Editiones Arnamagnæanæ. Series A - 01.06.2001, Qupperneq 89

15
18
21
24
27
30
33
36
39
42
45
48
5
vpp riki sitt. Sua eignaðiz Haralldr konungr Naumdælafylki. ok kaP. 3
Halugaland. Setti hann þar menn yfer riki sitt. Siðan bioz Har(alldr)
k(onungr) or Þrandheimi með skipaliði ok for suðr a Mæri. atti þar
orrostu við Hunþiof konung ok hafði sigr. fell þar Hunþiofr. þa eign-
aðiz H(aralldr) konungr Nordmæri ok Raumsdal. En Saului klofi | son 63 ra
Hunþiofs hafði vndan komiz ok fór hann a Sunnmæri til Arnuiðar
konungs ok bað hann ser fulltings ok sagði sua. þott þetta vandræði
hafi nu borit oss at hendi. þa mun eigi langt til at sama vandræði mun
til yðuar koma. þuiat Haralldr ætla ek at skiott man her koma þa er
hann hefer alla menn þrælkat ok aþiað sem hann vill a Norðmæri ok í
Ra/msdal. Munu þer hinn sama kost firer hondum eíga sem vær attum
at veria fe yðuart ok frelsi ok kosta þar til allra þeira manna er yðr er
lids at ván ok vil ek bioðaz til með minu liði moti þessum ofsa ok
viafnaði- En at odrum kosti munu þer vilia taka vpp þat rað sem
Naumdælar gerðu. at ganga með sialfuilia i anauð ok geraz þrælar
Harallz. þat þotti foður mínum sigr at deyia i konungdomi með sæmd
helldr en geraz vnder maðr annars konungs a gamals alldri. hyG ek at
þer muni ok sua þikia. ok oðrum þeim er nockurer ero borði. ok
kappsmenn vilia vera. Af slikum fortolum var konungrinn fastraðinn
til þess at samna liði ok veria land sitt. bundu þeir Saului þa samlag
sitt. ok sendu orð Auðbirni konungi. er reð firer Firðafylki at hann
skylldi koma til liðs við þa. En er sendimenn komu til Auðbiarnar
konungs ok baru honum þessa orðsending. þa rez hann vm við vini
sina. ok reðu honum þat aller at samna liði ok fara til motz við Mæri
sem honum voro orð til send. Auðbiorn konungr let skera vpp heror ok
fara herboð vm allt riki sitt. hann sendi menn til rikismanna at boða
þeim til sín. En er sendimenn konungs komu til K(uelld) Vlfs ok sogðu
honum sin erendi. ok þat at konungr vill at K(uelld) Vlfr komi til hans.
með alla huskarla sína. K(uelld) V(lfr) sv(arar) sua. þat mvn konungi
skyllt þikia at ek fara með honum ef hann skal veria land sitt ok se
heriat i Firðafylki. en hitt ætla ek mer alloskyllt at [f]ara norðr a Mæri
ok beriaz þar ok veria land þeira. Er yðr þat skiotaz at segia þa er þer
hittið konung yðuarn at K(uelld) V(lfr) mun heima sitia vm þetta
herhlaup. ok hann mun eigi herliði safna ok eigi gera sina þa heiman-
ferð at beriaz moti Haralldi lufu þuiat ek hyG at hann hafi þar byrði
gnoga hamingiu er konungr vaá hafi eigi krepping fullan. foru
sendimenn heim til konungs. ok sogðu honum erendislok sin. En
K(uelld) V(lfr) sat heima at búm sinum.
23 Munu] stort begyndelsesbogstav synes skr. oven i m-.