Heilbrigðisskýrslur - 01.12.1973, Side 169
167
2. Ef spurning nr. 1 er neikvæð, getur læknaráð þá fallist á mats-
gerð þeirra ... og Þórðar Möller, lækna, frá 13. mars 1973,
sbr. dskj. nr. 22?
3. Ef spurningar nr. 1 og 2 eru neikvæðar, hvert er þá álit lækna-
ráðs á varanlegri og/eða tímabundinni örorku stefnanda málsins,
H.G-sonar, vegna slyss þess, er í málinu greinir?
Tillaga réttarmáladeildar um
Ályktun læknaráðs
Þar sem nokkuð ber á milli varðandi niðurstöðu vottorðs læknanna
... og Þórðar Möller annars vegar og niðurstöðu vottorðs Gunnars
Guðmundssonar læknis hins vegar, en álitsgerð Páls Sigurðssonar
læknis er byggð á vottorði hins síðastnefnda, þykir læknaráði nauð-
synlegt, að þess verði farið á leit við Gunnar Guðmundsson lækni,
að hann endurtaki rannsókn sína, en milli rannsóknanna tveggja er
liðlega fjögurra ára tímabil (álitsgerð Gunnars Guðmundssonar er
dags. 14. janúar 1969, en álitsgerð þeirra ... og Þórðar Möller er
dags. 13. mars 1973).
Greinargerð og ályktunartillaga réttarmáladeildar, dags. 4. apríl
1974, staðfest og undirrituð af forseta og ritara 18. apríl s.á.
sem álitsgerð og úrskurður læknaráðs.
6/1974
Bæjarfógetinn í Keflavík hefur með bréfi, dags. 4. janúar 1974,
leitað umsagnar læknaráðs í barnsfaðernismálinu: X gegn Y.
Málsatvik eru þessi:
Hinn ... júlí 1970 ól sóknaraðili máls þessa, X, ..., Keflavík,
f. ... 1954, óskilgetið sveinbarn í sjúkrahúsi Keflavíkurlæknis-
héraðs. Barnið hefur hlotið nafnið Z. Föður að barni þessu lýsti
Y . . ., Reykjavík.
Málsaðilar eru sammála um að hafa haft samfarir aðeins einu sinni,
þ.e. 15. desember 1969.
Samkvæmt vottorði ... ljósmóður, dags. 4. nóvember 1971, var barnið
2300 g að þyngd og 48 cm á lengd.
Blóðrannsókn fór fram á barni og málsaðilum og var hún framkvæmd á
Rannsóknarstofu Háskólans. 1 vottorði rannsóknarstofunnar, dags.
12. mars 1971, undirrituðu af prófessor dr. med. ólafi Bjarnasyni,
segir svo: "Niðurstöður þessarar rannsóknar samrýmast því, að
Y sé faðir Z, sonar X."
1 málinu liggur fyrir læknisvottorð Kjartans Ólafssonar, héraðs-
læknis í Keflavík, dags. 11. nóvember 1971.