Bændablaðið - 17.12.2020, Blaðsíða 22
Bændablaðið | Fimmtudagur 17. desember 202022
LÍF&STARF
Hrikalegur samdráttur hefur
verið í flugi í Evrópu sambands
ríkjunum á þessu ári vegna
COVID19 faraldursins. Á þeim
tíu flugvöllum þar sem fækkun
flugvéla hefur verið mest, eða frá
53% til 66%, hefur flugvélum
sem fara um þá velli í almennu
flugi í heild fækkað um 1.898.500
vélar.
Í janúar 2020, áður en COVID-
19 fór að gæta, varð strax lítils
háttar samdráttur frá fyrra ári,
eða um -0,8%, sem væntanlega
má að mestu rekja til samdráttar í
efnahagskerfinu. Úr þessu rættist í
febrúar, en þá varð 1,4% aukning
frá febrúar 2019. Síðan kom stóri
skellurinn.
Í mars 2020 hafði orðið 44,1%
samdráttur í flugi frá sama mánuði
2019. Í apríl var botninum náð og
samdrátturinn þá orðinn 91,2%
miðað við árið áður. Örlítið betri
stað var í maí, en samdrátturinn var
samt 89,8% á milli ára. Í júní lag-
aðist staðan aðeins meira og þá var
staðan -84,2% miðað við júní 2019.
Í júlí skánaði staðan aðeins en var
samt -63,5%. Topp árangur náðist
í ágúst í sumar þegar samdráttur-
inn á milli ára minnkaði í -53,4%.
Síðan fór aftur að halla undan fæti.
Í september var staðan -58,7% og
-61,1% í september.
Tölur Eurostat sem byggja á
tölum Eurocontrol náðu ekki lengra
í síðustu viku, en miðað við versn-
andi stöðu í útbreiðslu COVID-19
í Evrópu síðan í október má búast
við að flugið hafi líka dregist
saman.
Flugvélum sem fara um
Mai-flugvöll í Frankfurt fækk-
aði um 251.900
Þegar litið er á samdrátt í fjölda
flugvéla sem fóru um einstaka flug-
velli í ESB-löndunum á tímabilinu
janúar til október 2020 er staðan
hreint út sagt hrikaleg. Af þeim tíu
flugvöllum þar sem samdrátturinn
var mestur í fjölda flugvéla var
mest fækkun um Main-flugvöll
í Frankfurt í Þýskalandi og nam
251.900 vélum, eða um -58%.
Næstur kom Charles de Gaulle
flugvöllur í París í Frakklandi með
fækkun upp á 232.200 flugvélar,
eða um -55%. Síðan er Schiphol
flugvöllur í Amsterdam í Hollandi
með fækkun upp á 225.700 flugvélar
eða um -53%. München flugvöllur í
Þýskalandi kemur svo í fjórða sæti
með fækkun upp á 281.300 flugvélar
eða um -63%. Í fimmta sæti yfir
mesta fækkun í fjölda véla er Barajas
flugvöllur í Barselóna á Spáni
með 212.800 vélar, eða um -60%.
Þá kemur Fiumicino flugvöllur
í Róm á Ítalíu með fækkun flug-
véla upp á 172.400, eða um -65%.
Síðan Schwechat flugvöllur í Vín
í Austur ríki með 138.600 flugvéla
sam drátt, eða um -60%. Í níunda
sæti kemur svo Kastrup flugvöllur
í Kaupmannahöfn í Danmörku með
fækkun upp á 134.900 flugvélar,
eða um -61%. Í tíunda sæti er svo
flugvöllurinn í Palma á Mallorca á
Spáni. Þar fækkaði flugvélum sem
fóru um völlinn um 129.200, eða
um 66%. Þar var hlutfallsleg fækkun
flugvéla líka mest.
Ísland er ekki aðili
að Eurocontrol
Í þessari úttekt sem byggð er á
tölum Eurocontrol eru ekki tölur
um flug til og frá Íslandi, enda er
Ísland ekki aðili að Eurocontrol.
Þar er 41 Evrópuríki skráð sem
aðildarríki, þar á meðal Noregur,
Sviss og meira að segja Ísrael og
Úkraína. Eurocontrol heldur utan
um almennt farþega-, póst- og
flutningaflug ásamt umferð her-
flugvéla. /HKr.
Gríðarlegur samdráttur í flugi í ESB-löndunum frá janúar til október 2020 vegna COVID-19:
Flugumferð um 10 flugvelli í ESB hefur
dregist saman um 1.898.500 flugvélar
UTAN ÚR HEIMI
Afríska svínapestin breiðist
enn út í Þýskalandi
Friedrich Loefflerstofnunin í
Þýskalandi gaf út þann 1. nóvem
ber síðastliðinn að staðfest væru
123 smit afrísku svínapestarinn
ar í villisvínum, aðallega á tveim
svæðum í ríkinu Brandenburg í
austurhluta Þýskalands. Daginn
eftir, eða 2. nóvember, greindi
þýska landbúnaðarráðuneytið
frá því að villisvín sem var
drepið í nágrannaríkinu Saxoy
hafi verið smitað af afrísku
svínapestinni. Smit hafði samt
ekki borist í alisvínastofninn í
Þýskalandi.
Julia Klöckner, land búnaðar-
ráðherra Þýskalands, staðfesti þann
10. september að fyrsta tilfellið af
afrísku svínapestinni (ASF) hafi
fundist í landinu 9. september. Þá
hafði fundist hræ af smituðum villi-
gelti í ríkinu Brandenburg í aust-
urhluta Þýskalands. Smittilfellið í
Saxoy í byrjun nóvember var í Efri-
Lusatia í Görlitz héraði. Sveit sér-
fræðinga var þegar kölluð til, enda
hafði veikin þá verið að breiðast
frekar út í Brandenburg. Farið var
í að setja upp rafmagnsgirðingar
til að hefta enn frekari útbreiðslu
í Saxoy, en rafmagnsgirðingar sem
settar voru upp í Brandenburg virð-
ast ekki hafa dugað til að stöðva
útbreiðslu veikinnar.
Þjóðverjar sem flytja að jafnaði
mikið út af svínakjöti hafa fundið
illilega fyrir banni á útflutningi til
10 landa utan Evrópusambandsins.
Kemur þetta til viðbótar erfiðleikum
sem þýskir bændur hafa þurft að
glíma við vegna COVID-19.
/HKr. Skeifunni 3h ll Sími: 588 5080 ll dynjandi.is
Gleðilega hátíð
og gæfuríkt komandi ár
með þökk fyrir viðskiptin
á árinu sem er að líða.
Starfsfólk Dynjanda