Rit Landbúnaðardeildar : B-flokkur - 01.04.1953, Side 88

86
Þessi tilraun hefur, eins og taflan sýnír, verið gerð í níu ár. Tilraunin
var alltaf tvíslegin. Þvagið, sem notað hefur verið, var aldrei efnagreint,
en var tekið úr þvaggryfju fjóssins, en þar er eingöngu um kúaþvag að
ræða. Nokkur munur hefur verið milli ára á dreifingartíma, þannig að
ekki hefur ávallt verið hægt að láta hvern dreifingartíma tilraunarinnar
bera upp á sama dag frá ári til árs, en þeirri reglu hefur verið fylgt, að
dreifa á sem þíðasta jörð. Gildir þetta einkum um miðsvetrardreifinguna.
Gert hefur verið ráð fyrir því, að í 12000 kg af þvagi sé um 60 kg af köfn-
unarefni og því tilsvarandi magn og í þrenrur 100 kg pokum af kalkamm-
onsaltpétri, en reyndin sýnir, að varla hefur það magn af N komið fram
í þvaginu, og veldur þar um sennilega verri nýting á N miðað við upp-
skerutölur í töflu LXXXI, og samanborið við aðrar tilraunir, sem fengið
hafa svipað magn af N-áburði á hliðstæðu landi.
Það sem tilraunin bendir á er, að vordreifing hlands gefur bezta raun
og þar næst e-liður, dreifingartími síðara hluta maí. Miðsvetrardreifing,
c-liður, gefur líka uppskeru og e-liður, en haustdreifingin er með minnsta
uppskeru, svo að ætla má að nokkuð tapist af N þvagsins yfir veturinn.
Hér á eftir skal sýnt, hve 1000 lítrar af þvagi gefa mörg kg af heyi:
b. Haustdreifing 100 kg töðu fyrir hverja 1000
c. Miðsvetrardreifing . 136 - - - - 1000
d. Vordreifing fyrst í maí . . . . 183 - - - - 1000
e. Vordreifing fyrst í júní . . . . 154 - - - - 1000
c. Tilraunir með útþvott á mykju.
Þessar tilraunir stóðu yfir í fimm ár, frá 1941 — 1945 og voru gerðar
við sömu jarðvegs- og gróðurskilyrði og tilraunirnar með mykju og þvag.
Tilgangur tilraunanna var að finna, hvort spara mætti áburð með því að
blanda mykjuna með vatni og dreifa henni þannig á túnið. Það virðist
vera gott samræmi í tilrauninni öll árin, þannig að munurinn milli til-
raunaliðanna virðist ganga í sömu átt. Sem sé, að nokkur ávinningur er
að því að þvo út mykjuna.
Það, sem tilraunin sýnir, er í aðalatriðunum þetta:
1. Fyrir jafnt magn áburðar í b- og c-lið tilraunarinnar hefur út-
þvottur mykjunnar gefið 15% meiri töðu en venjuleg breiðsla sama á-
burðarmagns.
2. Það lætur nærri, að % áburðarskammtur, útþveginn, hafi gefið
eins mikla uppskeru og heill áburðarskammtur með venjulegri breiðslu.
Hins vegar segir tilraunin ekkert um það, hvort þessi dreifingaraðferð sé