Editiones Arnamagnæanæ. Series A - 01.06.2001, Qupperneq 97

27
30
33
36
39
42
45
48
51
54
57
60
13
hann enga viðstoðu ok eignaðiz hann siðan land allt. konungr let græða kap. 9
menn sína þa er lifs var a/ðit. en veita vmbu(na)ð dauðum monnum.
þann sem þa var siðuenia til. Þorol(fr) ok Barðr lagu i sarum. toku sár
Þorol(fs) at groa en Barðar sar gerðuz banvæn. þa let hann kalla
konung til sín ok sagði honum sua. ef sua verðr at ek deyia ór þessum
sarvm þa vil ek þess biðia yðr at þer latið mik raða firer arfi minum. en
er konungr hafði þui iatað. þa sagði hann. arf minn allan vil ek at taki
Þorol(fr) felagi minn ok frendi | lond ok lausa aura. honum vil ek ok 65 rb
gefa konu mina ok son minn til vppfæzlu. þuiat ek trvi honum til þess
bezt allra manna. hann festir þetta mal sem log voro til at leyfi
konungs. Siðan andaz Barðr ok var honum veittr vmbunaðr ok var
hann harmdauði miog. Þorol(fr) varð heill sara sinna. ok fylgdi
konungi vm sumarit. ok hafði fengit allmikinn orðstir. konungr for vm
haustið norðr til Þrandheims. þa biðr Þorol(fr) orlofs at fara norðr a
Halogaland at vitia giafar þeirar er hann hafði þegit vm sumarit at
Barði frænda sinum. konungr lofar þat. ok gerir með orðsending ok
iartegner at Þorol(fr) skal þat allt fa er Barðr gaf honum. lætr þat
(fylgia) at su giof var gior með raði konungs. ok hann vill sua vera
lata. giorer konungr þa Þorol(f) lendan mann ok veiter honum þa allar
veizlur þær sem aðr hafði Barðr haft. fær honum finnferdina með
þuilikum skildaga sem áðr hafði haft Barðr. konungr gaf Þorol(fi)
langskip gott. með reiða ollum. ok let bua ferð hans þaðan sem bezt.
Siðan fór Þorol(fr) þaðan ferð sína. ok skilduz þeir konungr með
hinum mesta kærleik- En er Þorol(fr) kom norðr i Torgar. þa var honum
þar vel fagnat. Sagði hann þa frafall Barðar. ok þat með at Barðr hafði
gefit honum epter sik lond ok lausa aura. ok kuanfang þat er hann
hafði aðr att. berr framm siðan orð konungs. ok iartegner. En er Sigriðr
heyrði þessi tiðendi þa þotti henni skaði mikill epter mann sinn. En
Þorol(fr) var henni aðr miog kunnigr ok vissi hon at hann var hinn
mesti merkis maðr. ok þat giaforð var allgott. ok með þui at þat var
konungs boð. þa sa hon þat at raði ok með henni vinir hennar at heitaz
Þorol(fi) ef þat væri feðr hennar eigi i moti skapi. Siðan tok Þorol(fr)
þar við forraðum ollum ok sua við konungs syslu. Þorol(fr) gerði
heimanfaur sina ok hafði langskip ok a næk .l.x manna. ok fór siðan er
hann var buinn norðr með landi ok einn dag at kuelldi kom hann i
Alost a Sandnes. logðu skip sitt til hafnar. En er þeir hofðu tialldat ok
vm buiz. for Þorol(fr) vpp til bæiar með .xx. menn. Sigurðr fagnaði
honum vel ok bauð honum þar at vera. þuiat þar voro aðr kunnleikar
42 fylgia] sál. B (458,) og C. 48 En] begyndelsesbogst. i marg. 50 lond]fork.
Id med gennemstregning, skai rimeiigvis oplflses sál. (ikke land].