Morgunblaðið - 29.10.2020, Page 18

18 FRÉTTIRInnlent
MORGUNBLAÐIÐ FIMMTUDAGUR 29. OKTÓBER 2020
Sýning í Gallerí Fold 31. október - 14. nóvember
TILVERA
Opið virka daga
10–18,
Laugardaga 12–16
Lokað á sunnudögum
ÞÓRUNN BÁRA
BJÖRNSDÓTTIR
Sýningaropnun kl. 14
laugardaginn 3. október
einnig í lifandi streymi á Facebook
VIÐTAL
Kristín Heiða Kristinsdóttir
khk@mbl.is
„Ég er mjög heppin að búa á Íslandi,
en ég vil gera það sem ég get til að
hjálpa fólki sem býr annars staðar í
heiminum og á erfitt. Núna á fólk í
Mið-Víetnam um sárt að binda
vegna flóða, yfir hundrað manns
hafa dáið og 180 þúsund hús eru
undir vatni. Gríðarlega margt fólk
hefur misst heimili sín. Þetta fólk er
mjög illa statt, það hefur misst allt
sitt og á ekki mat fyrir börnin sín og
ekki föt til að klæðast nema það sem
það stendur í. Ég er sjálf frá Víet-
nam og vil gera allt sem ég get til að
hjálpa fólki í mínu heimalandi sem
nú er í nauðum statt,“ segir Kristín
Cheng sem safnar nú fyrir hina bág-
stöddu með allsérstæðu framtaki.
Hún ætlar næstkomandi sunnudag,
1. nóvember, á alþjóðlegum degi
grænkera, að bjóða fólki að koma á
veitingastaðinn Loving Hut Iceland
í Reykjavík frá kl. 15 til 20 og sækja
sér tilbúna veganrétti, en láta í stað-
inn eitthvað af hendi rakna til söfn-
unarinnar.
Hver króna skiptir máli
„Sjö kokkar verða á staðnum að
elda allan daginn. Við ætlum að búa
til mikið af mat og bjóða upp á átta
ólíka víetnamska veganrétti. Við
viljum hvetja fólk til að koma og
þiggja gefins veganrétti frá okkur,
en við hvetjum það sama fólk til að
leggja okkur lið með því að gefa í
söfnunina okkar. Hver og einn ræð-
ur hvað hann gefur mikið, hver
króna skiptir máli fyrir fólkið á þess-
um flóðasvæðum. Safnast þegar
saman kemur. Með þessum hætti
getum við öll tekið höndum saman
til að styrkja og hjálpa fórnar-
lömbum flóðsins. Við vonum að sem
flestir komi til okkar því við viljum
geta hjálpað sem flestum og vonandi
jafnvel líka rétt þeim hjálparhönd
sem þurfa að gera við húsin sín þeg-
ar vatnið sjatnar eftir flóðin.“
Kann vel við sig á Íslandi
Kristín Cheng flutti til Íslands
fyrir tíu árum, hún er gift íslenskum
manni og unir hag sínum vel hér í
norðrinu.
„Ég er mjög ánægð á Íslandi og
mér finnst ég afar heppin að búa
hér, af því fólkið á Íslandi er yndis-
legt og gott, og það er gott að vinna
með því,“ segir Kristín Cheng sem
hefur nokkrum sinnum áður gripið
til sinna ráða til að hjálpa bág-
stöddum, eldað og gefið mat en
hvatt þiggjendur til að gefa í staðinn
í söfnun.
„Við sendum alla peningana til
ákveðins hóps fólks úti í Víetnam
sem sér um að kaupa mat, föt,
sængurver og annað sem fólk í
neyðinni þar vantar,“ segir Kristín
Cheng og tekur fram að vegna Co-
vid þurfi allir að taka matinn með
sér heim og að þau ætli að gæta að
tveggja metra reglunni inni á staðn-
um. Loving Hut Iceland er við
Laugaveg 164 í Reykjavík og rétt-
irnir sem Kristín Cheng og hennar
fólk ætlar að bjóða upp á eru eftir-
farandi:
1. Vegan víetnamskt salat
2. Vegan shushi
3. Vegan curry
4.Vegan spring roll
5. Vegan vorrúllur
6. Vegan Chao Mien
7. Vegan Lucky chuck
8. Vegan víetnamskt próteinlæri
Safnar fyrir landa sína í Víetnam
Morgunblaðið/Árni Sæberg
Hugsjónakona Kristín Cheng á veitingastaðnum Loving Hut Iceland með nokkra víetnamska rétti.
 Kristín Cheng lætur verkin tala
 Býður fólki að sækja sér ókeypis
veganrétti en gefa í staðinn peninga í
söfnun fyrir fórnarlömb flóða
Viðburðinn má finna á Facebook
undir heitinu: VEGAN MAT FRI
+STYRKJA SAMAN
Þeir sem ekki komast til að ná sér
í mat geta lagt sitt af mörkum í
söfnuninni með því að leggja inn á
reikning 0515-14-413020,
kt.: 2506864399.
Rjúpnaveiðin hefst á sunnudaginn
kemur, 1. nóvember, og stendur til
30. nóvember. Leyft verður að veiða
fimm daga í viku, frá föstudegi til
þriðjudags, en bannað er að veiða á
þriðjudögum og miðvikudögum.
Fyrirkomulagið er því það sama og
var í fyrra í samræmi við reglugerð
um fuglaveiðar og nýtingu hlunn-
inda af villtum fuglum.
Sem fyrr er bannað að selja rjúp-
ur og rjúpnaafurðir og eru veiði-
menn hvattir til að gæta hófsemi.
Eins hvetur Umhverfisstofnun
veiðimenn til að athuga hvort þeir
eru með gilt veiðikort áður en hald-
ið er til veiða. Korthafi skal bera
kortið með sér á veiðum og fram-
vísa því sé þess óskað. Hægt er að
athuga hvort veiðikort er í gildi í
þjónustugátt Umhverfisstofnunar
og endurnýja það sé þörf á því. Þá
eru rjúpnaskyttur hvattar til að
fara að sóttvarnareglum. Áfram
verður bannað að veiða rjúpur á
verndarsvæði á Suðvesturlandi sem
nær m.a. yfir Reykjanesið og austur
í Ölfus, að Þingvöllum og norður í
Kjós.
„Veiðistofn rjúpu er nú einn sá
minnsti síðan mælingar hófust árið
1995 og aðeins einu sinni áður, 2002,
hefur veiðistofninn verið metinn
viðlíka lítill. Því er mjög mikilvægt
að veiðimenn gæti hófsemi í veiðum.
Veiðiþol stofnsins er metið um
25.000 rjúpur, sem er um 35% af
metnu veiðiþoli í fyrra,“ segir í til-
kynningu umhverfis- og auðlinda-
ráðuneytisins um rjúpnaveiðar í ár.
Þar kemur einnig fram að stefna
stjórnvalda sé að nýting rjúpna-
stofnsins, líkt og annarra auðlinda,
skuli vera sjálfbær. Jafnframt skuli
rjúpnaveiðimenn stunda hóflega
veiði til eigin neyslu. gudni@mbl.is
Rjúpnaveiðin
hefst á sunnudag
Morgunblaðið/Kristinn Magnússon
Rjúpnaveiðar Útlit er fyrir norð-
læga eða breytilega átt á sunnudag.
 Veiðistofninn er með minnsta móti
Rúmlega ein og hálf milljón
barna er í hættu eftir mikil flóð
og aurskriður í fimm héruðum
í Mið-Víetnam. Starfsfólk
Barnahjálpar Sameinuðu þjóð-
anna (UNICEF) á svæðinu vinn-
ur með stjórnvöldum í Víetnam
við að meta aðstæður og veita
neyðaraðstoð. „Tíminn er
naumur þar sem annar fellibyl-
ur nálgast sama strandsvæðið
og gæti náð landi á næstu dög-
um með tilheyrandi úrhelli,“
segir Steinunn Jakobsdóttir, kynningarstjóri UNICEF.
Að sögn Steinunnar hafa flóð eyðilagt heimili, skóla,
heilsugæslustöðvar og uppskeru og hætta er á að börn
geti smitast af lífshættulegum sjúkdómum. „Að
minnsta kosti 135 þúsund fjölskyldur hafa orðið fyrir
beinum áhrifum af flóðunum og yfir hálf milljón hefur
nú ekki aðgang að öruggu drykkjarvatni. Nú þegar er
búið að tilkynna skemmdir á 42 heilsugæslustöðvum
og margar aðrar eru óaðgengilegar vegna flóðvatnsins.
Mæður og börn hafa því ekki
aðgang að grunnheilsugæslu
sem er sérstaklega mikilvæg
þegar aukin hætta er á út-
breiðslu smitsjúkdóma. Flóðin
hafa einnig eyðilagt fjölda
skóla sem hefur áhrif á mennt-
un 1,2 milljóna barna,“ segir
hún.
Ly Phat Viet Linh, sérfræð-
ingur UNICEF í neyðaraðgerð-
um á svæðinu, segir að flóðin
og aurskriðurnar hafi valdið
miklum skemmdum í þeim samfélögum sem þau hafi
náð til. „Skólar hafa eyðilagst og bækur og annað
námsefni skemmst í flóðvatninu. Íbúar hafa ekki að-
gang að rennandi vatni, klósett eru undir vatni og
skortur á hreinlætisaðstöðu eykur enn hættuna á smit-
sjúkdómum á borð við niðurgangspestir.“ (Af vef
Stjórnarráðs Íslands: www.stjornarradid.is Fréttin birt-
ist þar 23. okt í Heimsljósi, upplýsingaveitu utanríkis-
ráðuneytisins um þróunar- og mannúðarmál).
Tugþúsundir barna í hættu í Víetnam vegna flóða
FRÉTT FRÁ UPPLÝSINGAVEITU UTANRÍKISRÁÐUNEYTISINS UM ÞRÓUNAR- OG MANNÚÐARMÁL
Ljósmynd/AFP