Fréttablaðið - 24.11.2020, Qupperneq 88

jólin þann 6. janúar hingað til.
„En við leyfum jólatrénu samt að
vera uppi lengur, oft út janúar. Svo
fæddist dóttir okkar 6. janúar svo
það er lukkudagurinn okkar,“ segir
Hanna Rún.
Föndrar með syninum
Það jólaskraut sem er í mestu
uppáhaldi hjá Hönnu Rún er
skrautið sem Vladimir Óli, sonur
hennar, hefur föndrað.
„Bestu jólagjafirnar eru skrautið
sem sonur minn hefur föndrað á
leikskólanum. Hingað til er það
bara sonur minn sem hefur verið
að föndra en ég hlakka til þegar
dóttir mín byrjar líka á því.“
Á heimilinu eru, eins og er, tvö
jólatré. Eitt stórt í stofunni og svo
annað aðeins minna í sjónvarps-
horninu við hliðina á arninum
sem Vladimir Óli á og skreytir
sjálfur.
„Svo vill maðurinn minn kaupa
annað fyrir Kíru Sif en ég á eftir
að finna út hvar það á að vera, við
erum allavega með tvö núna,“
útskýrir Hanna Rún.
Auk þess að skreyta allt heim-
ilið sitt fallega fyrir jólin föndrar
Hanna Rún líka jólakúlur sem hún
selur í verslun foreldra sinna, Gull-
smiðju Óla.
„Sonur minn hefur verið að
föndra mikið með mér alveg frá því
hann var bara pínulítill. Við fórum
að skreyta jólakúlur með krist-
öllum eins og ég set á danskjólana
mína. Við vorum bara að skreyta
kúlurnar til að setja á tréð hjá
okkur en svo voru svo margir sem
sáu þetta og fóru að spyrja hvort
hægt væri að kaupa svona kúlur af
mér. Ég ákvað þess vegna að búa til
kristalskúlur sem ég er með í sölu
hjá pabba og mömmu. Það sló í
gegn svo nú er þetta orðið árlegt.“
Hanna segist sitja sveitt þessa
dagana við að föndra kúlurnar,
sem eru hengdar upp á tré í gull-
smiðjunni.
„Svo erum við Vladimir líka
að dunda okkur við að föndra á
jólatréð og jólaskrautið er smátt
og smátt að verða komið upp í öllu
húsinu.“
Hanna Rún og eiginmaður hennar,
Nikita Bazev, búa á fallegu heimili í
Mosfellsbænum ásamt börnunum
sínum, Vladimir Óla og Kíru Sif.
Þar er sannarlega jólalegt um að
litast en Hanna Rún skreytir alltaf
mikið og byrjar snemma að setja
upp jólaskrautið.
„Sumir hneykslast á því og segja
við mig, „en það eru tveir mánuðir
í jólin“,“ segir Hanna Rún og hlær.
„En ég er bara svo ótrúlega mikið
jólabarn. Af því að við skreytum
mikið þá vil ég taka tíma í það og
njóta þess að setja skrautið upp en
ekki henda því öllu upp í stressi.
Við viljum líka njóta skrautsins
en ekki vera nýbúin að setja allt
upp þegar við þurfum að taka það
niður aftur.“
Heimili Hönnu Rúnar og Nikita
tekur því hægt og rólega á sig
jólalegri mynd eftir því sem nær
dregur jólum.
„Ég er í raun alltaf að bæta ein-
hverju við. Ég finn kannski fallega
jólakúlu sem mig langar að setja á
tréð. Í fyrra fann ég til dæmis svo
fallega fugla rétt fyrir jól sem voru
komnir á 70% afslátt, þannig að ég
bætti þeim á skenkinn á Þorláks-
messu. Það mesta fer samt alltaf
upp í nóvember,“ útskýrir Hanna
Rún.
Hún segir að jólaskrautið komi
úr öllum áttum, það sé engin búð
í uppáhaldi þar sem hún finnur
jólaskraut frekar en annars staðar.
„Stundum er ég bara að kaupa
í matinn og sé eitthvað fallegt og
kaupi það. Ég finn skrautið í raun
bara hér og þar og alls staðar. Þegar
við höfum verið í keppnisferðum
úti þá hef ég keypt skraut þar. Aðal-
lega í Englandi, við höfum oft farið
í keppnisferðir þangað fyrir jólin.
Svo hefur mamma hans Nikita líka
sent okkur skraut á tréð frá Rúss-
landi.“
Nikita er rússneskur en þar er
haldið upp á jólin 6. janúar. Hanna
Rún segir því að fyrir honum hafi
24. desember ekki verið neitt
merkilegur dagur áður en þau fóru
að vera saman.
„Hann var ekki svona mikið
jólabarn eins og ég, en nú er hann
rosalega mikið jólabarn. Hann
elskar jólin og kippir sér ekkert
upp við það þó ég byrji snemma að
spila jólalög.“
Fjölskyldan heldur jólin að
íslenskum sið en þau hafa ekki
haldið sérstaklega upp á rússnesku
Sandra Guðrún
Guðmundsdóttir
sandragudrun@
frettabladid.is
Ég er ótrúlega mikið jólabarn
Hanna Rún er mikið jólabarn og nýtur þess að skreyta fyrir jólin. FRÉTTABLAÐIÐ/SIGTRYGGUR ARI
Hanna Rún
finnur jóla-
skrautið hér
og þar, sumt
föndrar hún
með syninum
Vladimir Óla. En
þessa dagana
eru þau að
föndra jóla-
kúlur.
Dansarinn Hanna Rún Bazev
Óladóttir hefur gaman af því að
skreyta heimili sitt fyrir jólin.
Hún byrjar yfirleitt snemma
að skreyta svo hún geti notið
þess sem lengst. Í uppáhaldi er
skrautið sem Vladimir Óli, sonur
hennar, föndrar.
Af því við skreyt-
um mikið þá vil ég
taka tíma í það og njóta
þess að setja skrautið
upp.
Hanna Rún Bazev Óladóttir
Skartgripur með táknræna merkingu, seldur til
styrktar blindum og sjónskertum á Íslandi.
Íslenskt handverk. Fæst um land allt.
Þríkrossinn
Stuðningur til sjálfstæðis
24. nóvember 2020 JÓL 2020 66 FRÉTTABLAÐIÐ