Bjarmi - 01.09.2013, Síða 30

reynt var að útrýma með skipulögðum
hætti af nazistum í síðari heimsstyrjöld.
Mótrökin eru þau að hin neikvæða trúar-
bragðagagnrýni sem finna má hjá hug-
myndafræðilegum feðrum annars vegar
kommúnista og hins vegar nazista geti
þegar fram í sækir reynst vatn á myllu
haturshreyfinga sem noti hana til að
réttlæta skerðingu á almennum mann-
réttindum og blóðugt uppgjör við trúar-
hópa og trúarstofnanir sem þeim er
uppsigað við. Slík gagnrýni á Dawkins og
fylgismenn hans er vantrúarfélögum vel
kunn og hafa þeir árum saman kvartað
sáran undan henni í hvert sinn sem
henni hefur verið haldið fram af m.a.
þjóðþekktum íslendingum á borð við Egil
Helgason úr Silfri Egils. Á þessu eru þó
margar hliðar og geta mótrökin allt eins
nýst þeim sem vilja þagga niður í óþægi-
legri trúarbragðagagnrýni.
Vantrúarfélagar halda því fram að
fyrst ég hafi sett á glæru þessi algengu
mótrök gegn Dawkins og fylgismönnum
hans hljóti ég sem guðfræðingur að
hafa verið að innræta hugsanalausum
nemendum mínum þau gagnrýnilaust.
Vantrúarfélagar á borð við Valgarð Guð-
jónsson hafa ítrekað haldið því fram að
ég hafi verið að innræta nemendum þá
firru að þeir og raunar allir trúleysingjar
upp til hópa séu gyðingahatarar og
kynþáttahatarar. Enginn nemandi minn
kannast við slíkt og sá sem gaf Vantrú
nákvæma skýrslu um kennsluna strax að
henni lokinni og afhenti félaginu glær-
urnar minntist heldur ekki þar einu orði á
að ég hafi sagt eitthvað slíkt. Ætla má að
það hefðu verið tíðindi sem hann hefði
talið ástæðu til að upplýsa formanninn
um í netsamtali þeirra ef ég hefði gert
það. Fullyrðingar vantrúarfélaga eru hér
sem fyrr tilefnislausar getgátur. Það var
ekki einu sinni minnst á kynþáttahatur í
kennslunni og hugtakið kemur ekki fyrir
á glærum.
Hitt er svo annað mál að ýmsir
háskólakennarar hafa sagt mér að
þeir séu sjálfir sammála mótrökunum
sem tilgreind eru á glærunni og hefðu
hiklaust haldið þeim fram sem eigin
sjónarmiðum í háskólakennslu enda sá
akademískur réttur þeirra varinn i siða-
reglum Háskólans. Sjálfur lagði ég þessi
atriði eingöngu fram í kennslustundinni
til að fá nemendur til að greina þau og
gagnrýna og sagði ekkert annað um þau
30 september 2013 | bjarmi