Editiones Arnamagnæanæ. Series A - 01.06.2001, Qupperneq 140

56
kap.40 Egill drap mann vii vetra
Skalla G(rimr) hendi mikit gaman at aflraunum ok leikum. vm þat þotti
honum gott at ræða. knattleikar voro þa tiðir. var þar i sueit gott til
sterkra manna i þann tima. en þo hafði engi afl við S(kalla) G(rim).
hann gerðiz þa helldr hníginn at aldri. Þorðr het s(on) Grana at
Grana<s)tauðum. ok var hann hinn mannvænligsti maðr. ok var a
vngum alldri. hann var elskr at Agli S(kalla) G(rims) s(yni). Egill var
miog at glimum. var hann kapsamr miog ok reiðinn. en aller kunnu þat
at kenna sonum sinum at þeir vegði firer Agli. knattleikr var lagiðr a
Huit ár vollum allfiolmennr a aunduerðan vetr. Sottu menn þar til viða
vm herað. heimamenn S(kalla) G(rims) foru þangat til leiks marger.
Þorðr Grana s(on) var hellzt firer þeim. Egill bað Þorð at fara með
honum til leiks. þa var hann a ,víj.da vetr. Þorðr let þat epter honum
ok reiddi hann at baki ser. En er þeir komu a leikmotið. þa var monnum
skipt þar til leiks. þar var ok komit mart smasueina. ok gerðu þeir ser
76 va annan leik. var | þar ok skipt til. Egill hlaut at leika við suein þann er
Grimr het s(on) Hegs af Hegs stoðum. Grimr var .xi. vetra eða .x. ok
sterkr at iofnum alldri. En er þeir lekuz við. þa var Egill osterkari.
Grímr gerði ok þann mun allan er hann matti. þa reiddiz Egill ok hof
vpp knatttreit ok laust Grim. En Grimr tok hann hondum. ok keyrði
hann niðr fall mikit. ok lek hann helldr illa. ok kuez mundu meida hann
ef hann kynni sik eigi. En er Egill komz a fætr þa geck hann ór
leiknum. en sueinamer æptu at honum. Egill for til fundar við Þorð
Grana s(on) ok sagði honum huat i hafði gerz. Þorðr mællti. Ek skal
fara með þer ok skolu við hefna honum. hann selldi honum i hendr
skeo exi eina er Þorðr hafði haft i hendi. þa/ vápn voro þa tið. Ganga
þeir þar til er sueina leikrinn var. Grimr hafði þa hent knottinn. ok rak
vndan en aðrer sueinamer sottu epter. Þa hliop Egill at Grimi ok rak
exina i hofuð honum sua at þegar stoð i heila. þeir Egill ok Þorðr gengu
i brott siðan. ok til manna sinna. hliopu þeir Myramenn þa til vapna. ok
sua huarertueggíu. Oleifr hallti hliop til þeira Borgarmanna með þa
menn er honum fylgdu. voro þeir þa miklu fiolmennri. ok skilduz at
sua geruu. þaðan af hofuz deilldir með þeim Oleifi ok HeG. þeir borðuz
a Laxfit við Grimsá. þar fellu .víj. menn en HeGr varð saá til olifiss ok
Kuígr fell broðer hans. En er Egill kom heim let S(kalla) G(rimr) ser
fatt vm finnaz. En Bera q(uað) Egil vera vikings efni. ok q(uað) þat
mundu firer lÍGÍa þegar hann hefði alldr til. at honum væri fengin
herskip. Egill q(uað) v(isu).
3
6
9
12
15
18
21
24
27
30
33
36
|| 40 28 Þa] begyndelsesbogst. i marg.