Editiones Arnamagnæanæ. Series A - 01.06.2001, Side 100

16
kaP. ii þottuz menn finna at hann var reiðr. veizla var hin pruðligsta. ok oll
faung hin beztu. konungr var helldr okatr. ok var þar .ííj. nætr sem
ætlat var. þann dag er konungr skylldi brott fara geck Þorol(fr) til hans
ok bað at þeir skylldu fara ofan til strandar. konungr gerði sua- þar
flaut firer landi dreki sa er Þorol(fr) hafði gera latið með tiolldum ok
ollum reiða. Þorol(fr) gaf konungi skipit. ok bad at konungr skylldi sua
virða sem honum hafði til gengit. at hann hafði firer þui haft fiolmenní
sua mikit at þat væri konungi vegsemd en ecki firer kapps saker við
hann. konungr tok þa vel orðum Þorol(fs). ok gerði sik þa bliðan ok
katan. laugðu þa ok marger goð orð til. sogðu sem satt var at veizlan
va(r) hin vegsamligsta ok vtleizlan hin skauruligsta. ok konungi var
styrkr mikill at slikum monnum. skilduz þa með kærleik miklum. fór
konungr norðr á Haluga land sem hann hafði ætlat. ok sneri aptr suðr er
a leið sumarit. for þa enn at veizlum þar sem firer honum var buit.
kaP. 12 af Hildiriðar sonum
Hilldir(iðar) syner foru a fund konungs. ok buðu honum heim til .ííí.
natta veizlu. konungr þektiz boð þeira ok kuað a næR hann mundi þar
koma. En er at þeiri stefnu kom. þa kom konungr þar með lið sítt ok
var þar ecki fiolmenn(i) firer. en veizla fór fram it bezta. var konungr
allkatr. Harekr kom ser i ræðu við konung. ok kom þar ræðu hans. at
hann spyá vm ferder konungs. þær er þa hofðu verit vm sumarit.
konungr sagði slikt er hann spurði. kuað alla menn hafa ser vel fagnat.
ok miog huern epter fongum sinum. Mikill munr sagði Harekr mun
þess hafa verit at i Torgum mundi veizla fiolmennuz. konungr sagði at
sua var. Harekr s(eger). þat var vis van. þuiat til þeirar veizlu var mest
aflat. ok baru þer konungr þar storligar gæfur til er sua sneriz at þer
komut i engan lifs haska. fór þat sem likligt var at þu vart vitraztr ok
66 rb hamingiv mestr. þuiat þu grunaðer þegar at eigi mun|di allt af heilu
vera er þu satt fiolmenni þat it mikla er þar var saman dregit. en mer
var sagt at þu letir allt lið þitt iafnan með aluæpni vera. eða hafðer
varðhaV'lld oruG bæði nott ok dag- konungr sa til hans. ok mællti. hui
mæler þu slikt Harekr eða huat kantu þar af at segia. hann s(eger).
huart skal ek mæla i orlofi konungr. þat er mer likar. mælðu s(eger)
konungr- Þat ætla ek s(eger) Harekr. ef þu konungr (heyrðir) huers
15 konungr] det sidste bogst. ligner mest et -i men má opfattes som et ufærdigt -r, jf
forrige note. 22 sogðu] -o- ændret af skriveren fra -e- med nasalstreg over (jf. flg.
ord). || 12 20 Þat] begyndelsesbogst. i marg. heyrðir] sál. 560, som her har et
stykke af en slags A-tekst (jf. indledningen § 4.5 og Tillæg IV s. 210 nedenfor); samme
ord desuden i C.
15
18
21
24
3
6
9
12
15
18