Árbók Hins íslenzka fornleifafélags - 2016, Qupperneq 40

39„SJALDAN FELLUR REÐUR LANGT FRÁ RÓTINNI“
sama leikinn og birt greinar á borð við „Ris á reðasafni,“39 „Flytur norður
með alla sína limi,“ og „Eins og kóngur í ríki sínu.“40 Ljósvakamiðlar
hafa einnig fjallað um safnið, t.d. BBC í Bretlandi og CBC í Kanada og
erlendar sjónvarpsstöðvar hafa sýnt safninu mikinn áhuga allt frá stofnun
þess – og reyndar fyrir stofnun.41 Kanadískir kvikmyndagerðarmenn hafa
gert heimildarmynd um safnið, The Final Member, og hefur hún verið
sýnd út um allan heim á kvikmyndahátíðum. Af þessari upptalningu má
sjá að hér er um gott dæmi að ræða um einstaklingsframtak sem hefur
heppnast vel á mælistiku nýfrjálshyggju, en safnið bryddar upp á nýlundu í
menningarlegum efnum, sýnir frumleika, framandleika og áður ósýnilega
þætti í íslenskri náttúru og menningu, eykur skemmtun fólks, laðar að sér
erlenda sem innlenda ferðamenn og vekur áhuga fjölmiðlafólks á ýmsum
miðlum út um allan heim.
39 „Ris á reðasafni“ 1997.
40 „Eins og kóngur í ríki sínu“ 1997.
41 Sjá Þórunn Valdimarsdóttir 1996.
Mynd 3: Í þjóðfræðideild Hins íslenzka reðasafns er að finna typpi af ýmsum skepnum sem sagt er frá í
þjóðsögum. Eitt þeirra sem finna má í deildinni er grænt typpi af Marbendli. Á myndinni má sjá dæmi um
tungumálaleik safnsins, en eintakinu er m.a. gefið latneskt heiti. Ljósmynd: Sigurjón Baldur Hafsteinsson.