Morgunblaðið - 25.06.2020, Side 18

18 FRÉTTIRInnlent
MORGUNBLAÐIÐ FIMMTUDAGUR 25. JÚNÍ 2020
Höskuldur Daði Magnússon
hdm@mbl.is
„Hér verður skellt í lás um mánaða-
mótin. Það er ekkert sem tekur
við,“ segir Nikulás Árnason, einn
aðstandenda verslunarinnar Kaup-
túns á Vopnafirði.
Eins og Morgunblaðið greindi frá
um miðjan maí hefur Árni Róberts-
son, faðir Nikulásar, ákveðið að
hætta verslunarrekstri á Vopna-
firði eftir 32 ára starf. Nýr aðili hef-
ur tekið við rekstri sjoppunnar á
staðnum en enginn hefur viljað
kaupa rekstur Kauptúns, sem hefur
verið eina verslunin á staðnum síð-
an kaupfélagið lagði upp laupana.
„Það var einn aðili sem sýndi
þessu einhvern áhuga, Samkaup.
Þegar á reyndi var sá áhugi bara
ekki mikill, eða í raun lítill sem
enginn. Sveitarfélagið vildi ekki
koma neitt að þessu þrátt fyrir að
hafa lýst öðru yfir. Því fór þetta
bara eins og það fór. Það er í raun
hálfgrátlegt. Gremjulegast í þessu
fannst mér að sveitarstjórnin var
búin að segja að hún ætlaði að
grípa inn í en þegar á reyndi var
gengið á bak þeirra orða,“ segir
Nikulás.
Ljóst er að þessi niðurstaða
hugnast íbúum Vopnafjarðar ekki
vel. Frá og með næstu mánaða-
mótum munu þeir þurfa að keyra
annaðhvort 70 kílómetra leið á
Þórshöfn eða 115 kílómetra á Egils-
staði til að ná sér í mjólkurpott eða
brauð.
Afsláttarkjör fram að lokun
Sara Elísabet Svansdóttir,
sveitarstjóri á Vopnafirði, sagði við
Morgunblaðið í síðasta mánuði að
sveitarfélagið fylgdist með þróun
mála og væri „tilbúið á kantinum“
ef enginn fengist til að taka við
rekstrinum. „Það verður að vera
búð hérna,“ sagði Sara Elísabet þá
og tók undir að lokun Kauptúns
hefði neikvæð áhrif á bæjarfélagið.
Ekki hefur náðst í Söru Elísabetu
vegna málsins.
Tilkynnt var um lokun Kauptúns
á Facebook-síðu verslunarinnar
fyrr í vikunni. Þar kom jafnframt
fram að 25% afsláttur yrði af öllum
vörum í versluninni fram að lokun
hennar.
Kveðja Feðgarnir Steingrímur, Árni og Nikulás hafa rekið Kauptún saman.
„Hálfgrátlegur“
endir 30 ára sögu
 Enginn vill taka við versluninni
Guðmundur Magnússon
gudmundur@mbl.is
Póst- og fjarskiptastofnun (PFS)
gerir það ekki að skilyrði fyrir veit-
ingu leyfis til alþjónustu á sviði póst-
flutninga að póstrekandinn standi
fyrir útgáfu frímerkja. Stofnunin
bendir hins vegar á að vilji stjórn-
völd halda íslenskri frímerkjaútgáfu
áfram sé hægt að gera um það sér-
stakan þjónustusamning við póst-
rekendur. Þetta er meðal þess sem
fram kemur í nýbirtu samráðsskjali
PFS vegna alþjónustu í pósti. Skjalið
er birt á heimasíðu stofnunarinnar
og er frestur til að gera athugasemd-
ir við skilmálana veittur til 10. júlí.
Ný lög um póstþjónustu hér á
landi voru sett í fyrra. Samkvæmt
eldri lögum hafði íslenska ríkið
einkarétt á útgáfu frímerkja. Sá rétt-
ur var afnuminn með nýju lögunum.
Í 14. grein laganna segir: „Póst- og
fjarskiptastofnun veitir póstrek-
endum heimild til útgáfu frímerkja
og annarra gjaldmerkja. Póst- og
fjarskiptastofnun er heimilt að kveða
á um að alþjónustuveitandi skuli gefa
út frímerki.“ Í reglugerð sem sett
var fyrr á þessu ári um alþjónustu á
grundvelli laganna segir til viðbótar:
„Leitast skal við að í myndefni frí-
merkja sé minnst tímamóta í sögu
þjóðarinnar hvort sem það tengist
einstökum samtökum, atburðum eða
einstaklingum. Útgáfan skal að öðru
leyti taka mið af þeim viðmiðunum
sem sett eru í alþjóðapóstsamn-
ingnum. Við val á þjónustuveitanda
til að veita alþjónustu ... skal til-
greina hvort alþjónustuveitanda beri
að gefa út frímerki.“
Frímerkjaútgáfa heimil
Í samráðsskjalinu segir að sam-
kvæmt ofangreindum ákvæðum sé
gert ráð fyrir því að allir póstrek-
endur geti gefið út frímerki að
undangenginni umsókn þar um til
PFS. Jafnframt sé kveðið á um að
PFS sé heimilt að kveða á um að al-
þjónustuveitandi skuli gefa út frí-
merki og færi þá um þá kvöð sam-
kvæmt tilgreindum ákvæðum
laganna, þ.m.t., ef svo ber undir, sér-
stakar greiðslur úr ríkissjóði, ef tap
er á útgáfunni.
Íslandspóstur, núverandi alþjón-
ustuveitandi, hefur lýst því yfir opin-
berlega að tap hafi verið á útgáfu frí-
merkja hjá fyrirtækinu á undan-
förnum árum. Einnig hefur komið
fram að fyrirtækið eigi á lager frí-
merki til að nota í starfsemi sinni á
komandi árum. PFS bendir á að ein-
ungis lítill hluti bréfa sé í dag frí-
merktur, sem gefi til kynna að
burðargjald hafi verið greitt fyrir
viðkomandi bréf. Í stað frímerkja
séu komnar ýmsar aðrar lausnir, s.s.
vélstimplun ýmiss konar og svoköll-
uð SMS-frímerki sem hægt er að
senda til viðskiptavina sem sér-
stakan kóða. Nauðsyn frímerkja í
starfsemi fyrirtækja eins og t.d. Ís-
landspósts hafi því farið minnkandi á
undanförnum árum. „Með hliðsjón af
ofangreindu hyggst PFS ekki leggja
þá kvöð á væntanlegan alþjónustu-
veitanda að gefa út frímerki, sbr. 2.
mgr. 26. gr. reglugerðar um alþjón-
ustu,“ segir í skjalinu á heimasíðu
PFS.
Póst- og fjarskiptastofnun tekur
fram að um útgáfu frímerkja af hálfu
alþjónustuveitanda sem og annarra
póstrekanda myndu, ef þetta gengur
eftir, gilda almennt ákvæði 14. gr.
laganna og 26. gr. reglugerðarinnar.
„Vilji stjórnvöld hins vegar halda
áfram útgáfu frímerkja, t.d. sem þátt
í því að kynna þjóðhætti, menningu
eða að minnast einstakra atburða í
sögu þjóðarinnar, er það álit PFS að
nærtækast væri að um slíka útgáfu
yrði gerður sérstakur þjónustu-
samningur af hálfu ráðherra og þá
hugsanlega með stoð í 11. gr. laga
um póstþjónustu nr. 98/2019.“
Ekki lengur skylt
að gefa út frímerki
 Ráðherra gæti þó ákveðið að halda slíkri útgáfu áfram
Frímerki úr sögunni?
» Öllum póstrekendum er
heimil frímerkjaútgáfa að
fengnu leyfi Póst- og fjar-
skiptastofnunar (PFS).
» PFS hyggst ekki gera það að
skilyrði að alþjónustuveitandi í
póstflutningum gefi út frímerki
því tap hefur verið á slíkri út-
gáfu.
Morgunblaðið/Kristinn Magnússon
Frímerki Ráðherra þarf að ákveða framtíð íslensku útgáfunnar.
ítölsk hönnun – ítölsk framleiðsla
Skeifunni 8 | Sími 588 0640 | casa.is
ESTRO Model 3042
L 164 cm Leður ct. 10 Verð 339.000,-
L 198 cm Leður ct. 10 Verð 379.000,-
CASA býður upp á vaxtalausar raðgreiðslur (með Visa / Euro) í allt að 6 mánuði.
Sveitarfélagið Ölfus skrifaði í gær
undir samning við Faxaflóahafnir um
kaup á dráttarbátnum Jötni. Kaup-
verðið er 220,5 milljónir.
Við kaupin mun báturinn fá nafnið
„Herdís“ og verður það fyrsti
dráttarbáturinn í sögu hafnareksturs
hér á landi sem ber kvenmannsnafn,
að því er segir í tilkynningu um kaup-
in. Með nafninu er vísað til eins
þekktasta kennileitis sveitarfé-
lagsins, Herdísarvíkur, þar sem lengi
vel var kunn verstöð með fjölda sjó-
búða og sér enn fyrir tóftum margra
þeirra.
Jötunn var smíðaður í Hollandi ár-
ið 2008 og hefur verið í eigu Faxaflóa-
hafna síðan þá. Hann er 19,3 metra
langur og 96 brúttótonn. Togkraftur
hans er upp á 27 tonn. Báturinn er
með tvær 1.000 hestafla Cater-
pillar-aðalvélar og 107 hestafla hlið-
arskrúfu.
Haft er eftir Elliða Vignissyni,
bæjarstjóra Ölfuss, að Þorlákshöfn sé
í dag orðin ein af lykilvöruhöfnum
landsins og kaupin merki um enn
meiri sókn fram undan.
„Næsta skref er að stækka höfnina
þannig að hægt verði að taka inn allt
að 180 metra löng og 30 metra breið
skip. Við höfum trú á því að hægt
verði að ljúka undirbúningi síðla árs
og hefja verklega framkvæmd þar að
lútandi á næsta ári. Til marks um
hversu mikil áhrif slík framkvæmd
myndi hafa þá hafa skipafélög sýnt
því áhuga að hefja hingað siglingar á
farþegaskipum í beinum og regluleg-
um siglingum á bæði Bretland og
meginland Evrópu. Þar með geta inn-
og útflytjendur valið milli þriggja
ferða héðan frá Þorlákshöfn í hverri
viku, en Smyril Line er í dag með
ferjurnar Akranes og Mykines í viku-
legum siglingum,“ segir Elliði.
Jötunn fær
nafnið Herdís
 Fyrsti dráttar-
báturinn til að fá
kvenmannsnafn
Dráttarbátur Elliði Vignisson, Gísli
G. Gíslason hafnarstjóri og Hjörtur
Jónsson hafnarstjóri við undirskrift
kaupsamningsins í gær.