Íþróttablaðið - 01.04.1987, Síða 42
ENGIN MYNDAVÉL, ENGINN SKÓLI
vj
rv
rv
Einar Ólason
Einar Ólason var alinn upp norður á
Húsavík og þar tók hann fyrstu mynd-
ina sem birtist eftir hann í dagblaði. Sú
mynd er af hauststemmningu við
Húsavíkurhöfn, „óttalega ómerkileg
mynd,“ segir Einar í dag en hann var á
annarri skoðun þegar hún birtist á
baksíðu Dagblaðsins gamla en Einar
var einmitt ljósmyndari þess blaðs á
Húsavík. Samhliða því starfi tók hann
myndir fyrir Víkurblaðið á Húsavík og
sumarið 1980 tók hann til við að
mynda fyrir Dagblaðið í Reykjavík.
Hann fór síðan á DV, við samruna
Dagblaðsins og Vísis og á Þjóðviljann
fór hann á haustdögum 1984.
Einar sér um allar íþróttamyndatök-
ur fyrir Þjóðviljann og því ekki úr vegi
að spyrja hvort það sé skemmtilegra að
mynda íþróttaleiki en annað sem fylgir
starfi blaðaljósmyndarans.
„Já, mér finnst það. Reyndar hef ég
ákaflega gaman af íþróttum, sérstak-
lega boltaíþróttum og hef þá ef til vill
enn meira gaman af þessum myndatök-
um. En íþróttaljósmyndirnar hafa sína
galla, maður er til að mynda sjaldnast
heima á kvöldin og um helgar þegar
mest er að gera í íþróttunum."
En er hægt að njóta leiks um leið og
verið er að mynda hann?
„Það getur verið erfitt og er hættu-
legt að horfa of mikið á leiki, því þá
getur maður hæglega gleymt því að
mynda. Atburðarásin er það hröð að
við verðum að láta linsuna fylgja bolt-
anum hvert sem hann fer. Og til að ná
þokkalegum árangri verður maður að
vita út á hvað leikurinn gengur og
einnig verður ljósmyndarinn að kunna
Myndin fræga af fantabrögðum Júgóslavanna.
deili á helstu leikreglum til að hann
átti sig fljótar á því hvað er að gerast
hverju sinni. f íþróttamyndum er verið
að leita að einu einstöku atviki í mjög
hraðri atburðarás og þess vegna verð-
um við að fylgjast vel með gangi mála.“
Þú segist hafa gaman af hefðbund-
um boltaíþróttum finnst þér um leið
skemmtilegast að mynda þær greinar?
„Ég hef lítið myndað frjálsar íþróttir
og hef því litla reynslu af þeim en ég
hef gaman að því að mynda blak,
því oft nást góðar „aksjón" mynd-
ir út úr þeirri grein og einnig hef ég
gaman af því að mynda handbolta og
fótbolta, þótt það geti verið erfitt og
leiðinlegt að hanga yfir óspennandi
leik í slagviðri."
Ræðir þú við íþróttafréttamennina
áður en þú ferð að mynda eða ferðu
bara á staðinn og myndar það sem þér
finnst merkilegast?
„Það er misjaft. Oft ræðum við um
einstaka áherslupunkta og sem dæmi
get ég nefnt að ég var sérstaklega beð-
inn að ná góðri mynd af Bjarna Guð-
mundssyni í tvöhundruðasta landsleik
hans. En það gekk ekki nógu vel, því
hann spilaði einungis fyrri hálfleik og
var þá vinstra megin á vellinum, frá
42