Editiones Arnamagnæanæ. Series A - 01.06.2001, Blaðsíða 216

132
kap. 69 .ccc. manna. hafði hann huskarla a skipi sinu ok var þat alluel skipat.
hann hafði ok marga bondasonu með ser. Egill rez til farar með honum.
Styrði hann skipi ok for með honum mart af foruneyti þui er hann hafði
haft með ser af Islandi. en kaupskip þat er Egill hafði haft af Islandi let
hann flytia austr i Vik. feck hann þar manna til at fara með varnat sinn.
en þeir Arinb(iorn) ok Egill helldu langskipunum suðr með landi.
Siðan stefndu þeir lidinu suðr til Saxlands ok heriuðu þar vm sumarit
ok fengu ser fe. En er hausta tok *helldu þeir norðr aptr ok lagu við
Fris land. einhueria nott þa er veðr var kyrt laugðu þeir vpp i moðu
eina þar er illt (var) til hafna ok vtfiri mikil. þar voro a land vpp slettur
miklar ok skamt til skogar- þar voro veller blauter þuiat regn hofðu
verit mikil. þar reðu þeir til vppgaungu. ok letu epter þriðiung liðs at
gæta skipa. þeir gingu vpp með anni milli ok skogarins. þa vard bratt
firer þeim þorp eitt ok bygðu þar marger bændr. liðit rann ór þorpinu a
landit þar er matti. þegar er vart varð vid herinn. en vikingar sottu epter
þeim- var þa sidan annat þorp ok it þriðia. lidit flyði allt þat er þui kom
við. þar var iafnlendi ok slettur miklar. diki voro skorin vida vm landit.
ok stoð i vatn- hofðu þeir lukt vm akra sína. ok eing. En i sumum
stoðum voro setter staurar storer ifer dikin. þar er fara skilldi voro
bruar ok lagðer ifer viðer. landz folkit flydi i morkina. en er vikingar
voro komner langt i bygðina. þa sofnuduz Frisir saman i skoginum. ok
er þeir hofðu aukin .ccc. manna. þa stefna þeir. i moti vikingum. ok
91 ra raða til orrosto við þa- varð þar harðr bardagi en sua lauk at Fri|sir
flyðu. En vikingar raku flottann. dreifðiz bæiaV liðit viðs vegar þat er
vndan fór- gerðu þeir ok sua er epter foro- kom þa sua at faer foro
huarer saman. Egill sotti þa hart epter þeim ok faer menn með honum.
en miog marger foro vndan. komu Frisir þar at er diki var firer þeim.
ok foro þar ifer- siðan toku þeir af bryggiuna- þa koma þeir Egill at
oðrum megin. reð Egill þegar til ok hliop ifer dikit. en þat var ecki
annaáa manna hlaup. enda reð ok engi til- ok er Frisir sa þat þa sækia
þeir at honum en hann varðiz- þa sottu at honum .xi. menn. En sua lauk
þeira viðskiptum at hann felldi þa alla. epter þat skaut Egill ifer brunni
ok for þa aptr ifer dikit. sa hann þa at lið þeira allt hafði snuit til
skipanna. hann var þa staddr næá skoginum. Siðan for Egill fram með
skoginum. ok sua til skipanna at hann atti kost skogarins ef hann
þyrfti. vikingar hofðu haft mikit herfang ofan ok strand hoG. Ok er þeir
komu til skipanna. hiuggu sumer bu feið. sumer fluttu vt a skipin
fen(g) þeira. sumer stoðu firer ofan i skialld borg þuiat Frisir voro ofan
|| 69 12 helldu þeir] s&l. R, C; i M stár heriuðu þeir þeir (sic). 14 þar - hafna] jf. þvi
þar var illt til hafna C. 28 bæiar] -r skr. interlineært pá grund af pladsmangel sidst i
6
9
12
15
18
21
24
27
30
33
36
39
42