanna-
eyja var stofnaður þann 4.
desember 1938. Golfið hef-
ur því löngum verið stundað
í Eyjum og þaðan hafa
margir góðir kylfingar kom-
ið. Þegar fþróttablaðið var á
ferð í Vestmannaeyjum,
heimsóttum við m.a. Ragnar
Guðmundsson, formann
klúbbsins, en hann er betur
þekktur í bænum undir
nafninu Raggi rakari. Að
sjálfsögðu var okkur boðin
klipping en þar sem hennar
var ekki talin þörf settist
Ragnar sjálfur í stólinn og
kvað sig tilbúinn til að svara
spurningum. Við biðum ekki
boðanna og spurðum hann
fyrst að því hve margir fé-
lagar væru í klúbbnum.
— Það munu vera á milli 75 og
90 virkir félagar og ég tel að sér-
staða klúbbins sé sú að þar eru
um 20 sjómenn sem þrátt fyrir
vinnu sína eru mjög virkir í
starfinu. Kvenþjóðin á að sjálf-
sögðu sína fulltrúa og þar er
fremst í flokki hin landskunna
golfkona Jakobína Gunnlaugs-
dóttir en síðan eru nokkrar sem
koma fast á hæla henni. Þá eigum
við mikið af efnilegu ungu fólki
sem kemur til með að láta mikið
að sér kveða í framtíðinni. Ann-
ars er það alltaf sama vandamál-
ið með ungu strákana en það er
samkeppnin við fótboltann og
því miður hefur hann oftast
vinninginn. En ég vona að það
breytist alla vega að einhverju
leyti í framtíðinni. Þar fyrir utan
má segja að það sé fólk á öllum
aldri í klúbbnum okkar og til
marks um það get ég sagt að elsti
félaginn okkar er nú kominn á
áttræðis aldur.
Vestmannaeyingar eiga ágætis
9 holu golfvöll sem er staðsettur
inni í Herjólfsdal. Eftir eldsum-
brotin var völurinn færður upp
að flugvellinum en síðan var
hann fluttur til baka þegar búið
var að hreinsa dalinn. Fyrir gosið
var Vestmannaeyjavöllurinn tal-
inn einn besti völlur landsins en
eðlilega hefur hann nokkuð látið
ásjá.
Ragnar Guðmundsson, formaður Golfklúbbs Vestmannaeyja.
21