Editiones Arnamagnæanæ. Series A - 01.06.2001, Page 154

70
kap.46 mællti. Egill spurði ef hann villdi vpp or grofinní- Aki s(eger) at þeir
villdu þat giarna. Siðan letu þeir Egill siga festi ofan i grofina þa er
þeir voro bundner með ok drogu þar vpp *.ííj. menn. Aki sagði at þat
voro syner hans .íj. ok þeir voro menn dansker. hofðu þar orðit her-
tekner it fyúa sumar. var ek sagði hann vel haldinn i vetr- hafða ek
miog fiar varðueizlur buanda. en sueinarner voro þíaðer ok vndu þeir
illa- i var reðu ver til ok hlupum a brott ok vrðum siðan fundner- voro
ver þa her setter i grauf þessa. þer mun her kunnigt vm husa skipan
s(eger) Eg(ill). huar er oss vænst a brott at komaz. Aki sagði at þar var
78 rb annat skialldþili- brioti [ þer þat vpp- munu þer þa koma fram i korn-
hlauð<u) en þar ma vt ganga sem vill. þeir Egill gerðu sua- brutu vpp
þilið- gengu siðan i hlauðuna ok þaðan vt- niðamyrkr var a- þa mælltu
þeir faurunautar at þeir skylldu skunda a skoginn. Eg(ill) mællti við
Aka. Ef þer ero her kunnig hibyli. þa muntu visa oss til fefanga
nockuáa. Aki s(eger) at eigi mundi þar skorta lausa fe. her er lopt
mikit. er bonde sefr i- þar skorter eigi vapn inni. Eg(ill) bað þa þangat
fara til loptsins. En er þeir komu vpp i ridit þa sa þeir at loptið var opit.
var þar lios inni ok þionostu menn ok biuggu reckiur manna. Eg(ill)
bað þa suma vti vera ok gæta at engi kæmiz vt. Eg(ill) hliop inn i
loptið. greíp þar vapn þui at þau skorti þar eigi inní. drapu þar menn
alla þa er þar voro inni- þeir toku ser aller aluæpni. Aki geck til þar er
hlemr var i golfþilínu. ok lauk vpp- mællti at þeir skylldu þar ofan
ganga i vnder skemmuna. *þeir toku ser lio's' ok gengu þangat. voro þar
fehirzlur bonda ok gripir goðer. ok silfr mikit. Toku menn ser þar
byrðar ok baru vt. Eg(ill) tok vnder hond ser mioðdrecku eína vel
mikla ok bar vnder hendi ser. foru þeir þa til skogar. En er þeir komu i
skoginn þa nam Eg(ill) stað ok mællti. þessi ferð er allill. ok eigi
hermannlig- Vær hofum stolið fe bonda sua at hann veit ecki til* skal
oss alldregi þa skomm henda- forum nu aptr til bæiarins ok latum þa
vita huat titt er. Aller mælltu þui i mot. Saugðu at þeir villdu fara til
skips. Eg(ill) setr niðr mioðdreckuna. Siðan hefr hann a ras ok rann til
bæiarins. En er hann kom heim til bæiarins þa sa hann at
þionostusueinar gengu fra ellda skala með skutildiska ok baru inn i
stofuna. Eg(ill) sa at i elldahusínu var elldr mikill ok katlar ifer. Geck
hann þangat til* þar hofðu verit [stoc]kar storer flutter heim ok sua
elldar geruer sem þar er siduenia til at elldinn skal leggia i stoks
endann ok brennr sua stokkrinn. Egill greip vpp stockinn ok bar heim
54 spurði] tydelig prik over -r-, uden betydning. 56 .ííj.] i M stár .íííj. 76 þeir]
i M stár (fork. for) þat. 81 Vær] begyndelsesbogst. i marg. 89 stoks] + ell,
underprikket.
54
57
60
63
66
69
72
75
78
81
84
87
90