Fréttablaðið - 24.11.2020, Blaðsíða 92

Hjördís Erna
Þorgeirsdóttir
hjordiserna@
frettabladid.is
Lára Lind er 24 ára gömul, hefur
búið víða og fengist við ýmis-
legt. „Ég er uppalin í Grindavík og
búsett í Garðabæ. Ég útskrifaðist
úr Menntaskólanum á Akureyri og
kláraði síðan ljósmyndun núna í
maí en ásamt því hef ég lært förð-
unarfræði og hljóðtækni.“
Ný innsýn og áhugi á matargerð
Lára heldur úti vinsælu matar-
bloggi undir heitinu „Vegan hjá
Láru“. „Ég byrjaði á minni vegan-
vegferð fyrir um þremur árum
þegar ég byrjaði á því að hætta að
borða kjöt, síðan tók ég út mjólkur-
vörur og síðast fisk. Ég hef verið
100% vegan í um eitt og hálft ár
núna og í gegnum þetta þriggja ára
ferli fékk ég nýja innsýn í og áhuga
á matargerð.“
Óhætt er að fullyrða að sú
ákvörðun hafi opnað nýjan heim
fyrir Láru. „Sá áhugi leiddi mig út í
það að opna vegan matarblogg og
deila mínum uppskriftum að fljót-
legum og auðveldum veganmat
og bakstri fyrir alla. Ég hef einnig
haldið grænkera-fyrirlestur um
veganmat, áhrif þess og fleira, og
er það klárlega eitthvað sem mig
langar að fara meira út í.“
Nú styttist óðum í jólin og Lára
segist full eftirvæntingar eftir
jólunum í ár. „Ég er jólabarn, en
það fer oftast eftir því hvað ég næ
að eyða miklum tíma í aðventuna
hversu langt ég fer með jólaæðið. Ég
er mjög spennt fyrir jólunum í ár.“
Öðruvísi samband við mat
Þegar Lára er spurð að því hvers
vegna hún hafi ákveðið að hætta
að borða kjöt nefnir hún nokkur
atriði. „Ég hætti að borða kjöt fyrir
um þremur árum. Ég fann helst
fyrir ákalli frá líkamanum mínum
um að breyta til í fæðu og eiga
öðruvísi samband við mat. Læra
meira um næringu og hugsa út í
hvaðan maturinn kemur.“
Út frá þessari hugarfars- og lífs-
stílsbreytingu ákvað Lára að taka
þetta skrefinu lengra. „Ferlið mitt
að því að verða 100% vegan gerðist
yfir þriggja ára skeið og fyrir mér
var þetta ákveðin keðjuverkun sem
fór í gang með meiri þekkingu á
mat, næringu, dýravernd og út frá
umhverfisjónarmiðum.“
Lára segir margt hafa breyst á
þessum tíma. „Það hefur aldrei
verið jafn mikið úrval af veganmat
og -vörum eins og í dag og ég fagna
því vel. Með tímanum eru líka
alltaf fleiri að verða vegan og prófa
að breyta til og smakka, vitundar-
vakningin tengd dýravernd er
alltaf að verða meiri.“
Einfalt að vegan-væða
Lára nýtur þess að baka í aðdrag-
anda jólanna og í ár verður engin
undantekning á því. „Fyrir mér
Ljúffengar smákökur
án dýraafurða
Lára Lind heldur úti metnaðarfullu bloggi á netinu og á Instagram. FRÉTTABLAÐIÐ/SIGTRYGGUR
Jólaturnar Láru eru einstaklega hátíðlegir en hægt er að sjá uppskriftina á veganhjalaru.com.
Ómótstæðilegir jólaturnar, brakbitar og lakkrístoppar. FRÉTTABLAÐIÐ/SIGTRYGGUR
Lára Lind Jakobsdóttir gerðist
grænmetisæta fyrir þremur
árum og segir þá ákvörðun
hafa opnað fyrir sér nýjan
heim, meðal annars hvað elda-
mennsku og bakstur snertir.
þurfa alltaf að vera lakkrístoppar
og sörur á jólunum. Í ár ákvað ég
einnig að gera brakbita sem eru
konfektmolar og jólatoppar með
súkkulaði og trönuberjasultu.“
Hún segir jólamatinn hafa verið
nokkuð svipaðan eftir að hún tók
ákvörðun um að hætta að neyta
dýraafurða. „Frá því ég byrjaði að
vera vegan hefur verið innbökuð
vegan steik með sveppum, sætum
kartöflum og fleira, brúnaðar
kartöflur, vegan Waldorfsalat
og sveppasósa. Í eftirrétt er góð
kaka með jólaísnum, auðvitað allt
vegan.“
Þá segir Lára það hafa komið
sér á óvart hversu auðvelt sé að
útfæra hefðbundnar uppskriftir á
vegan-máta og gefur nokkur góð
ráð hvað það snertir. „Mér finnst
oftast koma fólki á óvart hvað það
getur verið auðvelt að vegan-væna
ýmsan hátíðarmat og bakstur. Til
dæmis má nefna Waldorfsalatið
fræga, en þá er hægt að skipta út og
nota veganrjóma og suðusúkku-
laði. Í brúnuðu kartöflunum notar
maður þá smjörlíki í staðinn fyrir
smjör. Svo er það veganmöndlu-
rjómi í sveppasósuna góðu. Mér
finnst svona innbakaðar vegan-
steikur mjög góðar og það var auð-
veldara að útbúa það frá grunni en
ég hélt, svo er auðvitað einnig hægt
að kaupa það tilbúið.“
Hún ráðleggur fólki að nálgast
veganmatseld með opnum huga og
segir ótal valmöguleika í boði sem
geri fólki kleift að útbúa dýrindis
máltíðir, án dýra. „Það er auðveld-
ara að elda og borða veganmat en
margir halda. Það eru til frábærar
vörur til að skipta út og svo rosa-
lega margir valmöguleikar til að
prófa. Þegar ég byrjaði á þessari
vegan vegferð langaði mig helst að
geta eldað sama klassíska matinn
og baka sömu kökurnar nema í
vegan búningi.“
Áhugasöm geta þá nálgast
hafsjó af einföldum uppskriftum,
innblæstri og fróðleik á bloggi og
Instagram-síðu Láru. „Á matar-
blogginu mínu, veganhjalaru.com,
og undir Instagram aðganginum
@ veganhjalaru hef ég verið dugleg
að sýna alls konar leiðir og hug-
myndir að mat og bakstri. Allar
uppskriftir má nálgast á heimasíð-
unni en veganmatur þarf alls ekki
að vera flókinn eða taka mikinn
tíma, endilega prófið, þar er heill
heimur af nýju bragði og gúrmé
mat!“
Lára bakaði hvorki meira
né minna en þrjár tegundir af
smákökum fyrir Fréttablaðið og
hægt er að nálgast allar uppskrift-
irnar bæði á heimasíðu hennar og
Instagram-síðu. Hér er uppskrift
að ljúffengum lakkrístoppum sem
Lára hefur lagt mikla vinnu í að
þróa.
Lakkrístoppar – vegan og án
glútens
Innihald á u.þ.b. tvær ofnplötur:
6 msk. kjúklingabaunasafi / aqua-
faba
200 g púðursykur
70 g lakkrískurl
100 g suðusúkkulaði
Hita ofninn á 150 °C blástur. Hræra
kjúklingabaunasafanum í hrærivél
saman í 15–20 mínútur. Þá ætti
safinn að verða alveg hvítur og
stífur. Næst set ég púðursykurinn
hægt og rólega saman við, aðeins
matskeið í einu, á meðan ég hræri
enn þá í hrærivél. Á meðan ég bæti
púðursykrinum við hræri ég alveg í
20 mínútur til viðbótar. Eftir þann
tíma áttu að geta hvolft skálinni og
marengsblandan á ekki að haggast.
Næst blanda ég mjög smátt söxuðu
suðusúkkulaði og lakkrískurli við
marengsblönduna með sleif. Mjög
varlega, rólega og hægt. Því minni
sem topparnir eru, því betra og
öruggara er að baka þá. Ég nota
rúmlega teskeið, aðeins minna,
fyrir hvern topp á bökunarplötu
með bökunarpappír. Best er að
hafa hraðar hendur á meðan topp-
unum er komið fyrir á plötunni,
því að það sem heldur þeim „fluffy“
er loftið eftir þeytinginn í hrærivél-
inni og fellur hann með tímanum.
Ef þú átt afgang eftir í skálinni og
ætlar að nota þá á næstu ofnplötu
er best að geyma skálina í ísskáp á
milli til að halda loftinu í deiginu á
milli platna. Ég baka toppana í 15
mínútur, mínútu til eða frá. Þegar
ég tek þá út úr ofninum er mikil-
vægt að leyfa þeim að kólna í 2–3
mínútur áður en þeir eru teknir af
plötunni.
Njótið!
24. nóvember 2020 JÓL 2020 70 FRÉTTABLAÐIÐ