Morgunblaðið - 25.06.2020, Page 25

fjöldi og fjöldi fréttamanna. „Okkur
var fagnað með lófataki og síðan var
farið með okkur á sjómannaheimili í
borginni. Þar voru bornar fram góð-
ar veitingar og viðurgjörningur allur
hinn besti. Hver og einn fékk 20
pund til að kaupa nauðsynlegan
fatnað og skó og eitthvað smávegis
til að taka með sér heim. Það var svo
flogið heim frá Glasgow í tveimur
hópum með vélum Flugfélags Ís-
lands. Fyrri hópurinn fór 30. júní en
ég var í seinni hópnum sem flaug
heim 1. júlí. Það urðu miklir fagn-
aðarfundir þegar við stigum út úr
flugvélinni á Reykjavíkurflugvelli.
Ættingjar, vinir og fréttamenn fjöl-
menntu og andrúmsloftið var þrung-
ið gleði og þakklæti,“ segir Vil-
hjálmur.
Óvíst hvað olli slysinu
En hvað varð þess valdandi að
Drangajökull sökk svo óvænt? Við
komu skipverja til Íslands voru hald-
in sjópróf þar sem reynt var að leiða
það í ljós. „Haukur skipstjóri og
fleiri skipverjar töldu að leki hefði
komið að skipinu, enda var margt
sem benti til þess, m.a. á hvern hátt
og hve fljótt skipið sökk,“ segir Vil-
hjálmur. „Ýmsar aðrar tilgátur
komu fram, svo sem ofhleðsla og
óstöðugleiki, en sjódómurinn komst
ekki að neinni ákveðinni niðurstöðu í
því máli. Drangajökull hafði siglt í
slæmum veðrum með mikinn farm á
þilfari í rúman áratug án þess að það
hefði skaðað sjóhæfni skipsins.“
Eftir á að hyggja finnst Vilhjálmi
ýmislegt einkennilegt við rannsókn
slyssins. „Það var ekki rætt við
Gylfa háseta sem þó var við stýrið
þegar skipið sökk. Og aldrei var rætt
við mig sem þó var í brúnni þegar
skipið byrjaði að hallast.“ Vilhjálmur
segir að Haukur skipstjóri hafi ekki
verið sakaður um vanrækslu í starfi
vegna atburðarins, en hafi samt ekki
fengið skipstjórastarf hjá útgerðar-
félaginu, Jöklum, í framhaldinu.
Gremjulegt sé að málinu hafi lokið
með þessum hætti í stað þess að
vandaðri rannsókn færi fram.
Eftirminnileg lífreynsla
Þegar Vilhjálmur horfir um öxl
og rifjar upp atburðina 60 árum eft-
ir að þeir urðu finnst honum ótrú-
legt að hafa lent í þessari lífs-
reynslu. „Þetta var fyrsta ferð mín
til útlanda. Margt forvitnilegt bar
fyrir augu í þeim borgum sem við
komum til. Skemmtilegast fannst
mér að koma til Antwerpen, sem er
afar falleg borg með iðandi mannlífi
og margt hægt að gera sér til
ánægju. M.a. bauð skipstjórafrúin
mér ásamt Gunnari litla í heimsókn
í afar stóran dýragarð í borginni,
líklega einn þann stærsta í Evrópu
á þeim tíma.“
Vilhjálmur rifjar einnig upp að
allmörgum árum eftir sjóslysið hafi
hann verið ráðinn framkvæmda-
stjóri SÁÁ og þá hafi Halldóra
Gunnarsdóttir verið ritari sinn án
þess að þau myndu hvort eftir öðru
frá Drangajökli. Það uppgötvast
ekki fyrr en hún er einn daginn að
sýna honum myndir frá brúðkaupi
dóttur sinnar og Vilhjálmur sér
Hauk skipstjóra á einni myndinni.
„Eftir það höfðum við Halldóra um
margt að skrafa,“ segir Vilhjálmur.
Drangajökull Flutningaskipið var um tíu ára gamalt þegar það sökk í Pentlandsfirði. Fyrstu árin var það í siglingum undir nafninu Foldin.
FRÉTTIR 25Innlent
MORGUNBLAÐIÐ FIMMTUDAGUR 25. JÚNÍ 2020
Í ferðinni örlagaríku voru um
borð í Drangajökli sextán skip-
verjar og þrír farþegar. Skip-
verjar voru: Haukur Guðmunds-
son skipstjóri, stýrimennirnir
Georg Franklínsson og Finn-
bogi Kjeld, vélstjórarnir Helgi
Þorkelsson, Sveinbjörn Erlings-
son og Tryggvi Oddsson, Bjarni
Sigurðsson loftskeytamaður,
Árni Jónsson bryti, Haraldur
Helgason matsveinn, Þórður
Geirsson bátsmaður og háset-
arnir Gunnar Bjarnason, Guð-
jón Erlingsson, Ævar Þorgeirs-
son, Gylfi Pálsson, Þorlákur
Skaftason og Karl Jónsson
smyrjari. Farþegarnir voru Hall-
dóra Gunnarsdóttir, kona skip-
stjóra, og sonur þeirra Gunnar,
og Vilhjálmur Þ. Vilhjálmsson,
14 ára, síðar borgarstjóri í
Reykjavík.
Átján voru
um borð
SKIPVERJAR OG FARÞEGAR
Þar sem úrvalið er
af sólgleraugum
BURBERRY