Strandapósturinn - 01.06.1970, Side 11

Jóhannes Jónsson frá Asparvík:
Um sumarnótt
á ferð um Strandir
(Brot)
Nú dýrðlega angar í daggperlu skrúða
draumfögur miðsumars nótt.
Frá afdala byggðum til útnesja flúða
allt er svo kyrrlátt og hljótt.
Júlí sunna viS hafsbrún heldur
sinn heilaga miðnœtur vörð
Þar brennur sólgeisla eilífur eldur
og ekkert er fegurra á jörð.
Halla tekur af heiðinni norður
nú horft er um voga og sund.
Hér fölnar öll upphefð, frami og orður
við fegurð um miðnætur stund.
Sólroða geislar um tindana titra
og tíbráin stígur sinn dans.
Hjarnskafla kristállar glampandi glitra
við gullroðinn háfjalla krans.
Hœðir sig spegla svo fagrar og frjálsar
í fjarðarins blikandi hyl.
Hér brosa við augum blágrænir hálsar
og bæir með silfurhvít þil.
Til hœgri er menningar miðstöðin kæra
hvar menntunin byggðar er sótt,
þar æskan mun sígilda Ufs-sþeki læra
með lífsorku heilbrigði og þrótt.
9